Êphêsô 4:4 - Sơ̆p Hlabơar Nơ̆r 'Bok Kei-Dei

⁴ Đĭ-đăng kơ bơ̆n jing minh jơhngơ̆m minh đon yua kơ bơ̆n đei minh 'nu Yang Bơhngol 'Lơ̆ng oei lăm jơhngơ̆m lu bơ̆n. Na 'Bok Kei-Dei ăn kơ bơ̆n minh tơdrong chang gô kư̆m lei-lăi mơ̆n.

Êphêsô 4:4 Referans Kwoze

Êphêsô 2:18

Yua kơ Sư boih na đĭ-đăng kơ bơ̆n mă bơngai Juđê, mă bơngai nai băt gơnang kơ Yang Bơhngol 'Lơ̆ng anhăk ba bơ̆n truh tơ 'Bă bơ̆n 'Bok Kei-Dei.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

I Kor 12:20

Sư pơjing ăn kơ bơ̆n lăp minh pôm akâu, mă-lei mă minh pôm akâu 'noh đei lơ chăl.

Kôlôsê 1:5

Tơdrong lui iĕm rai wơ̆ băt 'mêm mơnat kơ đe thoi noh, yua kơ iĕm băt nhên tơpă bơ̆n gô đei tơdrong hiôk tơ kơpal plĕnh thoi Sư khan kơ bơ̆n boih, kơplah mă đe bơtho kơ bơ̆n tơdrong 'nao 'lơ̆ng sơ̆; tơdrong noh tơdrong tơpă, ưh kơ tơdrong kư̆ kă ôh.

Êphêsô 5:30

Na lu bơ̆n âu boih dang akâu akar Yêsu Krist.

I Yo 3:3

Bơngai bu chang gô Yêsu Krist jur tơ ala teh âu, bơngai 'noh pơm dôm tơdrong 'lơ̆ng tơpăt ngăl, kư̆m thoi Yêsu pơm 'lơ̆ng tơpăt mơ̆n.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.

Tit 2:13

kơplah bơ̆n chang gô Kră Yang Yêsu Krist mă tih hloh. Sư boih 'Bok Dŏng Pơklaih bơ̆n, Sư wă jur tơ ala teh dơ̆ng. Năr ei kơnh bơ̆n gô 'bôh Sư hlĭch tơpă, akâu Sư 'bak 'lơ̆ng rŏ hloh kơ đĭ-đăng bơngai ala teh, na jơhngơ̆m bơ̆n hiôk chơt păng Sư.

II Tes 2:16

Yŏng bơ̆n Yêsu Krist hăm 'Bă bơ̆n 'Bok Kei-Dei 'mêm mơnat kơ bơ̆n tơpă na ăn kơ bơ̆n hiôk-hian ling-lang ưh kơ đei layơ tôch. Sư ăn kơ bơ̆n hiôk chơt kơlih kơ bơ̆n băt bơ̆n gô oei hơdai hăm Sư ning-mônh.

Kôlôsê 3:15

Yêsu Krist ăn kơ bơ̆n hiôk hơiă dih băl, na bơ̆n athei adrin kiơ̆ thoi noh, yua kơ 'Bok Kei-Dei rơih iŏk bơ̆n wă kơ bơ̆n pôm đon. Păng ling-lang 'nĕ kơ hiơt pơma bơnê kơ 'Bok Kei-Dei.

Êphêsô 2:22

Lu iĕm kư̆m dang 'long hnam pơ̆ng pơlăp tơ jrăng mum noh mơ̆n. Đĭ-đăng kơ iĕm hăm lu 'nhŏng oh lu bơngai lui nai dang pơm keh minh pôm hnam 'Bok Kei-Dei ăn kơ Yang Bơhngol 'Lơ̆ng oei.

Êphêsô 2:16

yua kơ Sư lôch tang bơ̆n tơ 'long pơglang ăn đĭ-đăng kơ bơ̆n mă bơngai Juđê, mă bơngai nai gơh hiôk hăm 'Bok Kei-Dei boih. Bơ̆n dang minh akâu đĕch ưh pă layơ wă tơklah băl dơ̆ng.

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Je 14:8

Ơ Kră Yang Ih boih tơ'ngla mă lu bơngai Isơrael chang hơmĕng. Tơ'ngla mă dŏng pơklaih kơplah năr đei tơdrong truh, liơ Ih nhen thoi bơngai tơmoi lăm char âu, Thoi bơngai chă yak găn weh 'bĭch kơmăng đĕch.

Tit 3:7

'Bok Kei-Dei 'mêm mơnat kơ bơ̆n tơpă na Sư pơklaih bơ̆n đơ̆ng tơdrong yoch păng Sư jô̆ bơ̆n bơngai 'lơ̆ng păng Sư boih. Sư ăn kơ bơ̆n jing kon Sư, na bơ̆n arih ling-lang păng Sư ning-mônh.

I Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh tơpă kơlih kơ ih lui kơ Kră Yang Yêsu Krist đơ̆ng inh bơtho ih sơ̆. Kră Yang 'Bok Kei-Dei hăm Kon Sư Yêsu Krist athei inh pơm jơ̆ng 'bang Sư. 'Bok Kei-Dei dŏng pơklaih bơ̆n đơ̆ng tơdrong yoch. Bơ̆n lui kơ Yêsu Krist bơ̆n băt kơ Sư gô ăn kơ bơ̆n oei hơdai hăm Sư ning-mônh. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

I Kor 10:17

Lăp minh pôm 'bĕng mi noh đĕch, mă-lei đei lơ bơngai sa, 'noh pơtih gia kơ lu bơ̆n bơngai lơlap lơlang pơgơ̆p jing dang minh 'nu bơngai minh jơhngơ̆m minh đon hăm Yêsu Krist.

II Kor 11:4

Yua kơ inh băt kơ iĕm bơngai 'bônh kơ put đe, inh hli kơ đe bơtho iĕm tơdrong Yêsu Krist ưh pă thoi inh bơtho, mă iĕm wă lui hloi; đe bơtho iĕm tơdrong nai, ưh kơ thoi tơdrong Yang Bơhngol 'Lơ̆ng bơtho mă iĕm sơng iŏk sơ̆, mă iĕm wă mơ̆ng hloi; đe khan wă bơtho iĕm tơdrong 'nao 'lơ̆ng mă tơdrong noh ưh pă thoi iĕm lui sơ̆, mă iĕm wă chu hloi.

Jang 15:11

Bơ̆n băt bơ̆n klaih đơ̆ng tơdrong yoch yua kơ Kră Yang Yêsu 'mêm mơnat đĕch păng lu bơngai tơmoi kư̆m lei-lăi mơ̆n.”

Je 17:7

Pŭn hiôk dêh kơ bơngai bu mă lui gơnang kơ Kră Yang, Păng hơmĕng hơđơ̆ng kơ Kră Yang.

Rom 11:29

Yua kơ nơ̆r 'Bok Kei-Dei pơkă wă rơih iŏk đe Isơrael, tơgŭm đe Isơrael, na Sư ưh kơ hŭt ôh lu bơngai Isơrael noh.

Horiso 122:8

Yua kơ lu 'nhŏng oh păng bôl buăl inh. Inh khan: “Ăn tơdrong hiôk-hian tơ lăm ih.”