Êphêsô 4:31 - Sơ̆p Hlabơar Nơ̆r 'Bok Kei-Dei

³¹ Iĕm athei lê̆ đĭ dôm tơdrong tơhil pơma ôr pơret, tơdrong ơh lăm jơhngơ̆m pơma kơnê̆ kơ đe, hăm đĭ dôm tơdrong khĕnh hơwĕng.

Êphêsô 4:31 Referans Kwoze

Kôlôsê 3:8

Mă-lei dang ei iĕm athei tŭk bĕ. 'Nĕ kơ hil areh kơ đe, 'nĕ pơm kơnê̆ kơ đe, 'nĕ kơ pơjăm đe blei hiap đe.

Bôk Bơthô 7:9

'Nĕ hăt kơ hil, yua đơ̆ng tơdrong hơgei na gơh wei tơdrong arih kơdih akâu.

I Pet 2:1

Thoi noh na bơ̆n 'nĕ pă pơm dôm tơdrong kơnê̆, dôm tơdrong hơlĕnh pơdăr kơ đe, 'nĕ kơ 'nhĕng đe, 'nĕ kơ bâu roi pơjăm đe.

Ya 1:19

Ơ lu 'nhŏng oh mă inh 'mêm kơeng, bơ̆n băt kơ thoi noh boih, na đĭ-đăng kơ bơ̆n athei adrin mơ̆ng tơdrong đe bơtho, mơ̆ng mă tơpă, 'nĕ hăt kơ pơma hil kơ đe bơtho.

Kôlôsê 3:19

Ơ lu bơngai drŏ-nglo, iĕm athei băt 'mêm kơ akăn iĕm, 'nĕ kơ hơwĕng kơ sư.

Ya 3:14

Lu iĕm 'bok bơtho, dah iĕm oei 'nhĕng đe, iĕm jang tơgar băl 'maih pơm yŏng păng iĕm pơang kơ đe khan iĕm hơgei tơdrong 'Bok Kei-Dei hloh kơ lu bơngai nai, noh iĕm hơlĕnh đĕch boih, ưh kơ trŏ iĕm hơgei tơpă ôh.

Êphêsô 4:26

Dah iĕm đei tơdrong ơh, iĕm 'nĕ kơ pơm kơnê̆ kơ sư, 'nĕ tơhil băl đunh truh kơ măng,

I Yo 3:12

Bơ̆n ưh kơ gơh pơm thoi Kain ôh. Kain sư kiơ̆ yang Satan, sư pơlôch oh sư pôm mĕ 'bă. Kơlih kơ kiơ Kain pơlôch oh sư? Kơlih kơ sư pơm tơdrong kơnê̆ ling-lang, gah oh sư pơm tơdrong 'lơ̆ng tơpăt.

Horiso 101:5

Inh gô ngăn hreh kơ lu đe mă pơma roi 'bơm lu rông 'bôt. Gah lu bơngai đei măt pơrŏ păng jơhngơ̆m pơang, Inh ưh kơ lăp ôh.

Ya 4:11

Ơ 'nhŏng oh, iĕm 'nĕ kơ pơma bâu roi bôl buăl. Bơngai bu bâu roi 'nhŏng oh sư păng jô̆ kơ 'nhŏng oh sư pơm yoch, bơngai noh dang sek tơlang tơdrong juăt 'Bok Kei-Dei pơkă, khan tơdrong 'Bok Kei-Dei pơkă ưh kơ 'lơ̆ng. 'Bok Kei-Dei athei bơ̆n 'mêm dih băl, mă sư khan ưh kơ trŏ. Dah iĕm khan tơdrong 'Bok Kei-Dei ưh kơ trŏ, lei iĕm jing ưh pă kiơ̆ tơdrong Sư pơkă boih, noh dang iĕm wă pôk akâu iĕm kơdih sek tơlang tơdrong Sư.

Tơdrông Pơđơk 26:20

Ưh kơ đei 'long ŭnh, ŭnh păt; Dah ưh kơ đei roi sơlam lei tơdrong tơhil pơjah gô pơdơh.

