Êsai 11:10 - Sơ̆p Hlabơar Nơ̆r 'Bok Kei-Dei

¹⁰ Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 11:10 Referans Kwoze

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Yo 12:32

Lăp đe atol Inh na Inh gô dui iŏk đĭ-đăng bơngai năm tơ Inh ngăl.”

Mathiơ 12:21

Đĭ-đăng khŭl kon bơngai gơnêh gơnơm sơđơ̆ng kơ Sư tơgŭm.’ ”

Mathiơ 8:11

Na Inh wă khan kơ iĕm dơ̆ng, ning-mônh gô đei lơ bơngai jơ̆p-jang kơ teh đak âu năm sŏng sa hơdai hăm Abraham, Isăk, Jakôp tơ dêh char 'Bok Kei-Dei.

Jang 11:18

Lăp lu bôl Pêtrôs kơtơ̆ng Pêtrôs pơma thoi noh, lu sư chu hloi, huay pă pơjah dơ̆ng. Na lu sư ư-ang kơ 'Bok Kei-Dei păng khan: “'Noh 'Bok Kei-Dei ăn kơ kon tơmoi tơbral tơdrong yoch lu sư, wă kơ lu sư arih ling-lang kư̆m thoi bơ̆n mơ̆n.”

Tơdrông Tơ'bôh 22:16

Yêsu khan dơ̆ng thoi âu: “Inh Yêsu, Inh wơh linh jang 'lơ̆ng năm tơbăt ăn kơ lu iĕm mă lui kơ 'Bok Kei-Dei tơ rim anih dôm lu tơdrong âu. Inh Kon Sâu Đawit, Inh pơchrang kơ iĕm hơdah thoi sơnglŏng wŏng-tar.”

Hagai 2:9

Tơdrong ư-ang kơ hnam đơ̆ng rŏng âu, gô tih hloh kơ ư-ang hnam adrol ki sơ̆, Kră Yang khan thoi noh păng Inh gô ăn tơdrong rơnŭk rơnua lăm anih 'nâu.’ Kră Yang Tih Hloh khan thoi noh.”

Êsai 49:22

Kră Yang khan thoi âu: “'Nâu, Inh gô yơ̆r ti Inh tơ kơpal lu teh đak, hơtŏk hla-kơ Inh tơ lăm kon pơlei. Na lu sư gô pôk lu kon drŏ-nglo 'bơ̆t kơtơh, koi lu kon drŏ-kăn tơ kơpal hơngiĕng na yak năm.

Horiso 91:1

Bơngai bu oei lăm anih hlơp Kră Yang mă Tih Hloh. Gô oei lăm yơ̆p Tơ'ngla mơsêh mơyang.

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

I Pet 5:10

Mă-lei 'Bok Kei-Dei krao iŏk bơ̆n Sư wă kơ bơ̆n oei hiôk hăm Sư ling-lang yua kơ bơ̆n lui kơ Yêsu Krist, na Sư ăn kơ bơ̆n pơmat tŏ sĕt đĕch ưh kơ đunh, Sư gô pơm kơ bơ̆n lui kơjăp jing bơngai tơpăt lăm tôm tơdrong. Yua kơ Sư mơnat na Sư tơgŭm bơ̆n tôm tơdrong thoi noh.

Hêbrơ 4:1

'Bok Kei-Dei kư̆m pơkă kơ bơ̆n gơh mơ̆t pơdơh tơ dêh char Sư, thoi noh na bơ̆n athei kơchăng tơpă hli kơ bơ̆n lê̆ tơdrong lui, Sư ưh kơ ăn mơ̆t.

Jang 28:28

Pôl roi dơ̆ng thoi âu: “Na inh wă kơ iĕm băt kơ 'Bok Kei-Dei wă pơklaih lu bơngai tơmoi mă ưh kơ khŭl bơ̆n đơ̆ng tơdrong yoch mơ̆n. Lu sư gô lui kơ nơ̆r inh bơtho gah tơdrong Yêsu.”

Êsai 66:19

Inh gô dan minh tơdrong tơdra tơ lăm lu sư; lu bơngai mă lăm lu sư oei arih đơ̆ng tơdrong truh pơmat na inh gô wơh lu sư năm truh tơ jơ̆p-jang teh đak, wă khan truh tơ Tarsis, lu bơngai Phun, Lut, lu kon pơlei gơh hơgei kơ prah hră, lu bơngai Tubal păng Jawan, truh tơ lăm lu bŏl đak dơsĭ ataih, lu anih ưh tam mă kơtơ̆ng anăn Inh păng ưh tam mă 'bôh tơdrong ư-ang Inh, lu sư gô bơtho tơdrong ư-ang Inh tơ jơ̆p kơ teh đak.”

