Êsai 10:17 - Sơ̆p Hlabơar Nơ̆r 'Bok Kei-Dei

¹⁷ Tơdrong hơdah bơngai Isơrael gô jing ŭnh, Kră Yang 'Lơ̆ng Rơgoh sư gô thoi pla ŭnh; Sư gô sa pơgoh lu jơla hăm jơ'bôt 'long jơla lăm minh năr.

Êsai 10:17 Referans Kwoze

Êsai 27:4

Inh ưh kơ hil ôh mă-lei tơdah sư đei jơla bơmrôm păng lu jơla hro 'bơ̆t anăp Inh. Inh gô blah lu sư, Inh gô soh lu sư lăm ŭnh hơdai.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.

Na 1:10

Yua kơ lu sư tơkuăr băl hơpunh thoi jơla suĕng păng hơleng thoi suai kơ sik, thoi noh gô soh lu sư sa đĭ thoi hơnong 'ba kro.

Je 7:20

Yua kơ thoi noh Kră Yang khan: “'Nâu Inh gô tuh tơdrong Inh hil tơ lăm dêh char âu, tơ lu kon bơngai tơ lu sem dơrong tơ lu 'long plei lăm mir păng plei yua đơ̆ng teh. Tơdrong Inh hil gô soh pơđĭ, ŭnh gô sa ưh kơ đei păt.”

Je 4:4

Kăt tơdra akar iĕm bĕ 'bơ̆t anăp Kră Yang, ơ kon drŏ-nglo Juđa păng kon pơlei Jêrusalem, Kăt bĕ akar jơhngơ̆m iĕm. Kơnh hli kơ tơdrong Inh hil iung thoi ŭnh sa, ưh kơ đei bu kĕ pĭt, yua kơ tơdrong yoch lu iĕm pơm boih.”

Êsai 37:23

Ih pơjăm 'bơm bu? Ih đei pơma ôr wă blah bu păng ngơk lăng muh măt pơang? Pơ̆n blah Tơ'ngla 'Lơ̆ng Rơgoh Isơrael.

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Hêbrơ 12:29

yua kơ Sư Kră Yang bơ̆n, thoi lĕ kơ ŭnh soh chhông.

Mathiơ 3:12

'Bok ei sek tơlang kon bơngai thoi lĕ kơ Sư chĕp minh hlak kơđum wă um tŭk đĭ dôm lu 'ba bo. Na Sư iŏk lu 'ba liĕng wă tah lê̆ lăm kŭ 'ba Sư. Na dôm lu 'ba bo noh Sư wă soh tŭk đĭ tơ ŭnh mă ưh kơ layơ păt.”

Êsai 66:24

Wă lu sư lĕch năm 'bôh akâu lu bơngai mă ayăt hăm Inh lôch; yua kơ hrai sa lu sư ưh kơ đei layơ lôch, ŭnh sa lu sư kư̆m ưh kơ đei layơ păt, lu sư gô jing tơdrong krưp kơnê̆ pơm ăn kơ rim kon bơngai.”

Êsai 60:19

Măt 'năr ưh pă pơchrang hơdah kơ ih kiơ̆ kơ'năr. Tơdrong hơdah rang khei kư̆m ưh pă pơchrang kơ ih kiơ̆ kơmăng. Mă-lei Kră Yang jơ̆ tơdrong hơdah kơ ih ling-lang hlŏng hloi. Kră Yang 'Bok Kei-Dei ih noh tơdrong ư-ang ih.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Êsai 33:14

Lu bơngai pơm yoch lăm pơlei Siôn hli tơrơ, bơngai ưh chu kiơ̆ kơ Kră Yang hli tơtơ̆ đĭ bơih. “Bu lăm lu bơ̆n gơh oei lăm ŭnh kơdơ̆r? Bu lăm lu bơ̆n gơh oei lăm pla ŭnh sa khơ̆ng ling-lang?”

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Êsai 9:18

Ŭnh sa teh lu sư, yua kơ Kră Yang Tih Hloh hil, kon pơlei jing thoi tơmam ăn kơ ŭnh sa, ưh kơ đei bu 'mêm mơnat kơ 'nhŏng oh sư kơdih.

Horiso 97:3

Ŭnh năm adrol tơ anăp Sư soh pơrăm lê̆ lu ayăt tăp dăr kơ sư.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

Horiso 21:9

Lăm năr Ih pơdah akâu. Ihb gô pơm kơ lu sư khơ̆ng thoi pla ŭnh, Kră Yang gô luăn lu sư, lăm năr Kră Yang hil blĕk, Păng ŭnh gô soh chhông đĭ lu sư.

Horiso 18:8

Đei 'nhui lĕch đơ̆ng trôm muh Sư, Pla ŭnh khơ̆ng lĕch đơ̆ng 'bơ̆r Sư, soh sa ngar ngŭr.

Êsai 26:11

Ơ Kră Yang ti Ih yơ̆r bơih, mă-lei lu sư oei ưh kơ 'bôh, lê̆ lu sư 'bôh gô mơlâu năr Ih pơm tơ'bôh 'lơ̆ng ăn kơ kon pơlei Ih. Tơpă ŭnh mă 'măn kơ lu bơngai ayăt kơ Ih gô sa lu sư.

Êsai 27:7

Kră Yang 'Bok Kei-Dei hăm teh lu sư thoi Kră Yang đei teh bơih lu bơngai teh lu sư ưh? Đah hăm pơlôch lu sư, thoi bơngai mă pơlôch lu sư ưh?

Êsai 30:33

Tôphêt đei hơmet lê̆ đơ̆ng sơ̆ bơih anih wă soh. Sĭt tơpă đei hơmet bơih ăn kơ pơtao, Hơlŭng ŭnh jrŭ păng să, đei ŭnh păng 'long ŭnh lơ, hơyuh dui jơhngơ̆m Kră Yang thoi glung tơmo ŭnh sa khơ̆ng.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 33:12

Lu kon pơlei gô nhen thoi chŭr tơmo ŭnh sa, nhen jơla đe chong soh lăm ŭnh.”

Êsai 47:14

To lu sư gô nhen thoi hơnong 'ba; ŭnh sa pơđĭ; lu sư ưh kơ gơh pơklaih kơdih lu sư đơ̆ng pla ŭnh. Ŭnh noh ưh kơ đei ngar wă nhur tơnŏ ôh, ưh pă đei tơnuh ŭnh wă ngôi nhur.

Sa 12:6

Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”

Both 4:24

Yua kơ Kră Yang 'Bok Kei-Dei iĕm thoi kơ ŭnh soh chhông păng jơ̆ Kră Yang 'Bok Kei-Dei băt kơ gar.

Jêphania 1:18

Mă hu dah maih lu sư kư̆m ưh kơ gơh pơklaih lu sư đơ̆ng tơdrong Kră Yang hil mĭl; đĭ-đăng kơ teh gô răm đĭ lăm ŭnh mă Kră Yang hil mĭl, yua kơ Sư pơlôch pơđĭ kon bơngai kơpal teh âu ưh kơ tam kơ băt.”