Tit 1:7

Bơngai bu mă pơm kră wei-lăng lu bơngai lui sư athei pơm mă 'lơ̆ng 'nĕ kơ pơm yoch hŏ, kơlih kơ sư pơm kră wei-lăng tơdrong 'Bok Kei-Dei. Lu bơngai pơang akâu kơdih, lu bơngai khĕnh, lu bơngai et sik suai, dah lu bơngai tôn teh đe, dah sư hưch hanh kơ sa jên lơ păng trŏ tơdrong jang sư mă-lei pơgŏ athei iŏk jên đe, lu bơngai thoi noh ưh kơ gơh pơm kră wei-lăng lu bơngai lui ôh.

I Tim 3:11

Lu bơngai drŏ-kăn wă jang lăm hnam 'Bok Kei-Dei, sư kư̆m athei pơm mă 'lơ̆ng tơpăt mơ̆n; 'nĕ kơ pơma plĕch kơ đe, 'nĕ kơ et sik suai. Sư athei pơm tôm tơdrong 'lơ̆ng tơpăt ngăl.

II Kor 12:20

Inh hli kơ mưh năr inh truh tơ iĕm, iĕm ưh kơ lui kơjăp kiơ̆ thoi đon inh wă. Mă iĕm 'bôh inh iĕm kư̆m ưh kơ hiôk yua kơ iĕm hli kơ inh hil kơ iĕm. Păng inh hli kơ iĕm pơjah pơjăng dih băl, tơgar sa băl, tơhil băl, kret kuă kơ asong băl, pơjăm bôl buăl, bâu roi bôl buăl, pơang akâu kơdih păng hli kơ iĕm akŭm ưh kơ trŏ.

I Kor 14:20

Ơ 'nhŏng oh, gah tơdrong iĕm 'maih pơma nơ̆r hlĭch, iĕm athei tơchĕng kiơ̆ đon kră, 'nĕ pă kiơ̆ thoi đon bơngai nge. Bơ̆n băt kơ lu bơngai nge ưh kơ gơh pơm kơnê̆ kơ đe, dah bơ̆n kiơ̆ thoi noh 'lơ̆ng mơ̆n, mă-lei bơ̆n 'nĕ kơ kiơ̆ kơ đon sư tơchĕng, yua kơ sư ưh kơ hlôh ôh.

Tơdrông Pơđơk 29:22

Bơngai juăt kơ hil khĕnh tĕnh kơ pơjah; Bơngai jơhngơ̆m tơtŏ pơm ưh kơ trŏ lơ hloh.

Tơdrông Pơđơk 14:17

Bơngai bu 'bônh kơ blĕk pơm tơdrong kơtul kơwao. Lu bơngai hơlĕnh pơdăr đe gô areh.

Tơdrông Pơđơk 10:18

Bơngai bu ôn tơdrong hil areh gô lĕch nơ̆r 'bơ̆r pơma hơlĕnh. Păng bơngai bu chă roi sa jing bơngai kơtul.

Tơdrông Pơđơk 10:12

Tơdrong areh jing tơdrong tơhil; Mă-lei đei tơdrong 'mêm mơnat 'bŭ đĭ lu tơdrong yoch.

I Tim 5:13

Lu sư nơ̆k nơ̆k tu, nơ̆k nơ̆k bơbah ling-lang nŏng kơ chă ngôi hnam âu hnam to ưh kơ wă jang păng chă pơma plĕch kơ đe, pơma tơdrong ưh kơ trŏ kơ nơ̆r pơma.

Galati 5:20

sư oei kơkuh kơ yang so, sư pơm pơjâu chă sol đe; sư kơnam băl tơdrong, sư tôn teh băl, sư tơgar băl, sư hil kơ đe, sư kret, sư kuă kơ jang hơdai đe, sư wă tơklah kiơ̆ tơdrong sư kơdih,

I Kor 5:8

Thoi noh bơ̆n athei 'blŏk hơdơ̆r kơ năr giĕng đe sŏng sa 'Bĕng Ưh Kơ Đei 'Buih Pông, 'nĕ pă pơm dôm tơdrong so, tơdrong kơnê̆ yoch thoi lĕ kơ 'bĕng mă đei 'buih pông 'noh, bơ̆n athei pơm 'lơ̆ng tơpăt thoi 'bĕng ưh kơ đei 'buih đĕch.

