Da 7:1 - Sơ̆p Hlabơar Nơ̆r 'Bok Kei-Dei

¹ Sơnăm blŭng-a chăl pơtao Belsatsar pơgơ̆r, teh đak Babilôn, Đaniel apo 'bôh păng đei 'bôh lăm tơdrong tơchĕng kơplah sư oei 'bĭch kơpal giơng sư. Na sư chih hloi dôm tơdrong apo noh păng roi tơblang lu tơdrong noh.

Da 7:1 Referans Kwoze

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Jôel 2:28

Năr ei kơnh Inh gô tuh ăn Yang Bơhngol 'Lơ̆ng Inh kơ đĭ-đăng kon bơngai. Lu kon drŏ-nglo kon drŏ-kăn gô pơma khan lê̆ adrol; dôm lu kră iĕm gô hơpo 'bôh, păng dôm lu kon hơ'lơ̆p iĕm gô 'bôh tơdrong tơ'bôh đơ̆ng Kră Yang.

Da 5:1

Pơtao Belsatsar đei hơmet et sa tih sư krao wơ̆n đĭ minh-rơbâu 'nu kuan tih păng pơtao huch tơdrô 'bơ̆t anăp lu sư.

Da 4:5

Inh đei apo 'bôh pơm kơ inh hli tơtăm; dôm tơdrong inh tơchĕng 'bơ̆t inh oei kơpal giơng păng dôm kơ̆l 'ngok inh 'bôh pơm kơ inh hơwơ̆l hơwang.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Je 23:28

Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?

Tơdrông Tơ'bôh 1:19

Thoi noh na dang ei Inh wă kơ ih chih dôm tơdrong mă ih 'bôh dang ei, dôm tơdrong chăl arih dang ei păng dôm tơdrong mă Inh gô tơ'bôh kơ chăl arih ning-mônh.

Habakuk 2:2

Kră Yang tơl păng khan kơ inh thoi âu: “Ih athei chih dôm tơdrong ih đei 'bôh păng chih mă nhen rơđah tơ gơ'bang, wă kơ lu bơngai oei kơdâu gơh đŏk.

Da 7:15

Gah inh Đaniel, jơhngơ̆m inh ơh sơ'ngon lăm akâu inh păng dôm tơdrong inh đei 'bôh pơm kơ inh hơwơ̆l hơwang.

Da 7:13

Inh kư̆m lăng dôm tơdrong inh đei apo 'bôh kơmăng noh. 'Nâu, inh 'bôh dơ̆ng minh 'nu Yang thoi kon bơngai jur hăm hơmơ̆l đơ̆ng plĕnh; Sư truh tơ 'Bok Arih đơ̆ng sơ̆ păng đe ba sư 'bơ̆t anăp 'Bok Arih đơ̆ng sơ̆.

Da 2:1

Lăm sơnăm mă 'bar lăm chăl pơtao Nebukatnessar, pơtao đei apo 'bôh, na lăm jơhngơ̆m ưh kơsŭk dĭng mah pă đei tep.

Jo 12:6

Kră Yang khan kơ bre sư thoi âu: Mơ̆ng mă nhen bĕ nơ̆r Inh. Tơdah lăm lu iĕm đei bơngai bu pơma khan lê̆ adrol, Inh boih Kră Yang gô tơ'bôh kơ sư lăm tơdrong sư 'bôh, păng pơma kơ sư lăm tơdrong sư apo.

Bl 46:2

Lăm măng ei đei kơtơ̆ng Kră Yang 'Bok Kei-Dei khan kơ sư thoi âu: Jakôp, Jakôp! Isơrael tơl: Đei inh tơ âu.

Tơdrông Tơ'bôh 10:4

Inh kơtơ̆ng grơ̆m glaih tơdrăng jơwa re tơpơh 'măng thoi noh inh wă chih iŏk hloi ră, mă-lei đei nơ̆r đơ̆ng plĕnh kuă ăn inh chih iŏk, Sư khan kơ inh thoi âu: “Ih 'nĕ kơ chih iŏk tơdrong grơ̆m glaih jơwa noh, ih ôn đĕch 'nĕ roi kơ đe.”

II Kor 12:1

Inh dang wă roi pơang kơ iĕm dơ̆ng, tơdrong ưh kơ yua ră, mă-lei inh dang wă roi pơang kơ iĕm tơdrong Kră Yang tơ'bôh kơ minh 'nu bơngai.

