Da 6:19 - Sơ̆p Hlabơar Nơ̆r 'Bok Kei-Dei

¹⁹ Na, pơtao drôih iung đơ̆ng hrôih, sư hăt hot kơdâu năm tơ sơlŭng dăm-brang.

Da 6:19 Referans Kwoze

I Tes 3:5

Yua kơ iĕm đei tơdrong đe areh kơ iĕm tơpă, na inh pă kĕ ĕnh, na wơh Timôthê năm tơ iĕm ki, wă kơ sư jet iĕm, wă kơ băt iĕm oei lui kơjăp kơ Kră Yang Yêsu dah ưh. Inh hli dêh kơ yang Satan pơhlŭ iĕm achăng lê̆ tơdrong lui bơ̆n. Yua kơ đêl nhôn mah bơtho gleh tơpă tă ưh kơ yua kiơ, inh 'mêm dêh.

II Kor 2:13

Jơhngơ̆m inh ưh kơ hiôk ôh chang lăng 'nhŏng Tĭt đơ̆ng năm ba kơthơ tơ iĕm ki ưh kơ jah brŏk tơ inh. Inh pă kĕ gô sư boih 'maih dah kơtơ̆ng tơdrong iĕm thoi yơ, na inh achăng lê̆ 'nhŏng oh bơngai lui Pơlei Trôs năm hơloh hloi tơ dêh Masêđôn.

Markôs 16:2

Lăp 'năr lĕch til pơgê hrôih, năr mă mônh lăm giĕng, lu sư năm tơ bơsat.

Mathiơ 28:1

Đơ̆ng rŏng kơ năr pơdơh Sa'bat boih, lăp 'brưch hơdah til pơgê hrôih năr mônh, na Mari đơ̆ng Pơlei Mađơla hăm Mari nai bre sư năm lăng bơsat Yêsu.

Da 6:18

Đơ̆ng rŏng kơ noh, pơtao wih brŏk tơ hnam pơtao sư, ưh kơ sŏng sa, kư̆m ưh kơ đei iŏk lu brŏ reh 'bơ̆t anăp sư păng pơtao ưh kơ gơh tep.

Da 6:20

Pơtao năm 'nao wă jê̆ sơlŭng dăm-brang, sư krao Đaniel hăm nơ̆r sơ'ngon pơtao pơma hăm Đaniel thoi âu: Ơ Đaniel, đĭch đam Kră Yang 'Bok Kei-Dei mă arih ling-lang! Kră Yang 'Bok Kei-Dei ih, mă ih oei bơ̆jang Sư hăm pơklaih ih đơ̆ng 'bơ̆r dăm-brang ưh?