Êphêsô 3:8 - Sơ̆p Hlabơar Nơ̆r 'Bok Kei-Dei

⁸ Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Êphêsô 3:8 Referans Kwoze

Kôlôsê 1:27

Wă khan lu bơ̆n boih kon Sư, na Sư wă tơgŭm bơ̆n tôm tơdrong, tôm kơ khŭl kon bơngai jơ̆p kơ teh đak. Tơdrong Sư tơgŭm bơ̆n noh thoi yơ, wă khan thoi âu: Sư ăn Yêsu Krist oei lăm bơ̆n, na bơ̆n gơh băt kơ ning-mônh bơ̆n gô oei arih hiôk jơnap hăm Sư.

I Kor 15:9

yua kơ inh bơngai jơ̆ng 'bang iĕ hloh kơ lu jơ̆ng 'bang nai. Inh ưh kơ hơnhŏ đe krao inh jơ̆ng 'bang Sư ôh, yua kơ inh đei pơrăm lu bơngai lui kơ 'Bok Kei-Dei.

Êphêsô 3:16

Sư đei tôm tĕch tơdrong na inh apinh Sư ăn kơ iĕm Yang Bơhngol 'Lơ̆ng Sư oei hơdai hăm iĕm wă kơ iĕm đei jơhngơ̆m pran.

Êphêsô 2:7

Thoi noh na Sư gô ăn kơ bơ̆n tôm tơdrong hiôk 'lơ̆ng khŏm khŏm truh tơ ning-mônh ưh kơ layơ tôch yua kơ Sư 'mêm mơnat kơ bơ̆n, na ăn kơ Yêsu Krist lôch tang bơ̆n.

I Tim 2:7

Kơlih kơ thoi noh 'Bok Kei-Dei ăn kơ inh pơm jơ̆ng 'bang Yêsu Krist wă bơtho tơdrong 'noh kơ đĭ-đăng teh đak, wă bơtho lu sư gah tơdrong lui kơ Yêsu Krist păng tơdrong 'Bok Kei-Dei. Inh ưh kơ hơlĕnh ôh, inh pơma tơpă kơ ih.

I Tim 1:13

Mă inh pơma kơnê̆ kơ Sư sơ̆, inh pơjăm Sư păng pơm kơnê̆ kơ lu bơngai lui kơ Sư, mă-lei Sư rơih iŏk inh mơ̆n. 'Bok Kei-Dei mơnat kơ inh sơ̆ kơlih kơ inh tam mă lui kơ Kră Yang Yêsu, na inh ưh kơ tơtĭnh dôm tơdrong 'noh kơnê̆.

Galati 1:16

Truh Sư wă tơ'bôh ăn kơ inh Yêsu Kon Sư, wă kơ inh năm bơtho tơdrong 'nao 'lơ̆ng Kon Sư kơ lu bơngai nai mă ưh kơ trŏ bơngai Juđê, kơplah noh inh ưh kơ đei năm pơhrăm đơ̆ng lu bơngai kiơ̆ Yêsu ôh.

Rom 11:33

'Bok Kei-Dei pơm thoi noh bơ̆n băt kơ Sư 'mêm kơ bơ̆n tơpă păng bơ̆n kư̆m băt kơ Sư hơgei dêh. Na bơ̆n kon bơngai ưh kơ băt ôh tơdrong tơchĕng Sư thoi yơ.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

II Tim 1:11

'Bok Kei-Dei rơih inh pơm jơ̆ng 'bang Sư wă bơtho tơdrong 'nao 'lơ̆ng 'noh.

Êphêsô 3:19

Inh apinh Sư ăn kơ iĕm băt kơ Yêsu 'mêm kơ bơ̆n tih tơpă, mă ưh kơ băt tih dang yơ, jrŭ să sư dang yơ. Păng inh kư̆m apinh 'Bok Kei-Dei oei lăm jơhngơ̆m rim 'nu kơ lu iĕm.

