Êphêsô 4:3 - Sơ̆p Hlabơar Nơ̆r 'Bok Kei-Dei

³ Iĕm athei adrin oei hiôk hơdai hăm bôl buăl, yua kơ Yang Bơhngol 'Lơ̆ng ăn kơ bơ̆n jing minh jơhngơ̆m minh đon rim 'nu kơ bơ̆n lei-lăi ngăl.

Êphêsô 4:3 Referans Kwoze

I Kor 1:10

Ơ 'nhŏng oh, inh wă bơtho iĕm thoi âu: Đĭ-đăng kơ bơ̆n minh khŭl lui kơ Kră Yang Yêsu Krist, bơ̆n athei tơguăt băl minh jơhngơ̆m, pơm pôm 'bơ̆r đon mă hơnơ̆ng wă kơ bơ̆n huay kơ tơklah băl.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Yo 13:34

Na dang ei Inh wă pơkă ăn kơ iĕm tơdrong 'nao âu: Inh wă kơ iĕm băt 'mêm mơnat dih băl. Iĕm athei băt 'mêm mơnat dih băl kư̆m thoi Inh 'mêm mơnat kơ iĕm.

II Kor 13:11

Ơ lu 'nhŏng oh, dôm tơdrong inh chă chih kơ iĕm dôm noh boih. Oei kơ iĕm mă 'lơ̆ng. Adrin pơm 'lơ̆ng, mơ̆ng dôm tơdrong inh pơma, băt chu dih băl, oei sa hiôk chơt; thoi noh na 'Bok Kei-Dei mă 'mêm mơnat kơ kon bơngai hăm ăn kon bơngai hiôk-hian, Sư gô oei hơdai iĕm.

I Tes 5:13

Iĕm athei lui yom 'mêm mơnat kơ sư tơpă yua kơ sư jang tơdrong 'Bok Kei-Dei. Đĭ-đăng dôm iĕm athei oei hiôk hơiă dih băl.

Êphêsô 4:4

Đĭ-đăng kơ bơ̆n jing minh jơhngơ̆m minh đon yua kơ bơ̆n đei minh 'nu Yang Bơhngol 'Lơ̆ng oei lăm jơhngơ̆m lu bơ̆n. Na 'Bok Kei-Dei ăn kơ bơ̆n minh tơdrong chang gô kư̆m lei-lăi mơ̆n.

Êphêsô 4:13

Đĭ-đăng kơ bơ̆n jing pôm đon yua kơ minh tơdrong lui băt kơdih kơdih tơdrong Yêsu Kon 'Bok Kei-Dei, na bơ̆n gô jing bơngai wơ̆ tôch tơ̆l thoi Yêsu.

Le 28:32

Tơ tŏk-bŏk ao đei minh tŏ bơlôh tơmơ̆t kơ̆l; tăp dăr bơlôh đei lem, wă kơ huay kơ tơhleh.

I Pot 16:21

Lu bơngai Isơrael tơklah jing 'bar khŭl; minh khŭl kiơ̆ Tipni, kon drŏ-nglo Ginat, wă pôk sư pơm pơtao; minh khŭl kiơ̆ Ômri.

Bôk Bơthô 4:12

Minh drô̆, 'bônh kơ jei đe, mă-lei dah đei 'bar 'nu pơpôi jơhngơ̆m bu kĕ pơm kơ bre sư; minh dăng tơlei kŭi pêng 'yoi sư hơnat kơ kơtĕch.

Markôs 3:24

Dah minh pôm teh đak tơblah dih băl, teh đak noh gô pơchah hiong,