Êsai 13:8 - Sơ̆p Hlabơar Nơ̆r 'Bok Kei-Dei

⁸ Lu sư hli tơrơ, đei tơdrong hang nuih ơh sơ'ngon gô truh tơ lu sư, lu sư đei tơdrong jĭ truh tơ lu sư thoi drŏ-kăn jĭ anăp wă tơpŭ, lu sư hli tơrơ na lu sư pơglăn băl tơduă lu sư muh măt lu sư nhen thoi pla ŭnh.

Êsai 13:8 Referans Kwoze

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Na 2:10

Lu sư đe pơrăm lê̆ boih, pă đei kiơ păng pơrăm iŏk tơgar đĭ; jơhngơ̆m lu sư ơh sơ'ngon; kŭl-tăng lu sư pơpơ̆ hơtŭt băl kơiĕng lu sư jĭ ngăl, đĭ-đăng muh măt lu sư dreng hơ'blă.

Êsai 26:17

Nhen thoi drŏ-kăn ôr kơ jĭ anăp sư wă jê̆ tơpŭ. Ơ Kră Yang, lu nhôn oei tơ anăp Ih nhen thoi noh.

Yo 16:21

Thoi bơngai drŏ-kăn, truh năr sư wă jê̆ tơpŭ, sư sơ'ngon kơlih kơ sư jĭ. Hlôi sư tơpŭ boih sư hiơt kơ tơdrong jĭ sư kơlih kơ sư chhơp yua kơ đei hơ'lơ̆p boih.

Jôel 2:6

Kơplah 'bôh lu sư, kon pơlei tă kơ ơh sơ'ngon, đĭ-đăng tă kơ hli ngăl hơ'brơ̆p hơ'brônh, kơ muh măt.

Je 50:43

Pơtao Babilôn kơtơ̆ng ang gah lu sư, na ti sư rơdu rơreh rơrônh; Pơtao hli tơrơ, jơhngơ̆m sư jĭ tuĕnh thoi drŏ-kăn jĭ tơpŭ.

Je 30:6

Jet lăng: Hăm trŏ kơ bơngai drŏ-nglo tơpŭ kon hơ'lơ̆p? Lei liơ mă Inh 'bôh bơngai drŏ-nglo kơ'mĭn klak thoi drŏ-kăn wă tơpŭ? Liơ mă muh măt lu sư dreng hơ'blă?

Je 4:31

Inh kơtơ̆ng nơ̆r ôr thoi drŏ-kăn tơpŭ, ôr hơdrăi thoi bơngai adruh tơpŭ kon blŭng-a. Noh nơ̆r ôr lu kon Adruh Siôn, ôr tơngưih plaih ti na khan răm dêh kơ inh, “inh lôch hơngơ̆t bơih, 'bơ̆t anăp lu bơngai chă pơlôch inh!”

II Pot 19:26

Kon pơlei lăm dôm lu pơlei noh đĭ rơdu rơmơ̆n, lu sư hli tơrơ păng hơwơ̆l hơwang; lu sư lei-lăi thoi 'nhĕt tơ bri, thoi 'long 'nhĕt 'nao bluh thoi 'nhĕt chăt kơpal bơbŭng hnam jô kro kơplah oei 'lơ̆p, ưh kơ tam kơjung.

Je 13:21

Ih gô pơma liơ mưh Kră Yang ăn minh 'nu bơngai tơmoi pơm yŏng pơgơ̆r ih. Lu bơngai mă buăl juăt iĕm, lu bơngai mă lu iĕm đei bơtho pơhrăm lê̆ sơ̆? Ih ưh kơ jĭ jơhngơ̆m klơm klak thoi bơngai drŏ-kăn hơiơch?

Je 46:5

Liơ inh 'bôh? Lu sư hli tơrơ kơdŭn đĭ tơ rŏng, lu linh tơblah, thuơ kơdâu tơklah tơklang. Pă pơ̆n hue-huo. Tơdrong hli krưp puăn pah!” Noh Kră Yang khan:

Je 48:41

Pơlei Kêriôt đe gô blah iŏk, lu kơđông kơjăp đe iŏk; lăm năr noh lu linh nuih kơtang char Môap jơhngơ̆m lu sư thoi drŏ-kăn hơiơch.

Je 49:22

'Nâu, lu ayăt thoi sem klang păr jruh, Bơyar pơnăr sư pơm kơ pơlei Bôsra, Lăm năr noh jơhngơ̆m lu drŏ-nglo nuih pran char Eđôm nhen thoi jơhngơ̆m bơngai drŏ-kăn oei tŏk-bŏk hơiơch.”

Je 49:24

Pơlei Đamas jơhngơ̆m rơdu boih, kơdŭn kơdâu ôn; hli tơrơ. Jĭ tuĕnh, thoi drŏ-kăn tŏk-bŏk oei hơiơch.

Je 51:30

Lu linh dêh char Babilôn pơdơh tơblah, ôn akâu lu sư lăm kơđông kơjăp. Lu sư rơmơ̆n, jing thoi drŏ-kăn. Hnam lu sư đe soh đĭ, chơkăl 'măng jang lu pơlei sư tơgơ̆ boih.

Êsêkiên 20:47

Khan bĕ kơ lu bri kơdrơ̆ng gah gơal. Mơ̆ng bĕ nơ̆r Kră Yang: 'Nâu nơ̆r Kră Yang khan: 'Nâu Inh gô tơkuh ŭnh soh lăm tŏk-bŏk lu iĕm, ŭnh gô sa đĭ-đăng lu 'long hơdrih păng lu 'long kro. Ŭnh khơ̆ng ưh kơ đei păt, muh măt rim 'nu lu bơngai lăm char gah gơal truh tơ char gah yă-nơ̆m ŭnh sa khôi đĭ.

Hôsia 13:13

Tơdrong jĭ thoi drŏ-kăn tơpŭ truh boih kơ lu sư, mă-lei lu sư thoi kon nge ngŏk kơ hlôh kơwao, Lăp truh jơ 'năr boih, mă-lei sư ưh kơ jah lĕch đơ̆ng tơpu kon.

Horiso 48:7

Ih yua kial đơ̆ng hơlĕch pơrăm pơchah lu Duk Tarsis