Êphêsô 6:24 - Sơ̆p Hlabơar Nơ̆r 'Bok Kei-Dei

²⁴ Inh apinh sư wei-lăng lu bơngai mă băt 'mêm kơ Kră Yang bơ̆n Yêsu Krist ling-lang.

Êphêsô 6:24 Referans Kwoze

Mathiơ 22:37

Yêsu khan kơ sư thoi âu: “ ‘Bơ̆n athei 'mêm kơ 'Bok Kei-Dei Kră Yang bơ̆n hăm đĭ jơhngơ̆m klơm klak bơ̆n păng đĭ dôm tơdrong đon bơ̆n tơchĕng.’

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

Tit 3:15

Lu bôl bơ̆n oei hơdai păng inh sư đei nơ̆r jet gia ih. Păng inh kư̆m apơi rơnguơ̆ ră kơ lu 'nhŏng oh bơngai lui mă 'mêm kơ nhôn tơ bŏl đak Kret. Nhôn kư̆m apinh 'Bok Kei-Dei wei-lăng rim 'nu kơ iĕm tôm tơdrong.

Tit 2:7

Păng ih kơdih athei pơm 'lơ̆ng tơpăt lăm tôm tơdrong wă kơ lu bơngai lui pơm kiơ̆ thoi ih. Ih bơtho đe mă trŏ pơm mă khuơ̆ khuơ̆ wă kơ đe lăng bơ̆n bơtho tơpă.

II Tim 4:22

Inh apinh Kră Yang Yêsu Krist oei păng ih ling-lang păng apinh Sư wei-lăng rim 'nu kơ iĕm tôm tơdrong.

II Kor 8:8

Mă-lei tơdrong noh ưh kơ sĭ inh wă pơgŏ iĕm ôh, inh wă pơlong lăng iĕm hăm băt 'mêm kơ bôl buăl thoi lu bơngai lui tơ dêh Masêđôn dah ưh.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Hêbrơ 13:25

Inh apinh 'Bok Kei-Dei wei-lăng tôm kơ iĕm. A-men.

Kôlôsê 4:18

Kơthơ âu nơ̆r inh Pôl pơma, buăl inh chih; lăp wă jê̆ tôch na ti inh chih kơdih. Iĕm 'nĕ hiơt kơ inh, đe oei chô̆ hăm tơlei glang mam ling-lang. Inh apinh 'Bok Kei-Dei wei-lăng iĕm tôm tơdrong.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Êphêsô 6:23

Inh krao khan kơ 'Bă tơm bơ̆n 'Bok Kei-Dei hăm Kră Yang bơ̆n Yêsu Krist, apinh Sư tơgŭm đĭ-đăng kơ iĕm hiôk-hian, hăm ăn kơ iĕm băt 'mêm mơnat kơ đe, hăm lui rai kơjăp.

Philip 1:1

Inh Pôl, nhi Timôthê bơngai đĭch đam Yêsu Krist, chih hơpong kơ lu kon 'Bok Kei-Dei tơ Pơlei Philip, lu iĕm pôm đon hăm Yêsu Krist. Nhi chih hơpong kơ lu kră wei-lăng iĕm hăm lu bơngai jang lăm hnam 'Bok Kei-Dei.