Da 5:20 - Sơ̆p Hlabơar Nơ̆r 'Bok Kei-Dei

²⁰ Mă-lei yua kơ jơhngơ̆m sư pơang kơdih akâu, arăng kơ̆l na jing pơang, na sư hiong boih tang-dŏ pơtao păng đe ưh pă ư-ang kơ sư.

Da 5:20 Referans Kwoze

Hêbrơ 3:13

Kơplah ahrei brei drâu oei tam mơ̆n, na rim năr iĕm athei pơlung dih băl, wă kơ đĭ-đăng kơ iĕm huay kơ lui kơ đe pơhlŭ pơlung iĕm pơm yoch jing arăng kơ̆l.

Je 13:18

Khan bĕ kơ pơtao păng mĕ pơtao: “Jur bĕ đơ̆ng tang-dŏ pơtao hơ-oei tơ teh, yua kơ môk pơtao ư-ang huŏng đơ̆ng kơ̆l boih.

II Ho 36:13

Sư kư̆m iung blah pơtao Nebukatnessar, bơngai mă athei sư pơkă yua anăn Kră Yang 'Bok Kei-Dei. Sư jing kơchu arăng kơ̆l, ưh kơ wă wih tơ Kră Yang 'Bok Kei-Dei Isơrael.

II Pot 17:14

Mă-lei lu sư arăng kơ̆l ưh kơ wă mơ̆ng, lei-lăi thoi lu yă 'bok lu sư ưh kơ đei đon lui kơ Kră Yang 'Bok Kei-Dei lu sư.

Le 9:17

Tơdah ih oei pơang wă pơgăn, ưh kơ ăn kon pơlei inh năm,

Tơdrông Pơđơk 16:18

Pơang năm adrol, hor ba tơdrong răm; Pơang pơrŏ năm adrol, pơ̆k huŏng đơ̆ng rŏng.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

Je 19:15

“Kră Yang Tih Hloh, 'Bok Kei-Dei lu bơngai Isơrael khan: ‘'Nâu, Inh gô ăn tơdrong răm truh kơ pơlei 'nâu hăm lu pơlei jum dăr thoi Inh khan lê̆, yua kơ lu sư arăng kơ̆l, kuă kơ mơ̆ng nơ̆r Inh.”

Tơdrông Pơđơk 16:5

Bu đei jơhngơ̆m pơang Kră Yang areh; Sĭt tơpă wă phak lu sư ưh kơ jor.

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Êsêkiên 30:6

Kră Yang khan thoi âu: “Lu bơngai mă tơgŭm Êyiptơ gô pơ̆k; jơhngơ̆m pran kơtang mă lu sư ư-ang gô huŏng. Lu sư gô pơ̆k huŏng yua kơ đao tơ noh, iŏk đơ̆ng Mikdôl truh tơ Aswan, Kră Yang khan thoi noh.

Je 48:18

Ơ kon pơlei Dibôn; Jur bĕ đơ̆ng anih ư-ang ih, na hơ-oei tơ teh hrĕng kro. Bơngai pơrăm char Môap gô truh wă pơrăm ih, pơrăm kơđông kơjăp ih.

Êsai 47:1

Ơ kon adruh hơlai Babilôn, jur hơ-oei tơ 'mui teh bĕ! Ơ kon adruh bơngai Kalđê, jur hơ-oei tơ teh bĕ iĕm ưh kơ đei tang-dŏ pơtao bơih! Đơ̆ng dang ei đe ưh pă krao lu iĕm bơngai 'lơ̆ng hơbŏ rŏ liĕm dơ̆ng bơih.

I Sam 6:6

Liơ mă lu iĕm oei arăng kơ̆l thoi lu bơngai Êyiptơ păng Pharaôn pơm. Iĕm hăm 'blŏk ưh Kră Yang phak pơmat lu sư thoi yơ, na mah ăn kơ kon pơlei năm.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Êsêkiên 31:10

Na Kră Yang khan thoi âu: Yua kơ sư tih kơjung, kơnhŏng kơjung truh tơ hơmơ̆l hăm lu dơng tơ'bla hla trưp trap, lei na jơhngơ̆m sư pơang kơ akâu sư tih kơjung,

Da 8:8

Bơbe bram pơm kơ akâu sư rai tih; mă-lei lăp sư pran dêh boih, hơke sư mă tih noh tơgơ̆ păng tơ đêl anih hơke tơgơ̆ noh chăt dơ̆ng puăn tŏ hơke plơ̆ng, puăn tŏ hơke noh chăt pơdơ̆ng tơklă tơ puăn trong kial tơ plĕnh.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Le 9:7

Na Pharaôn wơh bơngai năm lăng, 'bôh ưh kơ đei minh pôm sem dơrong, lu bơngai Isơrael lôch ôh. Mă-lei Pharaôn oei arăng kơ̆l, ưh kơ chu ăn kon pơlei năm.

II Ho 32:25

Mă-lei Hesekia ưh kơ đei bơnê kơ Kră Yang mă đei ăn kơ sư boih yua kơ jơhngơ̆m sư pơang dêh; lei na Kră Yang hil mĭl hloi kơ sư hăm kon pơlei Juđa păng kon pơlei Jêrusalem.

Da 4:26

Bê̆ tơdrong đei khan boih 'măn lê̆ tơm hăm rơh 'long 'noh, wă khan dang yơ ih băt kơ Kră Yang 'Bok Kei-Dei Tih hloh pơgơ̆r teh đak kon bơngai kơplah noh tơdrong pơgơ̆r gô tơwih kơ ih.

Da 4:28

Đĭ-đăng tơdrong noh tă truh kơ pơtao Nebukatnessar ngăl.