Êsai 13:20 - Sơ̆p Hlabơar Nơ̆r 'Bok Kei-Dei

²⁰ Pơlei noh ưh kơ đei bơngai bu oei dơ̆ng, đơ̆ng chăl nai truh tơ chăl ninh. Lu bơngai Arâp ưh pă pơdơ̆ng hnam khăn 'bĭch tơ noh, lu bơngai wei triu kư̆m ưh pă chĭt triu lu sư tơ noh dơ̆ng.

Êsai 13:20 Referans Kwoze

Je 51:43

Lu pơlei sư jing juơ, Teh đak Babilôn hrĕng kro jing juơ ưh pă đei bơngai oei, Kŭm ưh kơ đei bơngai bu chă yak drong găn.

Êsai 14:23

“Inh gô pơm kơ teh đak lu sư jing anih lu jơma oei, jing đak dơnâu 'nhĕt, Inh gô pơlôch pơrăm păng hơpuih pơgoh lê̆ sư.” Kră Yang Tih Hloh khan thoi noh.

Je 51:29

Teh đak pơpơ̆ pơpol, yua kơ Kră Yang wă pơm. Pơm kơ dêh char Babilôn jing char glă, Ưh pă đei bơngai oei.

Je 51:25

Kră Yang khan: “Ơ kông ngăl pơrăm, 'nâu Inh pơrăm ih, ih boih mă pơrăm đĭ-đăng teh đak! Inh gô yơ̆r ti pơm kơ ih, tơlơ̆ ih đơ̆ng tơmo cheng kông, pơm ăn kơ ih jing thoi kông ŭnh sa khôi ngơr.

Je 50:45

Thoi noh, mơ̆ng bĕ tơdă Kră Yang đei hơmet boih wă pơrăm dêh char Babilôn, păng tơdrong sư pơkă wă pơm kơ dêh char bơngai Kalđê. Mă lu kon triu iĕ đe kư̆m rôp ba đĭ đe gô pơrăm đĭ tơmăn 'nhĕt jing bri.

Je 50:39

Thoi noh na sem bri, kŏ-so, bơrơ̆m oei lăm noh; Ưh pă đei bu oei tơ noh dơ̆ng, đơ̆ng chăl âu truh tơ chăl nai. Pă đei bơngai oei boih.”

Je 50:21

Kră Yang khan: “Năm tŏk blah bĕ kon pơlei Mêrathaim păng pơm kơ lu bơngai oei lăm char Pêkôt. Pơlôch pơrăm đĭ-đăng lu sư, Pơm bĕ đĭ-đăng dôm tơdrong Inh đei tơtă boih kơ iĕm.

Je 50:13

Yua kơ Kră Yang hil mĭl, Jơ̆p kơ dêh char noh jing juơ tơtŭng, ưh kơ đei bơngai oei, na lu bơngai yak năm rok trong Babilôn lăng hlĭch krưp păng che bơle, Yua kơ pơchah răm đĭ 'biao.

Je 50:3

Đei dêh char đơ̆ng yă-nơ̆m blah sư, Pơm kơ dêh char noh jing juơ tơtŭng. Tơ noh pă đei bơngai oei, Mă kon bơngai păng lu kon sem brem kơdâu jăk đĭ.”

II Ho 17:11

Lu bơngai Philistin chĕp jên hu tơmam năm ba pơyơ̆r ăn kơ Jêhôsaphat, lu bơngai Arâp kư̆m lei-lăi năm ba pơyơ̆r ăn tơpơh-rơbâu tơpơh-hrĕng tŏ triu tơno păng tơpơh-rơbâu tơpơh-hrĕng tŏ bơbe tơno.

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Hơri Hiôk 1:7

Ơ bơngai mă inh hưch, roi tơpăt bĕ kơ inh ih wei triu tơ yơ? Anih ayơ kơplah 'năr dơ̆ng ih ăn kơ lu sư drum pơdơh; Yua kơ kiơ inh thoi lĕ adruh gom lê̆ muh măt, Dơ̆ng 'bơ̆t cheng lu khŭl triu buăl ih?

Êsai 21:1

Nơ̆r khan lê̆ adrol kơ char glă oei rok cheng đak dơsĭ. Thoi kial hơbŭt pơrăm char gah gơal. Sư lĕch đơ̆ng char glă đơ̆ng teh đak hli krưp.

Je 49:33

“Tơring char Hasor jing anih ăn kơ kŏ bri oei ling-lang, Jing juơ tơtŭng hlŏng hloi. Ưh kơ đei bu oei tơ noh, ưh pă đei bơngai bu dơ̆ng pơm anih oei tơ noh!

Jop 3:7

Rŏ kơ măng noh ưh kơ đei bu anăp. Ưh kơ đei nơ̆r chơt hiôk lăm kơplah noh.

Êsai 25:2

Ih pơm bơih kơ lơ pơlei jing anih pôi teh rơ̆m rĕk, pơlei tih kơjăp jing pơchah hĕch. Pơlei hnam kơjăp lu yŏng pơtao lu bơngai tơmoi ưh pă jing pơlei dơ̆ng bơih, ưh pă đei layơ wă gơh man tơiung ming dơ̆ng.

Êsai 34:17

Kră Yang hlang lăng bơih ăn kơ lu sư, Ti Kră Yang dăng tơlei klah asong ăn teh âu. Lu sư gô oei tơ noh ling-lang păng oei tơ noh đơ̆ng chăl âu truh chăl nai khŏm khŏm.