Êsai 1:14 - Sơ̆p Hlabơar Nơ̆r 'Bok Kei-Dei

¹⁴ Inh areh dêh kơ lu 'năr khei 'nao, păng dôm tơdrong lu iĕm pơm giĕng, pơm trăp trĭn dêh kơ Inh. Inh pŭ iŏk gleh lap dêh.

Êsai 1:14 Referans Kwoze

Am 5:21

Inh areh, inh sơ'ngon kơ năr iĕm pơm kơ̆m giĕng; Inh ưh kơ hiôk gah tơdrong iĕm akŭm kơkuh tih noh.

Êsai 43:24

Iĕm kư̆m ưh kơ đei iŏk jên răt kơ Inh 'long 'bâu phu ôh, kư̆m ưh kơ đei pơm kơ Inh hrăp lăp đon đơ̆ng rơmă tơmam soi sơmah. Mă-lei tă kơ tơdrong yoch iĕm dơ̆ng pơm kơ Inh pŭ trăp păng tơdrong kơnê̆ lu iĕm pơm kơ Inh ơh klai.

Am 2:13

Inh gô kơtĭt lu iĕm kơtă anih lu iĕm kư̆m thoi gre chơ 'ba 'bĕnh kơtĭt juă tơ teh.

Êsai 61:8

Inh bơih Kră Yang Inh lăp kơ tơdrong tơpăt, areh kơ tơdrong tơtông klĕ păng tơdrong pơm ưh kơ tơpăt, kiơ̆ kơ jơhngơ̆m tơpăt Inh. Inh gô apah lu sư, păng pơjing tơdrong pơgơ̆p hăm lu sư ling-lang.

Êsai 7:13

Na Êsai khan: “Ơ hnam Đawit mơ̆ng bĕ! Lu iĕm khan pơm pơơh kơ đe noh jơ̆ tơdrong iĕ đĕch, na lu iĕm kư̆m 'maih pơm kơ Kră Yang 'Bok Kei-Dei inh ơh dơ̆ng mơ̆n hă?

Malachi 2:17

Lu iĕm đei pơm kơ Kră Yang blĕk dêh, đơ̆ng nơ̆r iĕm pơma; khan dơ̆ng thoi âu: “Tơ yơ lu nhôn đei pơm kơ Sư blĕk.” Noh 'bơ̆t iĕm khan: “Bơngai bu pơm tơdrong kơnê̆ noh Kră Yang lăp đon păng Sư kư̆m lăp đon kơ lu bơngai thoi noh;” mưh khan thoi ei lei, “lei tơ yơ khan Kră Yang 'Bok Kei-Dei sek tơpăt?”

Sa 11:8

Lăp lăm minh khei đĕch Inh pơlôch đĭ pêng 'nu bơngai wei triu; Inh pă kĕ ĕnh hăm lu sư boih păng lu sư kư̆m lei-lăi ưh pă lăp kơ Inh.

Êsai 29:1

Răm-'băm dêh kơ pơlei Ariêl, pơlei Ariêl jơ̆ pơlei Đawit pơm anih sư oei, sơnăm âu truh kơ sơnăm nai thim dơ̆ng. Ăn kơ tơdrong iĕm akŭm tih đei dăr wơwĭr hơnơ̆ng.

I Ho 23:31

păng mưh wă pơyơ̆r tơmam soi 'buh kơ Kră Yang lăm năr Sa'bat, năr Khei Tơ'bang păng năr pơm giĕng tih, kiơ̆ kơ đei hơgăt hơdôm 'nu athei ling-lang dơ̆ng 'bơ̆t anăp Kră Yang.

Êsai 29:2

Inh gô pơm ăn kơ pơlei Ariêl pơmat-tat; gô đei nhơ̆m hmoi ơh sơ'ngon, hăm Inh pơlei Ariêl gô nhen thoi chơnang soi pơyơ̆r.

Êsai 66:23

Kră Yang khan: “Đĭ-đăng kon bơngai gô năm kơkuh 'bơ̆t anăp Inh. Đơ̆ng Khei 'Nao Tơ'bang 'nâu truh tơ khei tơ'bang to, đơ̆ng năr Sa'bat 'nâu truh tơ năr Sa'bat nai.

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Hôsia 5:7

Lu sư oei arih sa ưh kơ tơpăt ôh hăm Kră Yang. Lu sư pŭ kon pôm đơ̆ng pơm pơyô kư̆ kă. Giĕng Khei 'Nao gô pơrăm sa pơđĭ lu sư lu sư hăm dêh char lu sư.