Da 5:19 - Sơ̆p Hlabơar Nơ̆r 'Bok Kei-Dei

¹⁹ Yua kơ Kră Yang 'Bok Kei-Dei đei ăn boih kơ sư đei pơgơ̆r tih, na đĭ-đăng kon pơlei pơla jơ̆p kơ dêh char, đĭ khŭl bơngai rim kơ adrĕch tă kơ hli yom ngăl 'bơ̆t anăp sư păng hli yom kơ sư, sư pơlôch bu pơlôch, sư wă kơ bu arih, lê̆ arih. Wă pôk bu kơjung, dah tơjur bu kơđeh mơ̆ng kơ sư wă.

Da 5:19 Referans Kwoze

Da 3:6

Lu đe bu mă ưh kơ drap kơkuh, đe gô klơ̆m lê̆ sư tơ lăm ŭnh kơdơ̆r to.

Da 3:4

'Bơ̆t ei na đei minh 'nu bơngai bơ̆jang pơih pơma, pơma 'bơ̆r re roi tơbăt khan: Đĭ kon pơlei đĭ dêh char, đĭ nơ̆r pơma 'nâu nơ̆r pơkă athei iĕm.

Rom 13:1

Đĭ-đăng kơ bơ̆n athei chu yom kơ bơngai mă pơgơ̆r bơ̆n. Tơ̆ng 'Bok Kei-Dei ưh kơ ăn, ưh kơ đei bu gơh pơgơ̆r. Đĭ-đăng lu bơngai pơgơ̆r đơ̆ng 'Bok Kei-Dei ăn ngăl.

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

Habakuk 2:5

Lu bơngai mă hơmui tơdrô, pơm tơdrong hơlĕnh păng ưh kơsŭk oei minh anih, pơih jơhngơ̆m ham sư thoi anih bơsat, thoi tơdrong lôch mă ưh kơ đei phĭ hrăp; sư pơpôi lu dêh char păng pơgơ̆p khŭl kon pơlei sư wă plah tơgar iŏk.”

Da 4:22

Ơ pơtao, noh jơ̆ ih boih, ih pran kơtang tơdrong ih pơgơ̆r rai kơjung truh tơ plĕnh, tơdrong kĕ ih gom tơ jơ̆p lăm teh đak.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Tơdrông Pơđơk 16:14

Tơdrong pơtao hil thoi bơngai năm roi tơbăt kơ tơdrong lôch. Mă-lei đei bơngai hơgei pơm kơ tơdrong hil ngach 'bônh.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.

II Pot 25:28

Pơtao đe Babilôn pơma hăm Jêhôiakin nơ̆r rơngơp hiôk, gơh găt, păng pôk atŏk ăn tang-dŏ sư kơjung hloh sư lu pơtao nai mă oei phak hơdai hăm sư tơ Babilôn.

Êsêkiên 31:11

Inh pơjao sư lăm tơpang ti bơngai yŏng pran kơtang lăm dêh char nai wă kơ bơngai noh pơm kơ sư trŏ thoi tơdrong kơnê̆ sư pơm. Inh achăng lê̆ sư boih.

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 11:3

Mă-lei gô đei minh 'nu pơtao kơtang hloh iung blah păng kĕ pơgơ̆r tih păng pơm kiơ̆ hloi kơ sư wă.

Da 11:16

Mă-lei lu linh mă năm blah lu sư pơm kiơ̆ mơ̆ng kơ lu sư wă păng ưh kơ đei bu kĕ blah lu sư dơ̆ng, sư gô oei hloi lăm teh đak noh ling-lang, pơgơ̆r tơdrong chă pơrăm đe.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Bôk Bơthô 8:3

'Nĕ kơ hăt kơdŭn weh đơ̆ng anăp pơtao. 'Nĕ kơ pơgơ̆p hăm tơdrong kơnê̆, yua kơ pơm kiơ̆ kơ tơdrong thoi sư wă.

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Da 11:12

Lu linh gah yă-nơ̆m noh tơklah tơklang đĭ, na lăm jơhngơ̆m pơtao gah gơal pơang, Sư khan sư gô pơlôch pơrăm lơ rơbâu hơngan bơngai, mă-lei ưh kơ kĕ jei sư ôh.