Êsai 10:26 - Sơ̆p Hlabơar Nơ̆r 'Bok Kei-Dei

²⁶ Kră Yang Tih Hloh gô chĕp sơnguĕt teh lu sư. Thoi Sư đei pơm kơ kon pơlei Midian 'bơ̆t tơmo Ôrep; păng Sư kư̆m yơ̆r 'long jra tơ kơpal đak dơsĭ, thoi Sư đei pơm tơ Êyiptơ sơ̆.

Êsai 10:26 Referans Kwoze

Êsai 9:4

Đĭ-đăng chơkhŏ đêl lu bơngai 'bot năm tơblah, hăm ao mam đêl pham klep gô soh rŭk tơ ŭnh pơđĭ.

Lu 7:25

Lu sư đei rôp 'bar 'nu yŏng pơgơ̆r linh kon pơlei Miđian anăn bre sư Ôrep păng Sêep; lu sư pơlôch Ôrep tơ kơpal tơmo Ôrep păng lu sư pơlôch Sêep tơ anih đe hmĕt đak plei hơmu Sêep. Lu sư oei druh 'moi kon pơlei Miđian, păng lu sư chĕp ba kơ̆l Ôrep păng kơ̆l Sêep ăn kơ Giđêôn oei tơ paih to ter jih đak Krong Jôrđăn.

II Pot 19:35

Lăm măng noh, đei minh 'nu linh jang 'lơ̆ng Kră Yang năm tơ anih kơđông Asiri păng pơlôch minh-hrĕng tơhngam-jĭt pơđăm-rơbâu 'nu bơngai tơ noh. Đe iung đơ̆ng hrôih, lăng 'bôh khŭl linh ei lôch glơch glach bơih.

Le 14:16

Na ih athei yơ̆r 'long jra tơ kơpal, chro ti tơ đak dơsĭ, tơklah lê̆ đak 'bar pah, na kon pơlei Isơrael gô jur lăm đak dơsĭ yak năm thoi kơpal teh hrĕng.

Tơdrông Tơ'bôh 19:15

Minh hlak đao han đei 'bar pah măt lĕch đơ̆ng 'bơ̆r 'Bok ei wă koh chong drong tơ'lĕnh kon bơngai jơ̆p kơ dêh char, klaih kơ noh Sư gô pơgơ̆r đe hăm 'long jra mam. Lu bơngai mă ưh kơ lui, Sư gô phak thoi đe peh plei hơmu tơ lăm tơpăl tơmo wă chơpĕt iŏk đak, noh tơdrong 'Bok Kei-Dei Kră Yang Tih Hloh Sư hil kơ kon bơngai.

Tơdrông Tơ'bôh 11:18

Lu bơngai ala teh mă ưh kơ lui hil areh kơ Ih, mă-lei dang ei kư̆m truh boih tơdrong Ih hil areh kơ lu sư wă phak lu sư păng wă sek tơlang lu bơngai lôch. Gah lu đĭch đam mă pơtruh nơ̆r Ih, lu kon Ih, lu băt lui yom hli kơ Ih, Ih gô apah lu sư mă sư pơm tih pơm iĕ. Gah lu bơngai mă ưh kơ lui chă pơrăm đe tơ ala teh, Ih gô pơrăm lu sư mơ̆n.”

Êsai 11:16

Gô đei minh pôm trong tih ăn kơ kon pơlei Kră Yang mă oei đei đơ̆ng dêh Asiri yak năm, kư̆m thoi đei bơih trong tih ăn kơ lu đe Isơrael yak năm, năr mă lu sư lĕch đơ̆ng dêh Êyiptơ noh.

Êsai 10:24

Thoi noh, na Kră Yang Tih Hloh khan: “Ơ kon pơlei pơla Inh oei lăm Siôn, 'nĕ kơ hli kơ lu bơngai Asiri, mă khan lu sư iŏk sơnguĕt teh iĕm păng yơ̆r 'long jra wă pơjuă pơđep kơ lu iĕm thoi bơngai Êyiptơ pơm sơ̆.

Horiso 83:11

Pơm kơ yŏng lu sư thoi Ih pơm kơ Ôrep păng Sêep. Păng đĭ-đăng kơ kon pơtao kră pơgơ̆r lu sư thoi Sêba păng Salmuna;

Horiso 35:23

Ơ Kră Yang 'Bok Kei-Dei, jơ̆ Kră Yang inh, hơđơ̆r bĕ, iung bĕ, Dŏng tơgŭm inh, d Păng dŏng bơwei inh.

Êsai 30:31

Asiri gô kơtơ̆ng nơ̆r Kră Yang na hli tơtơ̆, Sư gô teh Asiri hăm sơnguĕt.

Êsai 9:3

Thoi lăm chăl Midian, Ih gơ̆ lê̆ bơih 'long ăt đêl lu sư tôi trăp, kư̆m gơ̆ lê̆ 'long hơnong đơ̆ng hơngiĕng lu sư păng 'long jra đêl đe pơjuă pơđep lu sư.

Êsai 30:30

Kră Yang gô pơm ăn kơ đe kơtơ̆ng jơwa nơ̆r rŏ krưp Sư, Sư gô tơ'bôh kơ đe kơkŏng ti Sư tơjur, lăm tơdrong Sư hil mĭl, thoi kơ ŭnh dơhlông sa, thoi kial hơbŭt, thoi 'mi prĕl.

Êsai 30:32

Rim wơ̆t mưh Kră Yang iŏk sơnguĕt wă teh lu sư, na đe gô kơtơ̆ng re hơgơ̆r iĕ, re brŏ. Kră Yang gô yơ̆r ti blah lu sư.