Da 5:10 - Sơ̆p Hlabơar Nơ̆r 'Bok Kei-Dei

¹⁰ Yă pơtao, yua kơ kơtơ̆ng nơ̆r pơtao păng lu kuan tih đei pơma, na sư mơ̆t hloi tơ anih sŏng sa, sư khan thoi âu: Ơ pơtao, hơpơi kơ ih arih ling-lang! Apinh pơtao 'nĕ pă tơchĕng tơtăm, muh măt ih 'nĕ pă hơ'nhôi thoi noh!

Da 5:10 Referans Kwoze

Da 3:9

Thoi noh lu đe ei ôr năm roi kơ pơtao Nebukatnessar thoi âu: Ơ pơtao, hơpơi kơ ih đei arih ling-lang!

Da 6:6

Bre kơiĕng pơtao păng yŏng pơgơ̆r tơring lu sư năm khan păng apinh 'Bok pơtao thoi âu: Ơ pơtao Đarius, hơpơi kơ ih arih ling-lang!

Da 2:4

Mă-lei lu bơngai Kalđê pơma hăm pơtao hăm nơ̆r Aram thoi âu: Kơkuh kơ ih pơtao hơpơi ăn kơ ih arih sot! Apinh ih roi bĕ tơdrong apo noh kơ lu đĭch đam ih păng lu nhôn gô tơblang.

Da 6:21

Na Đaniel khan kơ pơtao: Ơ pơtao hơpơi kơ ih arih ling-lang!

Jop 21:34

Na, liơ lu iĕm tơchĕng oei gơh pơlung inh mă ưh kơ yua thoi noh? Dôm nơ̆r pơma lu iĕm tă kơ hơlĕnh ngăl.

Jop 13:4

Bĕ iĕm, lu iĕm pik bah hăm nơ̆r hơlĕnh. Đĭ-đăng tă kơ 'bok thây pơgang ưh kơ lĕch kiơ.

I Pot 1:31

Yă Batsêba kŭp kơ̆l drap tơ teh kơkuh kơ pơtao Đawit păng khan: “Hơpơi yŏng inh pơtao Đawit arih sot!”

Da 5:6

Na muh măt pơtao păng đon tơchĕng sư tơplih pơm kơ sư hơwơ̆l hơwang; lu kơting rŏng sư pă tơklep păng 'bar pah kŭl-tăng sư pơpơ̆ hơtŭt băl.