Da 4:32 - Sơ̆p Hlabơar Nơ̆r 'Bok Kei-Dei

³² Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Da 4:32 Referans Kwoze

Da 5:21

Tơweh lê̆ sư đơ̆ng anih kon bơngai, jơhngơ̆m đon sư thoi sem brem păng sư kư̆m oei thoi aseh bri. Sư arih sa 'nhĕt thoi rơmo păng akâu sư đak ngom kôp, tŭk đơ̆ng plĕnh jur gom sư, dĭng truh tơ sư băt 'blŏk kơ Kră Yang 'Bok Kei-Dei Tih hloh, pơgơ̆r dêh char kon bơngai păng Sư pôk bu pơm yŏng mơ̆ng kơ Sư.

Je 27:5

Inh boih Tơ'ngla pơjing kơ teh, kon bơngai păng lu kon sem brem kơpal teh đơ̆ng tơdrong mơsêh mơyang păng đơ̆ng ti pran kơtang Inh. Inh ăn teh âu kơ bu mơ̆ng kơ Inh lăp.

Jôsuê 4:24

Kră Yang pơm thoi noh wă kơ đĭ-đăng adrĕch adrung lăm ala teh, băt kơ Kră Yang mơsêh pran kơtang, wă kơ rim 'nu lu iĕm chu kiơ̆ Kră Yang 'Bok Kei-Dei lu iĕm ling-lang.

Le 9:29

Môis tơl khan kơ sư: Lăp mưh inh lĕch hlôi tơ 'nguaih kơ pơlei, inh gô yơ̆r ti tơ Kră Yang; grơ̆m glaih gô pơdơh, 'mi prĕl gô pă đei dơ̆ng, wă kơ ih băt kơ plĕnh teh đơ̆ng Kră Yang.

Le 8:10

Pơtao tơl khan: Năr dơning, Môis khan: Lei ăn kơ nơ̆r ih pơma noh jing thoi noh, wă kơ ih băt ưh kơ đei bơngai bu thoi Kră Yang 'Bok Kei-Dei lu nhôn.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Le 9:14

'Bơ̆t jơ 'nâu, Inh gô tuh tơdrong pơmat jĭ lăm jơhngơ̆m ih đĭch đam ih; păng kon pơlei ih, wă kơ ih băt, jơ̆p kơ teh đak ưh kơ đei bu thoi Inh.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

II Ho 33:13

Manase krao apinh Kră Yang, Sư tơl tơwih nơ̆r Manase apinh păng mơ̆ng nơ̆r sư krao na chông tơbrŏk tơ Jêrusalem pơdrâu ăn dêh char sư kơdih; kơplah noh hloi Manase băt kơ Kră Yang 'Bok Kei-Dei sư.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Da 4:31

Nơ̆r pơma tam mă tôch, na đei hloi nơ̆r đơ̆ng plĕnh ti khan thoi âu: Ơ pơtao Nebukatnessar, đei tơbăt kơ ih boih: Anih pơtao pă đei tơ ih boih.

Jop 9:12

Tơdah Sư tơgar pleh đơ̆ng bu, bu pơ̆n khă Sư? Bu pơ̆n khan kơ Sư, “Ih pơm kiơ thoi noh?”

Jop 42:2

Inh băt kơ Kră Yang gơh pơm tôm tơdrong, Ưh kơ đei bu gơh găn Ih tơdrong Ih wă pơm.

Horiso 115:3

Kră Yang 'Bok Kei-Dei lu bơ̆n tơ kơpal plĕnh ti, Sư pơm tơdrong kiơ mơ̆ng kơ Sư wă.

Horiso 135:6

Kră Yang pơm đĭ-đăng, tơdrong kiơ Sư lăp đon. Mă tơ plĕnh ti dah tơ teh âu, lăm đak dơsĭ, dah tơ lăm anih jrŭ sŭng.

Êsai 40:15

Tơpă đĭ-đăng kon bơngai nhen thoi minh tơdjoh đak lăm kơthao păng lăng nhen thoi 'bruih iĕ huŏng kơpal 'long kŏng, Sư gô chĕp đĭ bŏl lăm đak dơsĭ nhen thoi minh găr 'bruih iĕ.

Êsai 40:17

Đĭ-đăng dêh char 'bơ̆t anăp Kră Yang dang lĕ hoh-hoy, Sư lăng lu noh dang lĕ tam mă đei, păng ưh kơ đei kiơ.