Da 7:14 - Sơ̆p Hlabơar Nơ̆r 'Bok Kei-Dei

¹⁴ Sư đei tơdrong mơsêh, gơh kĕ, ư-ang păng đĭ dêh char, đĭ adrĕch kon bơngai, đĭ nơ̆r pơma awih awăn kơ Sư. Tơdrong pran kơtang, mơsêh mơyang tơdrong oei oei pơgơ̆r ling-lang ưh kơ tôch păng dêh char Sư đe pă đei pơrăm boih.

Da 7:14 Referans Kwoze

Tơdrông Tơ'bôh 11:15

Truh tơ linh jang 'lơ̆ng mă tơpơh hlôm keng, đei nơ̆r pơma re tơ plĕnh khan: “Dang ei tôm kơ adrĕch adrung kon bơngai ala teh Kră Yang bơ̆n pơgơ̆r ngăl boih. Sư kư̆m ăn kơ 'Bok Krist pơgơ̆r đĭ kơ adrĕch adrung kon bơngai mơ̆n, Sư pơgơ̆r ling-lang ưh kơ layơ tôch.”

Da 7:27

Đơ̆ng noh tơdrong gơh kĕ pơgơ̆r dêh char pơtao, kơkuh pơyom jao ăn teh đak oei ala plĕnh, gô jao ăn kơ 'Bok 'lơ̆ng rơgoh Tih hloh. Dêh char pơtao Sư jing dêh char pơtao ling-lang, lu bơngai pơgơ̆r, bơ̆jang kơ Sư păng chu yom kiơ̆ nơ̆r Sư,

Yo 3:35

'Bă Sư 'Bok Kei-Dei lăp đon kơ Kon Sư tơpă, na pơchĕp ăn kơ Sư gơh pơm tôm tơdrong.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Hêbrơ 12:28

Thoi noh na bĕ bơ̆n bơnê kơ Sư, yua kơ Sư wă ăn kơ bơ̆n oei tơ minh pôm teh đak mă ưh kơ gơh pơchah răm. Bơ̆n athei kơkuh kơ Sư kiơ̆ thoi Sư lăp đon. Bơ̆n athei băt hli chu kơ Sư mă tơpă, hli kơ bơ̆n pơm ưh kơ trŏ thoi Sư lăp đon,

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Mathiơ 28:18

Yêsu năm jê̆ lu sư păng khan: “'Bă Inh ăn kơ Inh gơh pơgơ̆r đĭ-đăng plĕnh hăm teh.

Mathiơ 11:27

“'Bă Inh jao ăn kơ Inh tôm tĕch tơdrong. Minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na tơdrong tơbăt ăn kơ iĕm 'Bă Inh, Sư gô mơ̆ng kơ Inh wă.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Luka 1:33

Sư gô pơgơ̆r adrĕch adrung kon sâu Jakôp ling-lang ưh kơ đei layơ tôch.”

Mi 4:7

Đơ̆ng noh Inh gô ăn lu bơngai jo jăn jing kon pơlei mă oei oei păng lu bơngai mă đe pă lăng gô jing minh dêh char pran kơtang, Kră Yang gô pơgơ̆r lu sư tơ kông Siôn đơ̆ng dang ei truh tơ ning-mônh.

Ob 1:21

Gô đei lu bơngai mă đei dŏng pơklaih tŏk tơ kơpal kông Siôn wă wei-lăng kông Êsâu; na teh đak noh gô jing gah Kră Yang.

Da 3:4

'Bơ̆t ei na đei minh 'nu bơngai bơ̆jang pơih pơma, pơma 'bơ̆r re roi tơbăt khan: Đĭ kon pơlei đĭ dêh char, đĭ nơ̆r pơma 'nâu nơ̆r pơkă athei iĕm.

Da 2:35

Đang kơ noh lu maih, hu, kong bơsei păng lơ̆n kư̆m pơchah đĭ, jing thoi hla đuih hla đăm, thoi hơnong 'ba đông tơ anih pơjuă 'ba bơyan phang, tơ'bơ̆p kial dơhlu pơđông đĭ, chă lăng sư pă đei 'bôh dơ̆ng, mă-lei tơmo đêl hơtat kơ tơpang jơ̆ng noh jing minh pôm kông tih păng 'bĕnh tơ jơ̆p teh đak.

Êsai 60:12

kon pơlei păng teh đak ayơ ưh kơ chu yom kơ ih, lei gô pơlôch pơrăm, lu teh đak kon pơlei noh gô pơrăm pơchah pơchek đĭ.

