Da 8:27 - Sơ̆p Hlabơar Nơ̆r 'Bok Kei-Dei

²⁷ Đơ̆ng noh, inh, Đaniel lap dêh na jĭ jăn lăm akâu jing bơlŏ lăm dôm năr hloi; đơ̆ng noh inh iung bơ̆jang kơ pơtao. Inh 'bôh thoi noh hlĭch tơpă gah tơdrong mă đei tơ'bôh kơ inh noh, mă-lei ưh kơ đei bu băt tơdrong noh wă khan kiơ.

Da 8:27 Referans Kwoze

Da 7:28

dĭng dâu nơ̆r roi tơdrong tơ'bôh âu đĭ, gah inh Đaniel, tơdrong inh tơchĕng hơwơ̆l hơwang dêh. Muh măt inh jing dreng hơ'blă, mă-lei inh răk lăm đon inh dôm tơdrong noh.

Habakuk 3:16

Inh kơtơ̆ng nơ̆r 'nâu, na akâu jăn inh tơtơ̆, Kơtơ̆ng nơ̆r Sư hơkŭng inh pơpơ̆; Kơting inh thoi bŭk răm, Tơdrong bŭk ôm mơ̆t lăm kơting inh; Păng jơhngơ̆m inh hli tơrơ tơtơ̆ tăr wăr. Yua kơ inh athei ngăn hreh gô năr pơmat truh, Noh jơ̆ năr mă lu đe năm blah teh đak lu nhôn.

Da 10:16

'Nâu, đei minh 'nu hơbŏ sư thoi tơdăm kon bơngai năm pel 'bơ̆r inh. Na 'bơ̆r inh ha pơma hăm yang mă dơ̆ng 'bơ̆t anăp inh thoi âu: Ơ yŏng inh, tơdrong truh dơ̆ng kơ inh yua kơ tơdrong tơ'bôh âu, na inh ưh pă đei jơhngơ̆m boih.

Da 10:8

Thoi noh oei pă minh 'nu inh păng inh 'bôh tơdrong tơ'bôh tih noh na inh pă đei jơhngơ̆m hloi. Muh măt inh jing hơ'blă păng jing ưh kơ đei jơhngơ̆m dơ̆ng.

Da 8:7

Inh 'bôh sư năm truh jê̆ tơ triu tơno noh, hil hơnganh na tơ̆m hloi triu noh, na hơke triu noh tơgơ̆ hloi 'bar pah; triu tơno noh ưh kơ kĕ kơ pơjăng, bơbe bram noh tơ̆m hơtơ̆k hloi triu tơno noh pơ̆k hloi tơ teh, bơbe bram noh hao pơjuă hloi păng ưh kơ bu kĕ pơ̆n kĕ dŏng pơklaih triu noh đơ̆ng tơdrong pran kơtang sư.

Da 8:2

Thoi âu, lăm tơdrong đei 'bôh tơ'bôh kơ inh noh; inh 'bôh akâu inh oei lăm hnam pơtao Susơ, tơring Êlam; păng inh oei cheng glung Ulai.

Da 5:14

Inh đei kơtơ̆ng đe roi khan ih đei Yang Bơhngol 'Lơ̆ng lu Yang oei lăm ih păng đe đei 'bôh tơ lăm ih đei hơdah, gơh hơgei, hlôh wao păng gơh băt phara kơ đe.

I Sam 3:15

Samuel tep dĭng truh hơdah, đơ̆ng noh sư pơih 'măng hnam akŭm Kră Yang. Sư hli na ưh kơ pơ̆n roi dôm tơdrong tơ'bôh kơ sư noh kơ Hêli.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 8:17

Sư năm jê̆ inh oei dơ̆ng, kơplah sư truh tơ inh, inh hli păng lăng krưp, na inh pơ̆k kơmŭ brum tơ teh. Bơngai noh khan thoi âu: Ơ kon bơngai, ih athei hlôh bĕ; yua kơ tơdrong tơ'bôh noh sư trŏ kơ năr tôch kơnh.