Êsai 10:18 - Sơ̆p Hlabơar Nơ̆r 'Bok Kei-Dei

¹⁸ Ŭnh gô sa đĭ tơdrong 'lơ̆ng rŏ 'long kơdrơ̆ng lăm bri păng chŭn mir teh mơ̆r bơhngol hăm akâu jăn hloi. Thoi bơngai jĭ wă lôch.

Êsai 10:18 Referans Kwoze

II Pot 19:23

Ih hlôi yua lu bơngai jang kơ ih na ih blei hiap Kră Yang. Ih khan: Hăm gre aseh lơ 'nâu, inh tŏk tơ kông kơjung truh tơ wĕch kông Liban; oei tơ noh, inh kăl bơih lu 'long hơngo kơjung hloh păng 'long hơngo hla iĕ mă 'lơ̆ng hloh, inh đei năm bơih tơ lăm bri roh noh tơ lăm kơdrơ̆ng 'long rơ̆m roh.

Je 21:14

Kră Yang khan: “Inh gô phak lu iĕm kiơ̆ thoi tơdrong yoch lu iĕm đei pơm. Inh gô prah ŭnh tơ hnam pơtao iĕm ŭnh gô sa pơđĭ tơmam tăp dă.”

Êsai 9:18

Ŭnh sa teh lu sư, yua kơ Kră Yang Tih Hloh hil, kon pơlei jing thoi tơmam ăn kơ ŭnh sa, ưh kơ đei bu 'mêm mơnat kơ 'nhŏng oh sư kơdih.

II Pot 19:28

Yua kơ ih hil blĕk kơ inh păng yua kơ nơ̆r ih pơang, kơtơ̆ng truh tơ đon Inh bơih, sĭt Inh gô tôt gơwang 'bơ̆t muh ih, Inh tah dam bơsei pơhơ̆p 'bơ̆r ih. Đơ̆ng noh Inh pơm kơ ih wơ̆t brŏk kiơ̆ đêl trong mă ih hlôi năm bơih.

Êsai 10:16

Thoi noh Kră Yang Tih Hloh, gô tơjur ăn tơdrong jĭ iôr hiang kơ lu linh pran kơtang sư. Đơ̆ng tơdrong pơang sư, ŭnh gô sa nhen thoi pla ŭnh sa.

Êsai 32:19

Mă đơ̆ng 'mi prĕl jruh lăm bri brah păng pơlei tih gô pơchah răm.

Êsai 37:24

Ih đei yua lu đam ih wă pơjăm Kră Yang, ih khan: Inh yua lu gre aseh lơ tŏk tơ kơpal kơ̆l kông, tơ anih kơjung ataih dêh lăm char Liban, inh kăl lu 'long hơngo mă kơjung dêh, 'long hơngo hla iĕ mă 'lơ̆ng hloh, inh năm truh bơih tơ kơ̆l kông kơjung hloh, lăm bri kơdrơ̆ng rơ̆m hloh.

Sa 12:6

Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”