Da 7:20 - Sơ̆p Hlabơar Nơ̆r 'Bok Kei-Dei

²⁰ Inh kư̆m wă kơ băt sĭt gah mơjĭt tŏ hơke tơ kơ̆l sư păng đei pêng tŏ hơke mă tơgloh noh dơ̆ng. Hơke 'nâu đei măt lơ păng đei 'bơ̆r gơh pơma lu nơ̆r pơrŏ pơang păng hơbŏ rup sư pran kơtang hloh kơ lu hơke nai.

Da 7:20 Referans Kwoze

Da 7:23

Thoi ei na sư khan kơ inh: Sem brem mă puăn Sư gô pơjing dêh char mă puăn tơ kơpal teh, dêh char sư phara kơ Dêh char nai, yua kơ sư gô luăn pơđĭ teh đak, pơjuă păng pơrăm đĭ.

Da 7:8

Kơplah inh lăng lu hơke noh păng 'nâu đei minh pôm hơke plơ̆ng dơ̆ng chăt tŏk-bŏk lu hơke mă đêl chăt adrol hei păng đei pêng tŏ lu hơke chăt adrol tơgloh hloi 'bơ̆t anăp sư. Hơke noh đei măt thoi măt kon bơngai păng đei 'bơ̆r pơma dôm lu nơ̆r kơnê̆, pơrŏ pơang.

Da 7:11

Dang ei inh lăng dơ̆ng yua kơ tơdrong pơrŏ pơang na mă lĕch nơ̆r pơma đơ̆ng hơke noh. Thoi noh inh lăng dĭng truh tơ sem brem noh đe pơlôch, akâu sư đe pơrăm đĭ păng klơ̆m ăn kơ ŭnh sa.

Tơdrông Tơ'bôh 12:3

Na tơ plĕnh đei tơdrong nai dơ̆ng mơ̆n kư̆m hlĭch bơ̆n ưh kơ biơh 'bôh. Đei minh pôm yă-grai 'brê tih krưp dêh. Sư đei tơpơh tŏ kơ̆l, mơjĭt tŏ ake păng yơ̆l tơpơh tŏ môk pơtao tơ kơ̆l sư.

Da 7:7

Đơ̆ng rŏng inh lăng dơ̆ng mă tơdrong tơ'bôh kơ inh tơ kơmăng noh, 'nâu đei sem brem mă puăn, krưp dêh, kơtang tơpă păng đei jơhngơ̆m pran dêh tơpă. Sem brem noh đei grĕng bơsei tih tih; sư kơkă hĕch đĭ, luăn sa păng sư pơjuă lê̆ đĭ lu tơmam sa hăm jơ̆ng, sư pha kơ lu kon sem brem truh adrol noh păng đei mơjĭt tŏ hơke.

Da 7:19

Dang ei Inh wă tơbăt gah kon sem brem mă puăn, sem brem mă phara kơ kon sem brem nai, lăng krưp dêh hơnĕnh sư bơsei, kơchôp sư kong, sư kơkă pơhĕch păng luăn sa đĭ păng dôm tơmam kiơ kiơ mă oei oei sư pơjuă hăm jơ̆ng sư.

Da 7:21

Kơplah noh inh oei lăng hơke tơblah hăm lu 'Bok 'lơ̆ng rơgoh jei sư,