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

Da 8:1

Sơnăm mă pêng lăm chăl pơtao Belsatsar, đei tơdrong tơ'bôh kơ inh, Đaniel, đơ̆ng rŏng kơ inh đei tơdrong tơ'bôh ki.

Da 7:7

Đơ̆ng rŏng inh lăng dơ̆ng mă tơdrong tơ'bôh kơ inh tơ kơmăng noh, 'nâu đei sem brem mă puăn, krưp dêh, kơtang tơpă păng đei jơhngơ̆m pran dêh tơpă. Sem brem noh đei grĕng bơsei tih tih; sư kơkă hĕch đĭ, luăn sa păng sư pơjuă lê̆ đĭ lu tơmam sa hăm jơ̆ng, sư pha kơ lu kon sem brem truh adrol noh păng đei mơjĭt tŏ hơke.

Da 5:30

Lăm măng noh hloi pơtao Belsatsar bơngai Kalđê đe pơlôch.

Da 5:22

Ơ Pơtao Belsatsar, kon pơtao Nebukatnessar ih kư̆m lei-lăi, mă ih băt boih dôm tơdrong noh ră, jơhngơ̆m ih kư̆m ưh kơ đei chu iŏk tŏ sĕt.

Êsêkiên 1:1

Lăm sơnăm pêng-jĭt, năr pơđăm khei puăn, kơplah inh oei hơdai hăm lu bơnă tơ krong Kêbar, lu plĕnh tơpơih păng inh lăng đei tơdrong tơ'bôh đơ̆ng Kră Yang 'Bok Kei-Dei.

Je 36:4

Jêrêmi krao Baruk kon drŏ-nglo Nêria, Baruk chih tơ lăm sơnôm hla bơar kiơ̆ thoi Jêrêmi roi ăn kơ sư đĭ-đăng dôm nơ̆r Kră Yang khan.

Je 27:7

Đĭ-đăng bơngai lăm dêh char gô chu yom kơ sư, kơ kon, kơ sâu sư dĭng truh kơ năr lu dêh char păng lu pơtao tih mơng gô rôp sư pơm đĭch.’ ”

Êsai 30:8

Năm bĕ dang ei chih ăn kơ lu sư nơ̆r âu tơ gơ'bang, chih tơmơ̆t nơ̆r noh tơ lăm sơnôm hla bơar, wă roi tơbăt kơ chăl đơ̆ng rŏng ling-lang hlŏng hloi.

Êsai 8:1

Kră Yang khan kơ inh: “Iŏk bĕ minh hlak gơ'bang să păng chih tơ noh hăm chư hmă kon bơngai gơh băt: Maher-Salal-Hasbas.

Jop 4:13

Oei tep tơchĕng kơ tơdrong apo 'bôh kơmăng, kơplah tŏk-bŏk măng đĭ-đăng bơngai oei tep hlơ̆k

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Je 36:32

Jêrêmi iŏk minh sơnôm hla bơar plơ̆ng dơ̆ng ăn kơ Baruk bơngai chih hla bơar kon drŏ-nglo Nêria; Jêrêmi roi ăn dơ̆ng dôm nơ̆r thoi lăm sơnôm hla bơar mă Jêhôiakim, pơtao đe Juđa soh boih. Sư kư̆m roi thim nơ̆r plơ̆ng dơ̆ng. Kŭm lei-lăi thoi noh.

Êsêkiên 40:2

Lăm tơdrong tơ'bôh đơ̆ng Kră Yang 'Bok Kei-Dei, Sư chông ba inh năm tơ char Isơrael păng dan inh 'bơ̆t kông kơjung, kơpal kông. Gah gơal kông noh 'bôh đei minh pôm pơlei.

Da 2:26

Pơtao khan kơ Đaniel, mă đe juăt kơ krao sư Beltơsatsar thoi âu: Hăm trŏ ưh ih gơh tơblang ăn kơ inh apo 'bôh noh, wă tơblang thoi yơ?

Da 4:13

Inh lăng lu tơdrong lăm kơ̆l 'ngok inh 'bôh, kơplah inh oei 'bĭch kơpal giơng păng âu, inh đei 'bôh minh 'nu yang 'lơ̆ng rơgoh wei-lăng tơnơm 'long noh sư jur đơ̆ng plĕnh.