Rom 3:14

'Bơ̆r băt kơ hiap areh kơ đe.

Tơdrông Pơđơk 25:23

Kial đơ̆ng yă-nơ̆m ba đak 'mi. Hơpiĕt ayơ roi sa pơma krŭl pơm kơ đe blĕk.

Tơdrông Pơđơk 18:8

Nơ̆r đe roi hơlĕnh sơlam thoi tơmam sa 'ngam; Păng mơ̆t truh tơ klơm klak.

Tơdrông Pơđơk 6:19

Bơngai pơm kơdranh hơlĕnh pơma plêl, Bơngai chă tơdrong tơhil tơduă 'nhŏng oh.

Horiso 140:11

Ăn kơ lu bơngai đei hơpiĕt hơlĕnh pơdăr ưh kơ gơh pơjing kơjăp lăm teh đak. Ăn tơdrong răm druh lu bơngai pơm kơnê̆.

Horiso 64:3

Lu sư pat hơpiĕt thoi pat đao. Lu sư prah 'brơ̆m wă khan nơ̆r pơma jĭ.

Horiso 50:20

Ih pơma kơnê̆ kơ lu 'nhŏng oh pơma hơlĕnh kơ kon drŏ-nglo mĕ ih.

Horiso 15:3

Bu mă hơpiĕt huay kơ hơwơ̆t kư̆ kă, Ưh kơ đei pơrăm bôl buăl, Ưh kơ đei pơm mơlâu kơ lu rông 'bôt;

II Sam 19:27

Sư roi hơlĕnh kơ inh hăm ih yŏng tơ'ngla inh; mă-lei pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei. Apinh ih pơm kơ inh kiơ̆ kơ ih tơchĕng trŏ.

Bl 37:4

Lu 'nhŏng sư 'bôh 'bă sư 'mêm kơ Jôsep hloh kơ lu sư, na lu sư đei jơhngơ̆m klai monh kơ Jôsep, đơ̆ng noh ưh pă gơh pơma pơ'lơ̆ng hăm sư dơ̆ng.

Bl 27:41

Êsâu đei jơhngơ̆m blĕk kơ Jakôp yua kơ 'bă sư sơkat ăn pŭn hiôk kơ Jakôp, sư tơchĕng lăm jơhngơ̆m đon sư khan: Năr 'bă inh lôch wă jê̆ boih, thoi noh, na inh gô pơlôch Jakôp, oh inh.

Bl 4:8

Đơ̆ng noh Kain pơtơm oh sưb Abel năm; kơplah măr sư oei tơ bri, na Kain plŏng bruh tơ Abel oh sư păng pơlôch hloi.

Tơdrông Tơ'bôh 12:10

Klaih kơ noh na inh kơtơ̆ng 'bơ̆r pơma re tơ plĕnh ti khan: “Dang ei Kră Yang bơ̆n 'Bok Kei-Dei blah dŏng kon bơngai boih, Sư yua tơdrong mơsêh mơyang Sư blah iŏk kon bơngai đơ̆ng yang Satan pơgơ̆r, na Sư wă pơgơ̆r kơdih. Na Sư kư̆m ăn kơ 'Bok Krist pơgơ̆r mơ̆n, yua kơ yang Satan thuơ huŏng tơ teh boih. Sư boih nŏng kơ pơma 'bơ̆t anăp 'Bok Kei-Dei jô̆ kơ lu buăl bơ̆n khan bơngai yoch bơngai kơnê̆ wă kơ 'Bok Kei-Dei tŭk lu buăl bơ̆n.

I Yo 3:15

Bơngai bu hil areh kơ 'nhŏng oh sư, 'noh dang sư wă pơlôch 'nhŏng oh sư mơ̆n. Iĕm băt mơ̆n lu bơngai chă pơlôch đe, ning-mônh sư ưh kơ đei arih ling-lang ôh.

