Êsai 13:16 - Sơ̆p Hlabơar Nơ̆r 'Bok Kei-Dei

¹⁶ Lu kon hơ'lơ̆p sư đe gô rôp teh pơhĕch 'bơ̆t tơm măt lu sư, hnam lu sư đe tơgar iŏk, akăn lu sư đe tơrôp pơgô̆.

Êsai 13:16 Referans Kwoze

Na 3:10

Mă-lei ră sư noh đe chông tơlĕch đơ̆ng dêh char sư, đe rôp pơm bơnă; lu kon sâu sư đe teh pơhĕch tơ rok mum trong tơklah pêng lăm pơlei tih. Đe hlang lăng lu bơngai mă sư gĭt pơyom klah asong băl wă pơm đĭch lu kuan tih sư đe chô̆ păng glang.

Hôsia 10:14

Tơdrong tơblah tơblŭng ơ-ôs ơ-as gô pơm kơ kon pơlei iĕm, đe gô pơrăm dôm lu pơlei kơđông kơjăp lu iĕm, thoi Salman pơrăm pơlei Bêt Arbel lăm năr tơblah băl. Mă đe đei teh pơlôch mĕ hơdai hăm lu kon sư.

Sa 14:2

Thoi noh Inh gô akŭm đĭ-đăng dêh char gô tơblah hăm Jêrusalem păng pơlei tih đe gô iŏk, hnam akŭm đe gô tơgar iŏk, đe gô rôp pơgŏ, lăm minh puăt kon pơlei đe rôp pơm bơnă, mă-lei kon pơlei mă oei đei noh đe huay kơ pơrăm đơ̆ng lăm pơlei tih.

Nhom 5:11

Lu sư đei pơgŏ lu drŏ-kăn tơ Siôn, Păng lu adruh hle tơ rim pơlei tih char Juđa.

Êsai 13:18

Lu sư gô pơlôch lu adruh tơdăm hăm hră; ưh kơ mơnat ôh kơ lu nge oei lăm klak, măt lu sư kư̆m ưh kơ 'blŏk mơnat kơ lu đe hơ'lơ̆p.

Êsai 14:21

Hơmet bĕ tơdrong pơlôch kon sâu lu sư yua kơ tơdrong yoch lu yă 'bok lu sư, 'Nĕ ăn kơ lu sư iung iŏk teh đak, pơjing plei tih kơjăp jơ̆p kơ teh đak dơ̆ng!

Êsai 47:9

Kŭm lăm minh năr. Ih gô đei 'bar tơdrong âu truh kơ ih. Tơdrong hiong kon hơ'lơ̆p păng jing yă adro. Gô truh tôm tơdrong 'noh. Mă khan ih pơjâu pơm lơ tơdrong tơwir dah đei hĭ nơ̆r yang mơsêh pơma hơlĕnh!

Je 51:22

Inh yua ih wă teh pơrăm lu drŏ-nglo drŏ-kăn, Inh yua ih wă teh pơrăm lu kră drŏ-nglo păng lu drŏ-nglo mơlôh. Inh yua ih wă teh pơrăm lu tơdăm păng lu hơdruh.