Êphêsô 5:16 - Sơ̆p Hlabơar Nơ̆r 'Bok Kei-Dei

¹⁶ Bơ̆n athei adrin pơm 'lơ̆ng hăm adrin ră roi kơ đe tơdrong Yêsu Krist yua kơ dang ei đei lơ bơngai kơnê̆ tơpă.

Êphêsô 5:16 Referans Kwoze

Kôlôsê 4:5

Bơ̆n athei adrin pơm mă 'lơ̆ng pơma mă trŏ kơ lu bơngai tam mă lui, wă kơ lu sư mơ̆ng trŏ na lui kơ 'Bok Kei-Dei.

Am 5:13

Yua kơ lăm chăl kơnê̆ dêh yua kơ thoi noh lu bơngai hơgei gô mơ̆ng đĕch; lăm chăl thoi âu.

Yo 12:35

Na Yêsu khan kơ lu sư gah akâu Sư kơdih: “Măt 'năr oei pơchrang tơ'bôh ăn kơ iĕm ưh pă đunh boih. Na iĕm athei dah lui kơ Inh dang ei kơplah Inh oei tơ âu, hli kơ măng mu klơ̆p măt iĕm; yua kơ bơngai bu nơnăm lăm măng mu, bơngai 'noh sư ưh kơ 'bôh trong.

Êphêsô 6:13

Thoi noh na bơ̆n athei gơnang kơ 'Bok Kei-Dei tơgŭm bơ̆n lăm tôm tơdrong, wă kơ bơ̆n đei jơhngơ̆m pran huay kơ hiong răm kơplah bơ̆n đei tơdrong tơblah hăm yang kơnê̆. Bơ̆n athei adrin pơjăng pơjăr dĭng truh năr tôch.

Galati 6:10

Na dang ei bơ̆n oei arih tơ ala teh, bơ̆n athei pơm 'lơ̆ng kơ đe ling-lang. Mă loi athei pơm 'lơ̆ng kơ lu bơngai lui bơ̆n.

Bôk Bơthô 12:1

'Blŏk bĕ kơ Tơ'ngla mă pơjing ih kơplah ih oei hơmuh hơmŏng, 'blŏk adrol kơ lu năr kơnê̆ wă truh, adrol kơ lu sơnăm mă ih khan: Inh pă hiôk lu sơnăm 'nâu;

Rom 13:11

Dôm tơdrong inh bơtho iĕm âu, bơ̆n athei răk pơm kiơ̆ tơpă, yua kơ Kră Yang Yêsu Krist wă jê̆ jur boih; tơdrong noh iĕm kư̆m băt mơ̆n. Tơm hmơm bơ̆n lui sơ̆, năr Yêsu Krist jur oei đunh 'biơ̆; mă dang ei ưh pă đunh boih. Na bơ̆n athei adrin kral ling-lang 'nĕ pă nŏng kơ tep.

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Galati 1:4

Kră Yang bơ̆n Yêsu Krist ăn akâu Sư kơdih wă lôch tang bơ̆n pơklaih bơ̆n đơ̆ng tơdrong yoch. Sư lôch tang bơ̆n wă iŏk bơ̆n đơ̆ng lu bơngai kơnê̆ ahrei âu. Sư pơm thoi noh wă kơ trŏ thoi 'Bă tơm bơ̆n 'Bok Kei-Dei wă.

I Kor 7:26

Yua kơ dang ei kư̆m đei boih tơdrong gleh truh, na inh tơchĕng athei iĕm oei hơnơ̆ng thoi krô đĕch 'nĕ kơ pơm phara tơdrong kiơ.

Horiso 37:19

Lăm năr anat anot lu sư ưh kơ đei mơlâu; Lăm năr pơngot rơwĕt lu sư đei phĭ rơkah.

Êphêsô 6:15

Jơ̆ng bơ̆n trô̆ chơkhŏ; noh wă pơtih gia kơ jơ̆ng bơ̆n pơnam kơ nơnăm chă ră roi kơ đe tơdrong 'lơ̆ng, tơdrong hiôk.

Bôk Bơthô 11:2

Ih athei chă asong kơ tơpơh 'nu, tơhngam 'nu, truh tơ lơ bơngai, yua ưh kơ băt năr ayơ gô đei tơdrong truh kơ ih.

Bl 29:7

Jakôp khan: 'Nâu oei hrôih tam trŏ kơ triu akŭm; lu iĕm jah pơnhă triu lu iĕm wăi, na jah achăng lê̆ lu sư chă sa dơ̆ng.

Da 2:8

Pơtao khan: Inh băt lu iĕm chă đon wă pơhiơ̆, yua kơ lu iĕm băt boih tơdrong noh inh hiơt đĭ boih.

Mathiơ 25:17

Bơngai mă iŏk 'bar hlak jên maih yŏng sư noh, kư̆m pơm lei-lăi, đei lơi kơ sư 'bar hlak jên maih dơ̆ng.