Horiso 146:10

Kră Yang gô pơgơ̆r ling-lang; Ơ Siôn, Kră Yang 'Bok Kei-Dei Ih pơgơ̆r hlŏng hloi đĭ jơhnơr. Halêluya!

Horiso 145:13

Dêh char Ih oei oei ling-lang tơdrong Ih pơgơ̆r dĭng truh tơ ning-mônh khŏm khŏm. Kră Yang pơsĭt dôm nơ̆r Sư pơkă. Ih 'mêm kơ đĭ dôm tơmam đêl Ih pơjing.

Horiso 45:6

Ơ Kră Yang 'Bok Kei-Dei, tang-dŏ pơtao Ih oei oei ling-lang. 'Long jra pơgơ̆r dêh char pơtao Ih, jing 'long jra pơgơ̆r tơpăt.

Horiso 8:6

Ih jao ăn kơ kon bơngai pơgơ̆r wei-lăng dôm tơmam đơ̆ng tơpang ti Ih pơjing, ăn kơ lu kon sem, tơmam chu đep tơ ala jơ̆ng kon bơngai.

Yo 12:34

Lu bơngai tơpôl lơ ei khan kơ Yêsu: “Nhôn đŏk lăng lăm sơ̆p hla bơar 'Bok Kei-Dei khan: 'Bok Krist arih ling-lang ưh kơ layơ lôch. Na Ih khan đe gô atol pơlôch Kon Bơngai tơ 'long pơglang. Kon Bơngai ei bu? Ưh kơ sĭ 'Bok Krist hă?”

Luka 10:22

“'Bă Inh jao ăn kơ Inh tôm tĕch tơdrong, minh 'nu 'Bă Inh đĕch băt kơ Inh păng minh 'nu Inh đĕch băt kơ Sư. Na dôm lu bơngai mă Inh tơbăt ăn kơ lu sư, băt kơ 'Bă.”

Da 7:18

Mă-lei lu 'bok 'lơ̆ng rơgoh đơ̆ng Kră Yang 'Bok Kei-Dei Tih hloh gô iŏk dêh char pơtao sư, dêh char noh oei oei ling-lang ưh pă đei tôch.

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.

Da 4:3

Ô! Dôm tơdrong mơsêh Sư tơdrong hlĭch chrơp Sư tih dêh tơpă, dêh char Sư jơ̆ dêh char oei oei ling-lang, tơdrong Sư pơgơ̆r oei oei rim jơhnơr.

Horiso 102:22

Kơplah lu kon pơlei, lu dêh char pơtao akŭm băl wă kơkuh kơ Kră Yang.

Horiso 72:17

Anăn sư gô oei đei ling-lang. Măt 'năr sư oei đei dang yơ, anăn sư gô oei dang noh; Kon pơlei đei pŭn hiôk đơ̆ng sư! Lu kon pơlei gô sơkat kơ sư đei pŭn hiôk.

Horiso 72:11

Đĭ-đăng pơtao gô drap kơkuh 'bơ̆t anăp sư; Rim teh đak gô bơ̆jang kơ sư.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

Tơdrông Tơ'bôh 1:6

Sư pơjao bơ̆n kơ 'Bok Kei-Dei wă wei-lăng bơ̆n păng pơgơ̆r bơ̆n, na lu bơ̆n jing bơngai jang kơ 'Bă Sư 'Bok Kei-Dei thoi lu 'bok soi. Thoi noh na bĕ bơ̆n ư-ang Yêsu Krist yua kơ Sư gô pơgơ̆r ling-lang ưh kơ đei layơ tôch. A-men.

Êsai 16:5

Na gô đei pơtao pơgơ̆r hăm tơdrong 'mêm mơnat, đơ̆ng adrĕch Đawit gô đei minh 'nu 'bok tŏk pơgơ̆r tơpăt, sư gô sek tơlang, chă tơdrong tơpăt hơnơ̆ng păng pơm hloi tơdrong 'lơ̆ng tơpăt.

Da 2:37

Ơ pơtao, pơtao kơ lu pơtao, yua kơ Kră Yang 'Bok Kei-Dei kơpal plĕnh đei ăn boih teh đak, gơh kĕ pran kơtang păng tơdrong ư-ang kơ pơtao.

Horiso 103:19

Kră Yang pơjing boih anih pơtao Sư tơ plĕnh. Dêh char Sư pơgơ̆r kơ đĭ-đăng tôm tơmam.

Êsai 9:6

Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!