Êsai 13:13 - Sơ̆p Hlabơar Nơ̆r 'Bok Kei-Dei

¹³ Na Inh gô pơm kơ plĕnh pơpơ̆ teh tơdrŏ đơ̆ng anih sư, yua kơ đơ̆ng Kră Yang Tih Hloh hil mĭl lăm năr Sư hil iung tơtŏ thoi ŭnh.

Êsai 13:13 Referans Kwoze

Jôel 3:16

Kră Yang ôr gơhuh đơ̆ng pơlei Siôn, Sư ôr pơret thoi grơ̆m glaih đơ̆ng Jêrusalem. Tơ kơpal plĕnh tơ ala teh pơpơ̆ tơdrŏ ngăl, mă-lei Sư bơih anih kon pơlei pơla Sư kơ'nơp gơnang, jing minh kơđông kơjăp kơ lu kon sâu Isơrael.

Mathiơ 24:29

“Đơ̆ng rŏng kơ tơdrong anat noh boih măt 'năr gô măng mu, măt khei ưh kơ hơdah, sơnglŏng gô huŏng đơ̆ng plĕnh.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

II Pet 3:10

Gah tơdrong Kră Yang Yêsu Krist wă jur, Sư wă jur tơpă, mă Sư wă jur thoi bơngai tơtông ưh kơ ăn đe băt. Kơplah noh kơnh plĕnh gô đôh hiong đĭ minh 'măng, re jơwa dêh, pă băt dang yơ. Ŭnh gô sa kơngla kơdơ̆r jơ̆p teh, teh jing hiong pă 'bôh kiơ. Lu sơnglŏng, khei păng đĭ dôm tơmam ala teh kư̆m lek hiong lei-lăi.

Mathiơ 24:35

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Nhom 1:12

Ơ lu bơngai chă yak drong găn, bơ̆n hăm pă tơ'bưh hah? Lăng bĕ hăm tơdrong kiơ ơh sơ'ngon; Hli kơ thoi inh đei ơh sơ'ngon. Mă? Kră Yang đei pơm pơmat inh boih; Lăm năr Sư hil.

Êsai 51:6

Ngơk lăng bĕ tơ kơpal plĕnh păng kŭp lăng bĕ tơ ala teh; lu plĕnh đông hiong thoi 'nhui ŭnh, teh gô so hiah nhen thoi ao, lu kon pơlei oei arih kơpal teh gô lôch thoi roi, mă-lei tơdrong dŏng pơklaih Inh oei ling-lang. Tơdrong 'lơ̆ng tơpăt Inh ưh kơ đei layơ hiong tôch ôh.

Êsai 34:4

Đĭ-đăng lu măt khei sơnglŏng kơpal plĕnh gô hach lek, plĕnh gô tơlôm nhen đe lôm sơnôm hla bơar. Đĭ-đăng lu măt khei sơnglŏng sư gô hiong đĭ, nhen thoi hla hơmu hơlŭng, nhen thoi plei hơra hơlŭng huŏng đơ̆ng tơm sư.

Jop 9:6

Sư gơgŭ teh đơ̆ng hơnă sư, jrăng tơjră sư pơpơ̆ gĭl-gŭl;

Horiso 18:7

Dang ei teh pơpơ̆ păng tơdrŏ, Na lu kông kư̆m tơrĭ păng kư̆m tơdrŏ, yua kơ Sư hil.

Horiso 88:16

Tơdrong Ih hil dêh 'bơm tơ inh. Tơdrong Ih tơhli pơlôch pơrăm inh.

Êsai 2:19

Đe gô kơdâu ôn tơ lăm hơgơp tơmo, lăm trôm teh wă kơ weh đơ̆ng anăp tơdrong hli krưp Kră Yang păng tơdrong mơsêh mơyang Sư, kơplah năr Kră Yang wă iung pơm kơ teh âu tơdrŏ pơpơ̆.

Êsai 9:19

Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.

Êsai 23:11

Kră Yang yơ̆r ti sư kơpal đak dơsĭ, pơm kơ rim teh đak tơdrŏ, Sư pơm boih kơ Kanaan wă pơrăm lu kơđông kơjăp sư.

Êsai 24:1

'Nâu Kră Yang gô pơrăm teh, pơm kơ teh jing juơ rơhiăng, sư gô blơ̆ pơrăm lê̆ teh đak păng pơm kơ kon pơlei tơklah tơklang.

Êsai 24:18

Bơngai ayơ kơdâu ôn đơ̆ng tơdrong hli tơrơ gô huŏng lăm sơlŭng; tŏk hlôi đơ̆ng sơlŭng gô hrơ̆p hơnhuăl, lu 'măng-'mŏk tơ kơpal plĕnh pơih lê̆ bơih, lu hơnă tơ ala teh pơpơ̆ đĭ.

Êsai 24:19

Plei teh pơchah hĕch hoch đĭ, teh đĭ hơđang phơ̆t, teh đĭ pơpơ̆ dêh.

Êsai 21:1

Nơ̆r khan lê̆ adrol kơ char glă oei rok cheng đak dơsĭ. Thoi kial hơbŭt pơrăm char gah gơal. Sư lĕch đơ̆ng char glă đơ̆ng teh đak hli krưp.

Êsai 47:1

Ơ kon adruh hơlai Babilôn, jur hơ-oei tơ 'mui teh bĕ! Ơ kon adruh bơngai Kalđê, jur hơ-oei tơ teh bĕ iĕm ưh kơ đei tang-dŏ pơtao bơih! Đơ̆ng dang ei đe ưh pă krao lu iĕm bơngai 'lơ̆ng hơbŏ rŏ liĕm dơ̆ng bơih.

Je 51:1

Kră Yang khan: “Inh gô puh kial năm pơlôch pơrăm dêh char Babilôn, hăm lu bơngai oei lăm char Lep Kamai.a