Da 6:14 - Sơ̆p Hlabơar Nơ̆r 'Bok Kei-Dei

¹⁴ Kơplah pơtao kơtơ̆ng lu nơ̆r noh, thoi noh sư sơ'ngon dêh; pơtao wă 'maih pơklaih Đaniel ră păng gô dĭng 'năr mơ̆t, adrin đĭ jơhngơ̆m chă trong wă pơklaih Đaniel.

Da 6:14 Referans Kwoze

Markôs 6:26

Lăp pơtao Hêrôt kơtơ̆ng thoi noh sư sơ'ngon dêh. Mă-lei đêl nơ̆r sư pơkă hơdrol mah hiap akâu sư kơdih 'bơ̆t anăp lu bơngai et sa, sư ưh pă gơh lê̆ yua kơ sư pơkă kơ adruh ei boih.

Da 3:13

Thoi noh pơtao Nebukatnessar 'brik blĕk hil, athei đe chông Sadrak, Mêsak, Abetnigo năm tơ sư, na đe năm ba lu đe ei truh 'bơ̆t anăp pơtao.

I Ho 12:35

Kon sâu Đan, đei 'bar-jĭt tơhngam-rơbâu tơdrâu-hrĕng 'nu bơngai đei đon gơh hơgei kơ tơblah.

Esther 3:8

Haman khan kơ pơtao Asêrus thoi âu: Đei minh adrĕch adrung kơnê̆ dêh oei tơrak 'brak lăm lu kon pơlei ih tơ jơ̆p-jang tơring ih pơgơ̆r, tơdrong juăt lu sư phara hloh kơ lu adrĕch nai, na lu sư kư̆m ưh wă kiơ̆ tơdrong juăt ih tơtă, lê̆ lu sư arih kư̆m ưh kơ đei yua kiơ kơ ih.

Da 1:6

Lăm lu buăl noh đei Đaniel, Hanania, Mêsael păng Asaria adrĕch adrung bơngai Juđa.

Da 3:12

Na tơ âu đei lu bơngai Juđa mă 'bok pơtao đei pôk ăn kơ lu sư pơm tih pơgơ̆r tơring Babilôn, noh jơ̆ Sadrak, Mêsak, Abetnigo; ơ pơtao lu đe noh ưh kơ hli yom kơ ih tŏ sĕt hloi. Lu sư ưh kơ wă kơkuh kơ yang ih ôh, lu sư kư̆m ưh kơ wă kơkuh kơ rup man hăm maih mă đơ̆ng ih man noh mơ̆n.