Êphêsô 4:24 - Sơ̆p Hlabơar Nơ̆r 'Bok Kei-Dei

²⁴ na jing bơngai 'nao, bơngai mă 'Bok Kei-Dei pơjing hơbŏ thoi Sư, wă kơ bơ̆n pơm 'lơ̆ng tơpăt kiơ̆ thoi Sư wă.

Êphêsô 4:24 Referans Kwoze

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Rom 13:14

Bơ̆n athei pơm 'lơ̆ng thoi Kră Yang bơ̆n Yêsu Krist sơ̆, Sư pơm 'lơ̆ng ling-lang. Bơ̆n 'nĕ kơ ăn akâu bơ̆n pơlung đon bơ̆n pơm ưh kơ 'lơ̆ng.

Êphêsô 6:11

Thoi kơ lu linh wă năm tơblah, lu sư chĕp tôm kơ tơmam tơblah, wă kơ tơblah jei sư, na bơ̆n kư̆m lei-lăi athei gơnang kơ 'Bok Kei-Dei tơgŭm bơ̆n tôm tơdrong wă kơ bơ̆n đei jơhngơ̆m pran huay kơ lui kơ yang Satan pơhlŭ.

Rom 6:4

Đe pơm 'batem kơ bơ̆n tơmôch bơ̆n lăm đak, noh dang đe 'bŭ bơ̆n minh pôm bong hăm Sư boih. Na 'Bok Kei-Dei yua mơsêh mơyang Sư tơiung arih Yêsu Krist đơ̆ng lôch, noh wă khan bơ̆n đei tơdrong arih 'nao ưh pă kiơ̆ tơdrong so dơ̆ng.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

II Kor 4:16

Thoi noh nhôn wă jang ling-lang ưh kơ lê̆ ôh, mă khan sĕch akar nhôn rai hŏnh, mă-lei jơhngơ̆m nhôn lăm to dang lĕ kơ ming 'nao rim năr.

Rom 13:12

Dang ei oei măng mu, ưh pă đunh 'năr gô lĕch. Yua kơ thoi noh na bơ̆n 'nĕ pă oei tơ lăm măng mu, bơ̆n athei oei tơ hơdah ling-lang wă kơ gơh tơblah păng yang kơnê̆.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

Rom 8:29

Lu bơngai thoi noh, hơdrol kơ đe tam mă tơpŭ kơ sư sơ̆, 'Bok Kei-Dei băt kơ lu sư hơdrol boih. Lu bơngai thoi noh 'Bok Kei-Dei pơkă wă ăn jing kon Sư thoi Yêsu Krist; Yêsu Krist jing 'Nhŏng Kơdră lu sư, lu sư jing oh Yêsu.

Yo 17:17

Apinh Ih tơbăt ăn kơ lu sư tôm tơdrong Ih, wă kơ lu sư gơh jang tơdrong Ih pran kơtang lăp đon rim lu sư kơdih kơdih, trŏ thoi Ih wă.

Galati 6:15

Tơdrong kăt tơdra akar ưh kơ đei kăl kiơ ôh. Tơdrong Yang Bơhngol 'Lơ̆ng ăn kơ bơ̆n jing bơngai 'nao, 'noh đĕch kăl.

Galati 3:27

Đĭ-đăng kơ bơ̆n lui kơ Yêsu, klaih kơ noh iŏk 'batem, wă kơ bơ̆n jing pôm đon păng Sư.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

I Kor 15:53

Yua kơ akâu bơ̆n ling-lang kơ ôm hach na bơ̆n athei iŏk tơplih akâu 'nao mă ưh kơ layơ ôm hach; akâu bơ̆n ling-lang kơ lôch bơ̆n athei iŏk tơplih akâu 'nao mă ưh kơ layơ lôch.

Jop 29:14

Inh hrŭk tơdrong 'lơ̆ng tơpăt thoi ao. Tơdrong tơpăt inh sư thoi kơ ao tai păng che tơ̆n.

Êphêsô 2:15

Yua kơ akâu Sư kơdih lôch tang đĭ-đăng kơ bơ̆n, mă bơngai Juđê, mă bơngai nai, na tơdrong juăt sơ̆ mă pơm kơ bơ̆n tơklah băl, dang ei ưh pă kăl kơ tơdrong juăt 'noh dơ̆ng boih; yua kơ tơdrong juăt 'noh sơ̆ pơm kơ bơ̆n tơklah băl jing 'bar khŭl. 'Bar khŭl 'noh sơ̆ dang ei pơm jing minh ưh pă areh băl boih,

Êsai 59:17

Kră Yang iŏk tơdrong tơpăt hrŭk thoi ao mam păng iŏk tơdrong dŏng pơklaih, yơ̆l thoi môk kơlăm Sư iŏk tơdrong pơm 'mong pơm thoi hơbĕn ao hrŭk, sư iŏk đĭ jơhngơ̆m tơnăp wăn tăp tơ akâu pơm thoi hơbĕn ao.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Hêbrơ 1:8

Mă-lei gah Kon Sư kơdih khan thoi âu: “Ih Kră Yang tơoei kơpal tang-dŏ pơgơ̆r ling-lang ưh kơ layơ tôch; Ih pơgơ̆r 'lơ̆ng tơpăt.

Bl 5:1

Âu boih sơ̆p hla bơar chih răk adrĕch adrung Ađam. Năr mă Kră Yang 'Bok Kei-Dei pơjing kon bơngai, Sư pơjing kon bơngai hơbŏ thoi Kră Yang 'Bok Kei-Dei.

Luka 1:75

păng pơm 'lơ̆ng tơpăt păng Sư păng kon bơngai mơ̆n tơ anăp 'Bok Kei-Dei, mă đơ̆ng sơ̆ khơ̆ ning-mônh.

Rom 7:6

Mă-lei dang ei bơ̆n dang lôch kiơ̆ Yêsu Krist na bơ̆n ưh pă kăl gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆. Yua kơ thoi noh na bơ̆n athei lui yom kơ 'Bok Kei-Dei, ưh pă gơnang akâu kơdih wă kiơ̆ tơdrong so mă Môis chih pơkă sơ̆, bơ̆n kiơ̆ kơ tơdrong arih 'nao đơ̆ng Yang Bơhngol 'Lơ̆ng ăn.

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

II Pet 1:4

Yua kơ Sư Yang, Sư mơsêh, Sư 'lơ̆ng tơpăt, Sư pơkă wă tơgŭm bơ̆n tih tơpă. Na Sư pơklaih bơ̆n đơ̆ng dôm tơdrong kơnê̆ 'mê̆-'mach tơ ala teh âu, tơdrong mă kon bơngai 'maih pơm, wă kơ bơ̆n jing kon Sư kư̆m 'lơ̆ng tơpăt thoi Sư.