Êphêsô 4:15 - Sơ̆p Hlabơar Nơ̆r 'Bok Kei-Dei

¹⁵ Yua kơ thoi noh na bơ̆n athei pơma tơpăt ngăl ling-lang, athei đei đon băt 'mêm mơnat kơ bôl buăl, na rai đunh rai wơ̆ lăm tôm tơdrong, wă kơ bơ̆n jing pôm đon hăm Yêsu Krist. Yêsu Krist Sư pơm tơm kơ bơ̆n thoi lĕ kơ kơ̆l;

Êphêsô 4:15 Referans Kwoze

I Yo 3:18

Ơ lu kon hơ'lơ̆p, tơdrong 'mêm mơnat dih băl, bơ̆n ưh kơ wă 'bơ̆r bơ̆n đĕch ôh mơnat. Bơ̆n athei 'mêm mơnat dih băl păng jơhngơ̆m đon bơ̆n tơpă păng tơdŏng băl tơdrong jang.

Êphêsô 4:25

Thoi noh iĕm 'nĕ kơ hơlĕnh; iĕm athei pơma tơpăt hăm lu 'nhŏng oh iĕm, yua kơ đĭ-đăng kơ bơ̆n jing 'nhŏng oh lăm khŭl lui kơ Yêsu Krist ngăl.

Sa 8:16

'Nâu tơdrong lu iĕm athei pơm: Athei pơma tơpăt dih băl, arih hiôk chơt hăm rông 'bôt, athei sek tơlang mă tơpăt hơnơ̆ng.

I Pet 1:22

Bơ̆n chu lui kơ tơdrong 'Bok Kei-Dei boih, bơ̆n băt kơ lê̆ đĭ dôm tơdrong yoch, băt 'mêm mơnat kơ bôl buăl 'nhŏng oh bơngai lui. Bơ̆n athei iŏk tơdrong 'mêm mơnat dih băl ling-lang khŏm khŏm hăm đĭ jơhngơ̆m.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.

Êphêsô 2:21

Đĭ dôm lu 'long hnam noh pơ̆ng pơlăp tơ jrăng mum noh bruơ̆ng keh minh pôm hnam tih rŏ, pơyơ̆r kơ 'Bok Kei-Dei.

Êphêsô 1:22

'Bok Kei-Dei ăn kơ Sư pơgơ̆r tôm tơdrong hloi păng ăn kơ Sư pơm Yŏng tơm pơgơ̆r đĭ-đăng kơ lu bơngai lui. Yêsu Sư thoi kơ̆l,

I Pet 2:2

Bơ̆n athei pơm thoi kon nge 'nao tơpŭ, sư ling-lang 'maih kơ mŏm đak toh ngăl. Na iĕm kư̆m lei-lăi athei hưch hanh kơdih kơdih 'maih mơ̆ng tơdrong 'lơ̆ng tơpăt 'Bok Kei-Dei pơma, wă kơ iĕm rai đunh rai wơ̆ gah tơdrong Sư, na ning-mônh Sư gô iŏk iĕm.

Rom 12:9

Bơ̆n 'mêm kơ bôl athei 'mêm mă tơpă, areh kơ tơdrong kơnê̆, athei adrin chă tơdrong 'lơ̆ng.

Yo 1:47

Lăp Yêsu 'bôh Nathanel năm tơ Sư, na Sư khan: “Ih boih bơngai Isơrael tơpă. Ih đei đon 'lơ̆ng tơpăt ưh kơ đei layơ hơlĕnh kơ đe.”

Êphêsô 5:23

Yua kơ klo iĕm sư trŏ kơ pơgơ̆r iĕm kư̆m thoi Yêsu Krist pơgơ̆r lu bơngai lui kơ Sư; Yêsu Krist Sư ăn akâu Sư kơdih pơklaih lu bơngai lui kơ Sư.

II Kor 4:2

Nhôn jang ưh kơ đei ôn tơdrong kơnê̆ hrĕp thoi lu bơngai nai ôh. Nhôn ưh kơ hơlĕnh pơdăr thoi đe, nhôn ưh kơ ming tơplih nơ̆r 'Bok Kei-Dei pơma. Nhôn wă pơma kiơ, nhôn pơma hơdah hloi. Nhôn pơma tơpăt wă kơ đĭ-đăng bơngai băt kơ nhôn bơngai tơpăt 'bơ̆t anăp 'Bok Kei-Dei ling-lang.

Horiso 32:2

Pŭn dêh kơ bu mă Kră Yang huay kơ jô̆ kơnê̆, Păng lăm jơhngơ̆m ưh kơ đei hơlĕnh!

Lu 16:15

Na Đelila khan kơ Samsơn: Liơ mă ih khan, Inh hưch kơ ih, mă-lei lăm jơhngơ̆m ih ưh kơ tơpăt hăm inh Ih hơlĕnh kơ inh pêng wơ̆t kơ 'nâu boih, ưh kơ roi hơlăng tơpăt kơ inh jơhngơ̆m pran kơtang ih tih dêh 'noh đei đơ̆ng yơ.

II Kor 8:8

Mă-lei tơdrong noh ưh kơ sĭ inh wă pơgŏ iĕm ôh, inh wă pơlong lăng iĕm hăm băt 'mêm kơ bôl buăl thoi lu bơngai lui tơ dêh Masêđôn dah ưh.

Malachi 4:2

Mă-lei gah lu iĕm, lu bơngai hli yom kơ anăn Inh, thoi noh măt 'năr tơdrong tơpăt gô pơchrang ăn, lăm năr noh kơnh gô đei pơklaih tơdrong jĭ jăn; lu iĕm gô lĕch pơplŏng thoi rơmo dăm lĕch đơ̆ng lăm hơdrong.

I Kor 11:3

Mă-lei inh wă kơ iĕm hlôh tơdrong âu: Yêsu Krist pơm Yŏng kơ đĭ-đăng drŏ-nglo, drŏ-nglo pơm yŏng kơ akăn sư; na 'Bok Kei-Dei pơm Yŏng kơ Yêsu Krist.

Êphêsô 1:4

Adrol kơ 'Bok Kei-Dei tam mă pơjing plĕnh teh sơ̆, Sư rơih iŏk bơ̆n boih, yua kơ Yêsu Krist wă lôch tang bơ̆n. Sư rơih iŏk bơ̆n wă kơ bơ̆n jing 'lơ̆ng tơpăt huay kơ đei tơdrong yoch 'bơ̆t anăp Sư.