Êphêsô 6:1 - Sơ̆p Hlabơar Nơ̆r 'Bok Kei-Dei

¹ Ơ lu bơngai 'lơ̆p 'lŏ drŏ-nglo drŏ-kăn, iĕm athei băt chu yom kơ lu mĕ 'bă iĕm, yua kơ iĕm bơngai lui boih kơ Yêsu Krist, tơ̆ng iĕm pơm thoi noh trŏ tơpă.

Êphêsô 6:1 Referans Kwoze

Tơdrông Pơđơk 23:22

Mơ̆ng bĕ nơ̆r 'bă mă bơngai pơjing kơ ih; 'Nĕ areh kơ mĕ đĭ kră pă kĕ jang.

Tơdrông Pơđơk 6:20

Ơ dăm, wei răk bĕ nơ̆r mĕ ih pơkă, 'nĕ hiơt nơ̆r 'bă ih bơtho.

Tơdrông Pơđơk 1:8

Ơ dăm, mơ̆ng bĕ nơ̆r mĕ bơtho pơkă; păng 'nĕ hiơt kơ nơ̆r 'bă ih bơtho khan,

Both 21:18

Tơdah bơngai bu đei minh 'nu kon anat kơ bơtho păng kơchu, ưh kơ mơ̆ng kiơ̆ nơ̆r mĕ 'bă, mă khan bơtho pơjĭ ră, sư oei kơchu ưh kơ mơ̆ng nơ̆r,

Lêwi 19:3

Rim 'nu lu iĕm athei lui yom kơ mĕ 'bă păng răk năr Sa'bat Inh, Inh boih Kră Yang 'Bok Kei-Dei lu iĕm.

I Tim 5:4

Mă-lei lu bơngai drŏ-kăn adro đei kon dah sâu sư, noh lê̆ lu kon sâu lu sư 'noh 'me sa sư. 'Bok Kei-Dei wă kơ bơ̆n wei-lăng 'me sa mĕ 'bă, yă 'bok bơ̆n kơdih. Bơ̆n athei 'me plơ̆ sư dơ̆ng.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Tơdrông Pơđơk 30:17

Măt blei hiap 'bă, Kuă kơ chu yom nơ̆r mĕ sư, Sem ak đơ̆ng thŭng gô choh iŏk măt noh, Păng sem grơ̆ gô sa măt noh.

Rom 7:12

Dôm tơdrong mă 'Bok Kei-Dei pơkă, tơdrong 'lơ̆ng, tơdrong trŏ tơpă.

Luka 2:51

Đơ̆ng rŏng kơ 'nei na Yêsu brŏk kiơ̆ mĕ 'bă Sư tơ Pơlei Nasaret. Sư chu yom kơ mĕ 'bă Sư ling-lang. Na mĕ Sư oei tơchĕng 'blŏk ling-lang kơ tơdrong noh hei păng dôm tơdrong đe khan lê̆ hơdrol gah kon sư, mă đơ̆ng sơ̆.

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

I Pet 2:13

Bơ̆n athei chu yom kơ lu bơngai mă pơgơ̆r bơ̆n, na đe băt kơ ư-ang Kră Yang Yêsu Krist. Tơ̆ng bơ̆n ưh kơ pơm 'lơ̆ng, ưh kơ băt phep, đe ưh kơ băt kơ bơ̆n bơngai 'lơ̆ng ôh. Bơ̆n athei chu 'bok pơtao tơm yua kơ sư pơgơ̆r đĭ-đăng.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Tơdrông Pơđơk 30:11

Đei bơngai mơ'nah hiap 'bă lu sư, Păng kư̆m ưh kơ sơkat pŭn hiôk kơ mĕ lu sư.

Bl 28:7

Êsâu kư̆m 'bôh Jakôp chu yom kơ mĕ 'bă sư na năm tơ dêh Phadan Aram noh.

Horiso 19:8

Tơdrong Kră Yang athei jơ̆ tơpăt, Pơm ăn kơ jơhngơ̆m chơt hiôk. Nơ̆r tơtă Kră Yang jơ̆ rơgoh, pơm ăn kơ măt đe hơdah hơdong.

Esther 2:20

Esther pơm kiơ̆ kơ nơ̆r Morđêkai pơkă kơ sư, ưh kơ đei roi kơ bu băt pơlei păng adrĕch sư; yua kơ sư chu kiơ̆ kơ nơ̆r Morđêkai thoi sư oei lăm hnam dơnŏ sư sơ̆.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

Horiso 119:75

Ơ Kră Yang, inh băt tơdrong Ih sek tơlang tơpăt. Noh đơ̆ng tơdrong Ih tơpăt. Na Ih pơm kơ inh pơmat-tat.

Bl 37:13

Isơrael khan kơ Jôsep thoi âu: Lu 'nhŏng e oei wei triu tơ Sichem năm tơ âu, inh wă wơh kon năm tơ lu sư. Jôsep tơl: Đei inh tơ âu:

Je 35:14

Nơ̆r Jônađap, kon drŏ-nglo Rêkap bơtho khan kơ kon sâu sư, 'nĕ kơ et huch sik hơmu ôh, lu sư chu boih, truh tơ dang ei lu sư ưh dah huch sik đak hơmu ôh. Lu sư chu kiơ̆ kơ 'bok lu sư pơkă. Bĕ Inh pơma bơtho lu iĕm ling-lang, mă-lei lu iĕm kuă kơ mơ̆ng Inh.

Ne 9:13

Ih kư̆m jur tơ kơpal kông Sinai, pơma hăm lu sư đơ̆ng kơpal plĕnh, tơjur ăn kơ lu sư dôm tơdrong trŏ, khôi juăt tơpăt 'lơ̆ng, tơdrong tơtă sĭt.

I Sam 17:20

Pơgê dơning đơ̆ng hrôih, Đawit lê̆ triu sư ăn kơ minh 'nu bơngai wei, iŏk tơmam na yak năm, thoi 'bă sư pơkă boih. Lăp sư truh tơ anih na kơplah noh hloi lu linh lĕch năm tơblah păng jreo re drŭt tơblah.

Horiso 119:128

Yua kơ thoi noh, inh lăng đĭ-đăng nơ̆r Ih bơtho tơtă trŏ ngăl. Inh areh kơ trong tơdrong hơlĕnh.

Ru 3:5

Rut tơl, inh gô pơm kiơ̆ dôm tơdrong ih đei khan kơ inh.

Je 35:8

Lu nhôn chu kiơ̆ nơ̆r Jônađap kon drŏ-nglo Rêkap 'bok lu nhôn lăm rim tơdrong sư đei bơtho pơkă boih kơ lu nhôn, lăm đĭ chăl arih lu nhôn, truh tơ kon akăn, kon drŏ-nglo kon drŏ-kăn lu nhôn, ưh kơ et sik.

Je 35:18

Jêrêmi khan kơ adrĕch bơngai Rêkap: “Kră Yang Tih Hloh 'Bok Kei-Dei Isơrael khan: Yua kơ lu iĕm chu kiơ̆ mơ̆ng boih nơ̆r 'bok lu iĕm Jônađap, wei răk pơm kiơ̆ dôm nơ̆r sư đei bơtho tơtă.

Bl 48:12

Jôsep iŏk bre kon sư đơ̆ng blu păng kŭl-tăng 'bă sư na drap bon tơ teh.

Bl 50:12

Thoi noh lu kon drŏ-nglo Jakôp pơm kiơ̆ thoi nơ̆r 'bă lu sư hơpơi.