Êsai 1:29 - Sơ̆p Hlabơar Nơ̆r 'Bok Kei-Dei

²⁹ Lu iĕm gô mơlâu kơ lu 'long kôih mă iĕm kơkuh; lu iĕm gô hlơ̆l kơ pơgar 'long mă đêl lu iĕm rơih iŏk.

Êsai 1:29 Referans Kwoze

Êsai 66:17

“Lu bơngai mă hơmet akâu sư kơdih, wă năm mơ̆t tơ lu pơgar, kiơ̆ minh 'nu bơngai dơ̆ng tŏk-bŏk noh, sa 'nhĕm nhŭng, 'nhĕm kơne, lu tơmam sa kơnê̆ krưp.” Kră Yang khan: “Lu sư gô tơ'bơ̆p tơdrong tôch hiong răm pơđĭ.

Êsai 65:3

Minh adrĕch kon pơlei ling-lang tơblĕk Inh 'Bơ̆t anăp Inh soi sơmah kơ rup yang lăm pơgar, soh 'long 'bâu phu ăn kơ yang tơ kơpal chơnang găch.

Êsai 57:5

Lu iĕm tơhưch băl 'bơ̆t tơm 'long kôih. Ala kơ yơ̆p hơmŭl 'long hơdrih; pơlôch kon sâu pơm tơmam soi tơ lăm thŭng thong, tơ lăm trôm tơmo tih.

Hôsia 4:13

Lu sư pơm yang kơpal kông, păng soh 'long 'bâu phu tơ kơpal groi, tơ ala tơm 'long kôih, 'long hơngo, 'long têrebin yua kơ đei yơ̆p rơngơp dêh. Yua kơ thoi noh na lu kon adruh lu iĕm pơm pơyô kư̆ kă, păng mŏ mai iĕm tơtông pơyô hăm đe nai.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Rom 6:21

Tơdrong iĕm pơm yoch sơ̆ ưh kơ đei tơgŭm iĕm minh tơdrong kiơ ôh. Dang ei iĕm băt mơlâu kơ tơdrong yoch iĕm sơ̆ boih; tơdrong bơ̆n pơm yoch bơ̆n gô lôch hiong đĕch.

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Hôsia 14:3

Lu bơngai Asiri ưh kơ gơh pơklaih lu nhôn ôh; lu nhôn ưh pă hao aseh tơblah dơ̆ng, ưh pă khan dơ̆ng yang lu nhôn! Mă man hăm ti lu nhôn noh, yua kơ Ih đĕch mơnat kơ lu kon mơti.

Êsêkiên 36:31

Mă-lei lu iĕm gô 'blŏk kơ tơdrong kơnê̆ iĕm păng tơdrong iĕm pơm ưh kơ 'lơ̆ng. Tơpă lu iĕm gô lăng areh krưp kơdih akâu yua kơ tơdrong yoch păng tơdrong kơnê̆ krưp lu iĕm pơm.

Êsêkiên 6:13

Đĭ lu iĕm gô băt, Inh boih Kră Yang, kơplah lu bơngai lăm lu iĕm lôch tơ'bĭch 'bơ̆t hơdai rup yang lu iĕm, jum dăr kơ chơnang soi, tơ kơpal kông groi, kơpal kơ̆l kông, ala hơmŭl 'long hơdrih păng lăm rơ̆m 'long kôih, jơ̆p kơ anih mă lu sư pơyơ̆r pơgang 'bâu phu 'bơ̆t anih kơkuh kơ lu rup yang lu sư.

Je 3:6

Kră Yang khan kơ inh, lăm chăl Jôsia pơm pơtao: “Ih hăm 'bôh dôm tơdrong bơngai Isơrael đei pơm boih, lu sư chă tŏk tơ jơ̆p kơ groi păng jơ̆p kơ yơ̆p tơm 'long hla hơmŭl; na pơm pơyô kư̆ kă tơ noh.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Êsai 45:16

Đĭ-đăng lu bơngai pơm man rup yang lu sư gô mơlâu păng rŭng răng, lu sư mơlâu dêh kơdâu weh đĭ.

Êsai 31:7

Lăm năr ei kơnh, mă bu bu kư̆m klơ̆m tŭk lê̆ rup yang lu sư man hăm hu, hăm maih, jơ̆ tơmam đêl ti lu iĕm pơm kơdih noh boih mă lu iĕm băt iĕm pơm noh yoch.

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 42:17

Mă-lei lu bơngai gơnang kơ rup yang lu sư traih lu bơngai khan kơ lu rup lu sư man: Lu iĕm bơih yang lu nhôn, tă kơ gô kơdŭn tơ rŏng păng mơlâu.

Hôsia 4:19

Tơdrong thoi kial yua pơnăr sư gom lê̆ lu sư boih, lu sư gô mơlâu dêh kơ tơdrong lu sư pơm yang.