Tit 2:3

Păng ih bơtho khan kơ lu yă kră athei sư iŏk đon tơpăt, khă lu sư 'nĕ pă bâu roi đe, 'nĕ kơ et sik suai. Păng athei lu sư bơtho lu drŏ-kăn oei moh mă trŏ wă kơ lu sư 'mêm mơnat kơ lu kon klo sư.

II Tim 2:23

Ih 'nĕ kơ mơ̆ng lu bơngai pran pơjah pơjăng kư̆ kă. Sư pơjah pơjăng khŏm khŏm đon lu sư ưh kơ sor kơnh sư jing tơhil dih băl.

I Tim 3:3

Sư ưh kơ lah suai sik păng ưh kơ tôn teh đe. Sư bơngai dim khôn tơpă ưh kơ wă pơjah pơjăng păng đe. Sư ưh kơ hăt sa jên lơ ôh.

Jang 21:30

Đĭ-đăng Pơlei Jêrusalem đơđơu đơđao mao. Lu kon pơlei kơdâu năm tơ ei na rôp dui anhăk Pôl tơ 'ngoaih hnam akŭm 'Bok Kei-Dei tơm, na đe tang 'măng hnam ei hloi.

Je 6:28

Đĭ-đăng lu sư pơm kơnê̆, chă pơma sơlam băl. Hơrăng kơ̆l nhen thoi mam, thoi kong, lu sư pơm kơnê̆ dêh.

Tơdrông Pơđơk 29:9

Dah đei bơngai hơgei oei pơjah hăm bơngai kơtul, Lăp tơhil tơblĕk hiĕk ăr ưh kơ gơh pơtruh băl.

Tơdrông Pơđơk 19:12

Pơtao hil nhen thoi dăm-brang grĕnh Mă-lei đei tơdrong sư mơnat thoi ngom kơpal 'nhĕt.

II Sam 19:43

Bơngai Isơrael tơl bơngai Juđa: “Lu nhôn hăm hnam pơtao 'bơm hloh kơ lu iĕm mơjĭt wơ̆t, na gah Đawit lu nhôn jê̆ hloh kơ lu iĕm; na liơ mă lu iĕm klai kơ lu nhôn? Lu nhôn boih pơđâu adrol wă sơng pơtao brŏk dah kiơ?” Mă-lei nơ̆r pơma lu bơngai Juđa tơl; oei trăp hloh kơ nơ̆r pơma bơngai Isơrael.

II Sam 13:22

Apsalôm blĕk dêh kơ Amnôn ưh pă đei gơh pơma nơ̆r ayơ 'lơ̆ng dah kơnê̆ hăm Amnôn, yua kơ Amnôn pơ'brơh kơ Tamar, oh drŏ-kăn sư.

Bl 37:21

Rubên mơ̆ng nơ̆r ei, na hloi khan kơ lu 'nhŏng oh sư, wă pơklaih oh sư; lu bơ̆n 'nĕ kơ pơlôch sư;

II Tim 3:3

Sư ưh kơ băt 'mêm mơnat kơ bôl buăl ôh. Bơ̆n bơngai nai ưh kơ băt wă pơma lung sư thoi yơ dơ̆ng, yua kơ sư pơma bơbĭt dêh. Sư chă tơdrong kơnê̆ păng đe. Sư bơngai hơwĕng, sư ưh kơ wă pơm tơdrong 'lơ̆ng ôh, sư areh kơ bơngai 'lơ̆ng.

Je 9:4

“Ăn kơ rim 'nu kơchăng kơ rông 'bôt sư, 'nĕ kơ lui gơnang kơ lu 'nhŏng oh; yua kơ 'nhŏng noh gô hơlĕnh pơdăr kơ 'nhŏng oh sư. Lu rông 'bôt chă pơma kơnê̆ sơlam băl.

Horiso 37:8

Ĕnh bĕ kơ hil păng lê̆ pă blĕk; Lê̆ kơ hiơ̆k tơdrong noh gô truh kơ tơdrong kơnê̆.

Êphêsô 4:22

Iĕm athei lê̆ tơdrong so, tơdrong mă iĕm juăt kơ pơm sơ̆. Pơm thoi noh sơ̆ rai đunh rai răm yua kơ 'maih pơm lơ tơdrong kơnê̆.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.