Da 7:27 - Sơ̆p Hlabơar Nơ̆r 'Bok Kei-Dei

²⁷ Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Da 7:27 Referans Kwoze

Horiso 72:11

Đĭ-đăng pơtao gô drap kơkuh 'bơ̆t anăp sư; Rim teh đak gô bơ̆jang kơ sư.

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Luka 1:33

Sư gô pơgơ̆r adrĕch adrung kon sâu Jakôp ling-lang ưh kơ đei layơ tôch.”

Da 7:14

Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Da 7:18

Mă-lei lu 'bok 'lơ̆ng rơgoh đơ̆ng Kră Yang 'Bok Kei-Dei Tih hloh gô iŏk dêh char pơtao sư, dêh char noh oei oei ling-lang ưh pă đei tôch.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Horiso 145:13

Dêh char Ih oei oei ling-lang tơdrong Ih pơgơ̆r dĭng truh tơ ning-mônh khŏm khŏm. Kră Yang pơsĭt dôm nơ̆r Sư pơkă. Ih 'mêm kơ đĭ dôm tơmam đêl Ih pơjing.

Horiso 86:9

Đĭ-đăng lu teh đak mă Ih pơjing, gô năm kơkuh 'bơ̆t anăp Ih, ơ Kră Yang Păng hơri ư-ang kơ anăn Ih.

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”

Da 7:22

dĭng truh tơ 'Bok arih đơ̆ng sơ̆ jur ăn tơdrong sek tơlang kơ lu 'Bok 'lơ̆ng rơgoh Kră Yang Tih Hloh păng jơ 'năr truh kơplah lu 'Bok 'lơ̆ng rơgoh iŏk dêh char pơtao.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Sa 14:9

Kră Yang gô pơm Pơtao jơ̆p kơ teh đak; lăm năr noh, Kră Yang gô jing minh đĕch.

Êsai 54:3

Yua kơ iĕm gô rai lơ năm tơ gah 'ma păng gah 'ngiĕo; adrĕch adrung iĕm gô đei iŏk lu teh đak, păng gô oei tơ lu pơlei mă đĭ lê̆ bri juơ boih.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.

Yo 12:34

Lu bơngai tơpôl lơ ei khan kơ Yêsu: “Nhôn đŏk lăng lăm sơ̆p hla bơar 'Bok Kei-Dei khan: 'Bok Krist arih ling-lang ưh kơ layơ lôch. Na Ih khan đe gô atol pơlôch Kon Bơngai tơ 'long pơglang. Kon Bơngai ei bu? Ưh kơ sĭ 'Bok Krist hă?”

Ob 1:21

Gô đei lu bơngai mă đei dŏng pơklaih tŏk tơ kơpal kông Siôn wă wei-lăng kông Êsâu; na teh đak noh gô jing gah Kră Yang.

Da 4:34

Dĭng truh tôch kơ năr đêl pơkă, inh âu, Nebukatnessar inh ngoi muh măt tơ plĕnh, tơdrong hơgei đei dơ̆ng tơ inh păng inh pơư pơang anăn Kră Yang 'Bok Kei-Dei Tih hloh. Inh gô pơư pơang anăn Kră Yang 'Bok Kei-Dei mă arih ling-lang, dêh char Sư oei đei đơ̆ng chăl âu truh tơ chăl nai.

Tơdrông Tơ'bôh 20:4

Đơ̆ng noh inh 'bôh lơ tang-dŏ, rŏ kơ tang-dŏ 'bok pơtao. 'Bok Kei-Dei ăn kơ lu bơngai oei tơ tang-dŏ ei tă lu bơngai gơh sek tơlang kơ đe. Păng inh 'bôh bơhngol lu bơngai mă đe chơ̆ng ako sư yua kơ sư ră roi tơdrong Yêsu păng bơtho tơdrong 'Bok Kei-Dei, lu sư ưh kơ chu kơkuh kơ rup sem păng akâu sem mă kơnê̆ ei păng ưh kơ ăn sem ei chơ̆m đŏng yâu tơ klĕng lu sư dah tơ ti lu sư. Lu sư gô iung arih đơ̆ng lôch pơgơ̆r hơdai hăm 'Bok Krist kơplah lăm minh-rơbâu sơnăm.

I Kor 15:24

'Bơ̆t 'noh boih năr tôch, na dôm lu bơngai juăt kơ pơgơ̆r păng dôm lu yang nai mă hơdai wang 'maih pơgơ̆r, năr 'noh kơnh lu sư gô thuơ kơ Yêsu Krist đĭ na Yêsu gô pơjao ăn kơ 'Bă Sư pơgơ̆r đĭ-đăng tôm tơdrong.

Tơdrông Tơ'bôh 11:1

Klaih kơ noh đe kư̆m ăn kơ inh minh jăl 'long thưk thoi 'long jra. Sư khan kơ inh thoi âu: “Inh wă kơ ih năm pơtŏ hnam 'Bok Kei-Dei tơm păng pơtŏ chơnang soi, klaih kơ noh ih jô̆ lăng đei dôm hrĕng 'nu lu bơngai mă oei krao khan lăm noh.

Êsai 14:2

Lu kon pơlei teh đak tơmoi gô năm ba lu đe Isơrael brŏk tơ dêh lu sư kơdih; adrĕch Isơrael gô iŏk lu sư, pơm đam drŏ-nglo drŏ-kăn lăm teh đak Kră Yang. Lu sư gô rôp lu bơngai đêl rôp lu sư pơm bơnă, păng pơgơ̆r lu bơngai mă đêl pơgŏ pơđep lu sư.

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.