Êsai 10:20 - Sơ̆p Hlabơar Nơ̆r 'Bok Kei-Dei

²⁰ Lăm năr noh, dôm lu bơngai Isơrael mă oei oei. Dôm lu bơngai lăm adrĕch Jakôp oei klaih, gô ưh pă gơnang kơ bơngai mă pơrăm lu sư. Mă-lei gô gơnang sĭt kơ Kră Yang, Tơ'ngla 'Lơ̆ng Rơgoh Isơrael.

Êsai 10:20 Referans Kwoze

Êsai 50:10

Bơngai bu lăm lu iĕm băt hli yom kơ Kră Yang, păng chu kiơ̆ kơ nơ̆r đĭch đam Sư Mă năm lăm măng mu păng ưh kơ đei hơdah. Gơnang bĕ kơ Anăn Kră Yang păng gơnang kơ Kră Yang 'Bok Kei-Dei sư kơdih.

Êsai 1:9

Tơdah Kră Yang Tih Hloh ưh kơ lê̆ bơ̆n arih hơya tŏ sĕt, lei lu bơ̆n kư̆m răm lei-lăi thoi pơlei Sôđôm păng thoi pơlei Gômôrơ mơ̆n.

II Ho 28:20

Tiglat Philêser pơtao Asiri năm pơgŏ pơđep Ahas, tơplih kơ tơgŭm sư.

II Pot 16:7

Ahas wơh bơngai năm tơ Tiglat Pilêser, pơtao đe Asiri, sư khan: “Inh âu bơngai đam ih, kon drŏ-nglo ih; apinh ih dŏng pơklaih inh đơ̆ng tơpang ti pơtao đe Aram păng pơtao đe Isơrael blah inh.”

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

Hôsia 5:13

Lăp lu bơngai Êphraim 'bôh tơdrong jĭ lu sư, păng Juđa kư̆m 'bôh boih rơka lu sư, kơplah noh Êphraim năm tơ char Asiri, păng năm apinh pơtao tơm Jarep tơgŭm. Mă-lei sư ưh kơ gơh pơklaih lu iĕm ôh, păng kư̆m ưh kơ gơh ming hơmet rơka lu iĕm mơ̆n.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

Êsai 11:11

Lăm năr noh kơnh, Kră Yang gô yơ̆r ti Sư pă minh 'măng dơ̆ng wă huai iŏk kon pơlei Sư mă oei đei đơ̆ng lăm teh đak Asiri, Êyiptơ, Patrôs, Êthiôpi, Êlam, Sinar, Hamat păng đơ̆ng lu bŏl đak dơsĭ.

Êsai 6:13

Mă khan minh lăm mơjĭt 'nu kon pơlei oei đei tơ noh, lu sư đe kư̆m gô pơrăm đĭ, thoi đe kăl 'long hơngo, 'long kôih, sư kư̆m oei đei tơm, na gô đei adrĕch rơgoh 'lơ̆ng tơpăt thoi tơm lăm teh đak noh.

Esơra 9:14

Thoi noh na liơ nhôn wă pơm yoch kơ khôi juăt Ih dơ̆ng lĕ, oei iŏk klo kăn hăm lu adrĕch adrung mă oei kơkuh tơdrong kơnê̆ dah kiơ? Hăm trŏ ih gô hil mĭl, Ih gô pơrăm lu nhôn, truh tơ mah pă đei bu oei arih, ưh kơ đei bu gơh klaih dah kiơ?

II Pot 19:31

Na đei lu mơ'nah klaih klăi đơ̆ng lăm pơlei Jêrusalem. Đơ̆ng kông Siôn gô đei khŭl klaih đơ̆ng tơdrong truh. Đĭ jơhngơ̆m tơpăt Kră Yang gô pơm tơdrong 'noh.

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

Êsai 11:16

Gô đei minh pôm trong tih ăn kơ kon pơlei Kră Yang mă oei đei đơ̆ng dêh Asiri yak năm, kư̆m thoi đei bơih trong tih ăn kơ lu đe Isơrael yak năm, năr mă lu sư lĕch đơ̆ng dêh Êyiptơ noh.

Êsai 46:3

Ơ adrĕch adrung Jakôp mơ̆ng Inh bĕ păng đĭ-đăng lu iĕm mă oei oei lăm adrĕch adrung Isơrael, Inh bơih pŭ pôk lu iĕm đơ̆ng năr 'nao tơpŭ kơ iĕm, kơ'mĭn lu iĕm đơ̆ng lăm klak mĕ iĕm.

Je 44:14

lăm lu bơngai Juđa oei arih mă năm oei tơ dêh char Êyiptơ ưh gơh klaih gơh hlot, wă brŏk wih dơ̆ng tơ char Juđa, anih mă lu sư hơpơi 'maih wih brŏk oei. Lu sư ưh kơ gơh wih brŏk, lăp lu kơdâu klĕnh đĕch klaih klăi.”

Mi 5:3

Sư gô dơ̆ng kơjăp păng gô gơnang kơ tơdrong pran kơtang đơ̆ng Kră Yang hăm tơdrong rŏ hơbŏ anăn Kră Yang 'Bok Kei-Dei Sư kơdih păng wei-lăng khŭl Sư kơdih; păng lu sư gô oei rơnŭk, yua kơ kơplah noh gô pơm tih hloh kơ đĭ-đăng bơngai tôch kơ teh.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

II Ho 28:16

Kơplah noh pơtao Ahas wơh bơngai năm apinh pơtao Asiri dŏng tơgŭm

Je 3:23

Tơpă tơdrong dŏng pơklaih đơ̆ng groi lăp chă hơlĕnh, ôr krao dơ̆ng kông chă pơhlŭ đĕch; sĭt tơpă tơdrong dŏng pơklaih bơngai Isơrael đơ̆ng Kră Yang, 'Bok Kei-Dei lu nhôn.