Da 9:23 - Sơ̆p Hlabơar Nơ̆r 'Bok Kei-Dei

²³ Đơ̆ng kơplah ih pơtơm 'nao krao apinh; păng inh truh tơ âu inh wă tơbăt kơ ih tơdrong noh; yua kơ ih bơngai mă 'Bok Kei-Dei 'mêm mơnat dêh. Thoi ei tơchĕng bĕ kơ tơdrong noh păng athei băt hlôh kơ tơdrong tơ'bôh.

Da 9:23 Referans Kwoze

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Mathiơ 24:15

“Ning-mônh iĕm gô 'bôh lu bơngai kơnê̆ wă pơrăm kon bơngai gô truh, lu sư oei tơ anih đe kơ̆m kơ oei. Đaniel bơngai pơtruh nơ̆r 'Bok Kei-Dei sơ̆ sư kư̆m roi tơdrong noh mơ̆n. Na bu đŏk lăng hla bơar âu đon sư athei pơwao kơdih.

Luka 1:28

Linh jang 'lơ̆ng ei truh tơ Mari khan hloi thoi âu: “Kơkuh kơ ih, duch. 'Bok Kei-Dei wă yua ih păng Sư lăp đon kơ ih boih.”

Hơri Hiôk 7:10

Inh jing tơmam kơ pơyô inh, Tôm tơdrong sư hơpơi wă lăm inh ngăl.

Êsêkiên 26:12

Khŭl lu linh gô blah tơgar iŏk mŭk tơmam ih, iŏk đĭ dôm tơmam ih đei, pơrăm đĭ dur pơlei; lu sư gô pơrăm anih hnam 'lơ̆ng ih păng klơ̆m lê̆ lu tơmo, 'long păng teh ih tơ lăm đak dơsĭ.

Êsêkiên 24:16

“Ơ kon bơngai, âu, Inh wă jê̆ iŏk lê̆ tơdrong chơt hiôk đơ̆ng măt ih; mă-lei ih 'nĕ kơ ơh sơ'ngon; 'nĕ pă nhơ̆m păng 'nĕ kơ lĕch đak măt.

Da 6:3

Na Đaniel pơm yŏng tih hloh 'biơ̆ kơ bre 'bar 'nu noh păng kư̆m tih hloh kơ lu yŏng pơgơ̆r tơring, yua kơ sư đei tơdrong gơh hơgei; na pơtao pôk ăn kơ sư pơm tih hloh kơ đĭ-đăng lăm char sư.

II Pot 19:20

Êsai kon drŏ-nglo Amôt wơh bơngai năm khan kơ Hesekia, khan: Kră Yang 'Bok Kei-Dei lu bơngai Isơrael khan: Inh kơtơ̆ng bơih nơ̆r ih krao khan gah tơdrong Senacherip, pơtao đe Asiri.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Êsêkiên 14:14

Dah mă đei pêng 'nu drŏ-nglo âu: Nôê, Đaniel, hăm Jop oei lăm char ei, lei lăp lu sư đĕch gơh klaih oei arih, yua kơ tơdrong tơpăt lu sư kơdih. Kră Yang Tih Hloh khan thoi noh.

Da 10:1

Lăm sơnăm mă pêng lăm chăl Sirus pơm pơtao dêh char Pherơsơ; đei minh tơdrong tơ'bôh ăn kơ Đaniel đe krao sư Beltơsatsar. Tơdrong tơ'bôh noh sĭt tơpă wă khan tơdrong tơblah tih. Đaniel hlôh kơ tơdrong noh păng băt kơ tơdrong tơ'bôh noh wă khan kiơ.