I Kor 2:9

Mă sơ̆p hla bơar 'Bok Kei-Dei kư̆m đei chih khan: “Klong măt kon bơngai ưh kơ 'bôh, đon ưh kơ kơtơ̆ng, jơhngơ̆m đon kon bơngai ưh kơ đei tơchĕng iŏk, tơdrong 'noh boih 'Bok Kei-Dei hơmet ăn kơ lu bơngai mă 'mêm kơ Sư.”

Rom 12:10

Bơ̆n 'mêm kơ bôl, athei dang bơ̆n 'mêm kơ 'nhŏng oh bơ̆n kơdih. Bơ̆n 'nĕ bơnê kơ akâu bơ̆n kơdih, bơ̆n ling-lang athei bơnê kơ đe, pơm hiôk kơ jơhngơ̆m đe.

Jang 5:41

Na lu jơ̆ng 'bang Yêsu lĕch đơ̆ng hnam sek tơlang ei, lu sư hiôk jơhngơ̆m yua kơ 'Bok Kei-Dei ăn kơ lu sư pŭ anat yua kơ tơdrong Yêsu.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.

Jang 9:15

Kră Yang Yêsu khan kơ Anania: “Ih jah năm tơ sư, yua kơ Inh rơih sư wă kơ bơtho tơdrong Inh jơ̆p kơ teh đak, bơtho lu 'bok pơtao păng lu bơngai Isơrael.

Philip 4:19

Kră Yang bơ̆n 'Bok Kei-Dei mơdrŏng tih tơpă, Sư gô tơgŭm iĕm tôm tơdrong tơmam iĕm kăl yua, kơlih kơ iĕm lui kơ Yêsu Krist.

Galati 2:8

Lu sư băt thoi noh yua kơ lu sư 'bôh 'Bok Kei-Dei ăn kơ inh pơm jơ̆ng 'bang Yêsu năm chă bơtho đe đei lơi lơ bơngai lui kơ inh bơtho tơpă, kư̆m thoi 'Bok Kei-Dei ăn kơ Pêtrôs pơm jơ̆ng 'bang Yêsu năm chă bơtho đe đei lơi mơ̆n.

Horiso 31:19

Tơdrong 'lơ̆ng tơpăt Ih tih dêh, Mă ăn boih kơ lu bơngai hli yom kơ Ih păng ăn boih kơ lu bơngai năm kơ'nơp lăm Ih. 'Bơ̆t anăp lu kon bơngai.

Philip 2:3

Iĕm 'nĕ kơ pơm minh tơdrong kiơ mă ưh kơ 'lơ̆ng kơ đe, thoi lĕ kơ tơdrong pơang, dah tơdrong ưh kơ băt mơnat kơ đe. Iĕm athei pơm 'lơ̆ng ling-lang thoi bơngai dim jô̆ kơ đe bơngai 'lơ̆ng hloh kơ iĕm.

Êphêsô 3:2

Iĕm băt boih 'Bok Kei-Dei pơjao kơ inh jang tơdrong Sư noh, wă kơ inh gơh tơgŭm iĕm.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

Yo 1:16

Sư 'mêm mơnat đĭ-đăng kơ bơ̆n, pơklaih bơ̆n đơ̆ng tơdrong yoch păng tơgŭm bơ̆n lăm tôm tơdrong tơpă.

I Ho 17:16

Na pơtao Đawit mơ̆t păng hơ-oei 'bơ̆t anăp Kră Yang păng khan: “Ơ Kră Yang 'Bok Kei-Dei inh âu bu păng hnam dơnŏ inh liơ na Ih mah ba inh truh tơ âu?

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Luka 14:22

Na đam 'nei hơloh yak chă krao đe hloi. Lăp chă krao đe đang boih na sư wih tơ hnam khan kơ tơ'ngla sư 'nei: ‘Ơ 'bok, inh chă krao lu đe noh hei boih, đĭ-đăng lu sư năm boih ră, mă-lei anih oei rơhơi 'mơ̆i.’