Êsai 60:5

Kơplah noh kơnh ih gô 'bôh đei tơdrong hơdah hơdong, jơhngơ̆m ih gô mơn hiôk chơt; đĭ-đăng tơmam đơ̆ng đak dơsĭ gô tuh tơ ih, tơdrong mơdrŏng rim kơ teh đak gô truh tơ ih.

Êsai 59:19

Đơ̆ng gah bơmơ̆t đe gô hli yom kơ anăn Kră Yang. Đơ̆ng gah măt 'năr lĕch gô hli pơyom kơ tơdrong ư-ang Sư; yua kơ Sư gô truh thoi đak krong ro jăng hơyuh kial dui jơhngơ̆m đơ̆ng Kră Yang puh pơđông lê̆.

Êsai 28:12

Kră Yang pơma khan kơ lu sư: “'Nâu anih pơdơh, ăn bĕ kơ lu bơngai lap gleh pơdơh, 'nâu anih pơdơh hiôk-hian, mă-lei lu sư ưh kơ wă mơ̆ng.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Horiso 149:5

Ăn kơ đĭ lu bơngai 'lơ̆ng rơgoh chơt hiôk lăm tơdrong ư-ang Sư. Hơri chơt hiôk hloi tơ kơpal giơng lu sư!

Horiso 116:7

Ơ bơhngol inh, brŏk dơ̆ng tơ anih pơdơh ih, Yua kơ Kră Yang pơm 'lơ̆ng kơ ih.

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Êsai 14:3

Truh năr Kră Yang ăn kơ iĕm pơdơh pơklaih iĕm đơ̆ng tơdrong ơh sơ'ngon hli tơrơ păng đơ̆ng tơdrong jang gleh trăp mă đêl đe rôp pơgŏ iĕm,

Tơdrông Tơ'bôh 5:5

Mă-lei đei minh 'nu lăm lu đe kră noh khan kơ inh thoi âu: “Ih 'nĕ pă nhơ̆m, to gô dăm-brang adrĕch adrung Juđa păng Đawit hek lăng hla bơar noh. Pôm Sư đĕch trŏ kơ hek lăng hla bơar noh, yua kơ Sư tơblah păng yang kơnê̆ jei Sư boih.”

Jo 10:33

Thoi noh, kon pơlei bơngai Isơrael yak năm đơ̆ng kông Kră Yang, pêng năr kơ trong; hom tơdrong pơgơ̆p Kră Yang yak adrol kơ lăm pêng năr kơ trong 'nâu, wă chă anih ăn kơ kon pơlei pơdơh.

Êsai 11:12

Kră Yang gô pơdơ̆ng hla-kơ ăn kơ rim teh đak akŭm iŏk lu bơngai Isơrael mă đêl đe puh tơweh; pơpôi iŏk lu bơngai Juđa đêl lu sư tơklah tơklang đơ̆ng puăn pah mum teh đak.

Êsai 62:10

Lĕch năm bĕ, rok trong 'măng dur hơmet bĕ trong ăn kơ kon pơlei Man hơmet bĕ, man ming bĕ trong tih. Bơ'nguơih bĕ tơdrong găn pơdơ̆ng bĕ hla-kơ ăn kơ lu kon pơlei Inh.

Sa 6:13

Sư boih wă man hnam kơkuh kơ Kră Yang; păng sư boih đe gô ư-ang, oei pơgơ̆r tơ anih tang-dŏ pơtao sư păng pơm 'bok soi tơm tơ anih pơtao sư, sư kư̆m pơgơ̆p hiôk-hian kơ 'bar tơdrong noh.’

I Ho 2:12

'Bôô pơjing Ôbêt, Ôbêt pơjing Jese.

Horiso 145:11

Lu sư gô roi tơdrong ư-ang dêh char Ih. Ră roi tơdrong mơsêh Ih.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 2:3

Đei lơ khŭl bơngai gô truh tơ noh na khan: “Năm, bĕ lu bơ̆n tŏk tơ kông Kră Yang, tơ hnam Kră Yang 'Bok Kei-Dei Jakôp. Sư gô bơtho bơ̆n trong Sư wă kơ lu bơ̆n yak kiơ̆ trong sư.” Khôi juăt gô đei đơ̆ng pơlei Siôn, nơ̆r Kră Yang gô đei đơ̆ng pơlei Jêrusalem.

Êsai 42:4

Sư ưh kơ gleh lap, ưh kơ bơ̆l hăl ôh, dĭng truh kơ pơjing tơdrong tơpăt hơnơ̆ng tơ teh đak âu, lu bŏl đak dơsĭ chang gô hơmĕng kơ khôi juăt sư.