Êsai 10:32 - Sơ̆p Hlabơar Nơ̆r 'Bok Kei-Dei

³² Năr 'nâu bơih lu sư dơ̆ng 'bơ̆t pơlei Nôp, Sư hiŏng ti Sư blah hăm lu kon pơlei Siôn, tơ kông groi pơlei Jêrusalem.

Êsai 10:32 Referans Kwoze

I Sam 21:1

Đawit truh tơ pơlei Nŏp, tơ'bơ̆p 'bok soi tơm Ahimelek. Ahimelek hli tơtơ̆, kơdâu sơng iŏk sư, na jet: Liơ minh drô̆ ih đĕch ưh kơ đei bu kiơ̆ ih?

Sa 2:9

Yua kơ âu, Inh gô yơ̆r ti Inh blah lu sư, lu sư gô jing tơmam lu bơngai jang kơ sư tơgar băl; păng lu iĕm gô băt kơ Kră Yang đei wơh inh truh tơ âu.

Êsai 37:22

'Nâu nơ̆r Kră Yang đei khan gah sư: Lu adruh hle pơlei Siôn Sư pơdê ih, pơjăm ih, kon drŏ-kăn pơlei Jêrusalem tơtreh kơ̆l gah rŏng ih!

Êsai 19:16

Lăm năr noh kơnh, bơngai Êyiptơ gô nhen thoi bơngai drŏ-kăn, hli tơrơ kơ ti Kră Yang Tih Hloh wă pơrăm lu sư.

I Sam 22:19

Sôl pơlôch kon pơlei Nop păng đao, pơlei lu 'bok soi, bơngai drŏ-nglo păng bơngai drŏ-kăn, lu hơ'lơ̆p păng lu bơngai oei mŏm, rơmo, aseh iĕ păng triu, pơlôch đĭ-đăng păng đao.

Je 6:23

Lu sư chĕp hră păng tơju, lu sư minh adrĕch kơnê̆ nuih kơtang, ưh kơ đei băt mơnat, jơwa jơ̆ng lu sư yak nhen thoi đak dơsĭ poh-yă; lu sư hao aseh, lu sư săp pơrĕng thoi minh khŭl wă năm blah ih, Ơ kon adruh Siôn.”

Êsai 13:2

Pơdơ̆ng bĕ hla-kơ tơ kơpal wĕch kông mơ-mlưch! Ôr krao lu sư bĕ, kơkuơch lu sư bĕ, ba lu sư năm mơ̆t tơ 'măng jang lu bơngai yŏng mơng!

Êsai 11:15

Kră Yang gô pơm kơ đak dơsĭ Êyiptơ hrơ̆ đĭ; Kră Yang yơ̆r ti sư kơpal đak krong Ơphrat hăm kial tŏ, Sư blah song krong noh jing tơpơh chơnglah, wă kơ đe yak năm lăm krong noh jơ̆ng ưh kơ hơiuh ôh.

Êsai 10:24

Thoi noh, na Kră Yang Tih Hloh khan: “Ơ kon pơlei pơla Inh oei lăm Siôn, 'nĕ kơ hli kơ lu bơngai Asiri, mă khan lu sư iŏk sơnguĕt teh iĕm păng yơ̆r 'long jra wă pơjuă pơđep kơ lu iĕm thoi bơngai Êyiptơ pơm sơ̆.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 1:8

Adruh Siôn ưh pă đei bu oei tơ noh, thoi đe tŭk lê̆ pơk mir hơmu, thoi pơk mir mơkai, thoi pơlei đe wang.

Ne 11:32

pơlei Anatôt, Nop, Anania,

I Sam 22:9

Đôe bơngai Eđôm, wei pơgơ̆r lu đĭch đam Sôl tơl thoi âu: Inh 'bôh kon drŏ-nglo Jese năm tơ pơlei Nŏp, mơ̆t lăm hnam Ahimelek, kon drŏ-nglo Ahitup;

Êsai 10:31

Kon Pơlei Matmêna kơdâu ôn. Lu bơngai oei lăm pơlei Gêbim kơdâu chă anih ôn kơ'nơp.

Êsai 16:1

Ba ăn bĕ triu kon thuê̆ kơ bơngai pơgơ̆r teh đak 'nâu, đơ̆ng pơlei Sêla rok char glă, truh tơ kông kon pơlei Siôn.

I Sam 21:2

Đawit tơl hăm 'bok soi tơm Ahimelek: Pơtao đei wơh inh minh tơdrong jang păng pơkă khan: 'Nĕ kơ roi ăn kơ bu băt gah tơdrong jang inh wơh ih pơm, kư̆m 'nĕ kơ ăn bu băt nơ̆r inh athei ih. Inh hlôi pơkă ăn boih kơ lu đĭch đam inh 'bơ̆t anih tơ'bơ̆p băl.

II Ho 32:1

Đơ̆ng rŏng kơ lu tơdrong noh tơdrong mă Hesekia pơm 'lơ̆ng tơpăt noh, na Senacherip pơtao Asiri năm mơ̆t lăm char Juđa, wang lu pơlei tih kơjăp wă blah iŏk.

II Ho 32:2

Wă Hesekia 'bôh Senacherip năm wă kơ blah iŏk pơlei Jêrusalem,

Êsai 8:8

Ro blai mơ̆t tơ char Juđa, dĭng lơ̆p truh tơ hơko. Ơ Êmanuel! Pơnăr Sư gô bơyar jơ̆p kơ dêh ih.”

Êsai 29:2

Inh gô pơm ăn kơ pơlei Ariêl pơmat-tat; gô đei nhơ̆m hmoi ơh sơ'ngon, hăm Inh pơlei Ariêl gô nhen thoi chơnang soi pơyơ̆r.

Mi 1:9

Yua kơ rơka sư ming pă klaih boih. Sư kư̆m năm truh tơ char Juđa, truh boih tơ 'măng jang kon pơlei inh, wă khan truh tơ Jêrusalem.