Da 5:14 - Sơ̆p Hlabơar Nơ̆r 'Bok Kei-Dei

¹⁴ Inh đei kơtơ̆ng đe roi khan ih đei Yang Bơhngol 'Lơ̆ng lu Yang oei lăm ih păng đe đei 'bôh tơ lăm ih đei hơdah, gơh hơgei, hlôh wao păng gơh băt phara kơ đe.

Da 5:14 Referans Kwoze

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Da 4:8

Đơ̆ng rŏng, đei Đaniel, đe anăn sư Beltơsatsar kiơ̆ kơ anăn yang inh, sư đei mơsêh đơ̆ng lu yang nai, thoi noh năm dơ̆ng 'bơ̆t anăp inh. Inh roi dôm tơdrong inh apo 'bôh noh thoi âu:

Da 5:13

Thoi noh đe năm ba Đaniel 'bơ̆t anăp pơtao. Đơ̆ng noh, pơtao khan kơ Đaniel thoi âu: Ih hăm trŏ kơ Đaniel ưh, minh 'nu lăm lu bơngai Juđa mă 'bă inh chông ba đơ̆ng dêh Juđa mă pơm đĭch.

Da 5:15

Dang ei lu bơngai gơh tơwir, lu pơjâu đe năm ba truh tơ âu 'bơ̆t anăp inh boih ră wă kơ lu sư đŏk chư noh păng wă kơ tơblang ăn kơ inh; mă-lei lu sư ưh kơ gơh tơblang.

Da 6:3

Na Đaniel pơm yŏng tih hloh 'biơ̆ kơ bre 'bar 'nu noh păng kư̆m tih hloh kơ lu yŏng pơgơ̆r tơring, yua kơ sư đei tơdrong gơh hơgei; na pơtao pôk ăn kơ sư pơm tih hloh kơ đĭ-đăng lăm char sư.

Bl 41:15

Pharaôn khan kơ Jôsep thoi âu: Inh đei tep apo 'bôh mă-lei ưh kơ đei bu gơh tơblang; thoi noh, inh đei kơtơ̆ng đơ̆ng đe khan, đe đei apo 'bôh na roi kơ ih, ih đei tơblang ăn trŏ 'blep.