Da 5:22 - Sơ̆p Hlabơar Nơ̆r 'Bok Kei-Dei

²² Ơ Pơtao Belsatsar, kon pơtao Nebukatnessar ih kư̆m lei-lăi, mă ih băt boih dôm tơdrong noh ră, jơhngơ̆m ih kư̆m ưh kơ đei chu iŏk tŏ sĕt.

Da 5:22 Referans Kwoze

II Ho 33:23

Mă-lei sư ưh kơ đei tơbral tơjur akâu kơdih 'bơ̆t anăp Kră Yang thoi Manase, 'bă sư, rai pơm kơnê̆ hloh.

Le 10:3

Môis păng Arôn năm hloi tơ Pharaôn păng khan kơ sư: Kră Yang 'Bok Kei-Dei kon pơlei Hêbrơ, đei khan thoi âu: Ih ưh kơ chu drap kơkuh 'bơ̆t anăp Inh dĭng truh dang yơ? Achăng bĕ lê̆ kon pơlei Inh năm, wă kơ lu sư năm kơkuh kơ Inh.

Ya 4:17

Dang ei iĕm băt boih, na bơngai bu băt boih kơ tơdrong 'lơ̆ng tơdrong trŏ mă sư ưh kơ wă kiơ̆, bơngai noh yoch tơpă.

II Ho 36:12

Sư pơm tơdrong kơnê̆ dêh 'bơ̆t anăp Kră Yang 'Bok Kei-Dei sư, ưh kơ wă tơjur akâu 'bơ̆t anăp Jêrêmi 'bok khan lê̆ adrol nơ̆r đơ̆ng Kră Yang

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”

Yo 13:17

Na dang ei iĕm băt boih tơdrong 'noh, yua kơ Inh bơtho. Dah iĕm răk tơdrong 'noh lei iĕm gô hiôk chơt tơduă iĕm tơpă.

Luka 12:47

“Dôm lu đĭch đam mă băt kơ nơ̆r yŏng sư ată ră, mă-lei sư ưh kơ kơchăng păng ưh kơ pơm kiơ̆, na yŏng sư gô tôn teh sư kơtang tơpă.

Mathiơ 21:32

Yôhan, sư bơngai bơtho tơdrong 'lơ̆ng tơpăt, sư bơtho truh tơ iĕm tơ âu boih wă kơ iĕm pơm đon 'lơ̆ng tơpăt păng 'Bok Kei-Dei ră, mă-lei iĕm ưh kơ wă chu lui kơ nơ̆r sư bơtho. Lu bơngai iŏk jên thuê̆ păng lu drŏ-kăn pơm đi wih lui hơdrol kơ iĕm dơ̆ng. Iĕm 'bôh lu sư đĭ lui boih lĕ mă-lei iĕm ưh tam chu tơbral 'mơ̆i.”

Mathiơ 14:4

Na Yôhan khan kơ Hêrôt: “Ih tơgar iŏk akăn oh ih ưh kơ trŏ ôh.”

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Êsai 26:10

Lu bơngai kơnê̆ pơm mă đơ̆ng Kră Yang mơnat ăn ră, kư̆m ưh kơ wă hŏk iŏk tơdrong 'lơ̆ng tơpăt, lu sư oei pơm tơdrong kơnê̆ lăm teh đak 'lơ̆ng tơpăt, păng ưh kơ 'bôh ôh tơdrong 'lơ̆ng rŏ tih-tin Kră Yang.

Horiso 119:46

Inh gô ră roi tơdrong Ih tơtă 'bơ̆t anăp lu pơtao. Ưh kơ đei mơlâu.

Êsai 13:11

Inh gô phak teh đak âu yua kơ tơdrong kơnê̆ lu sư, phak lu bơngai pơm kơnê̆ yua kơ tơdrong yoch lu sư, Inh gô pơtôch lê̆ lu bơngai pơang, tơjur lê̆ tơ ala tơdrong pơang kơdih akâu lu bơngai pơm chư̆ kơnê̆.

Êsai 14:13

Mă ih tơchĕng lăm to khan: “Inh gô tŏk tơ kơpal plĕnh, inh gô hơtŏk tang-dŏ pơtao inh tơ kơpal hloh kơ lu hơnglŏng Kră Yang 'Bok Kei-Dei, inh gô tŏk hơ-oei kơpal tang-dŏ pơtao tơ kơpal kông anih lu yang akŭm, tôch tơ gah yă-nơ̆m.