Da 4:25 - Sơ̆p Hlabơar Nơ̆r 'Bok Kei-Dei

²⁵ Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Da 4:25 Referans Kwoze

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Je 27:5

Inh boih Tơ'ngla pơjing kơ teh, kon bơngai păng lu kon sem brem kơpal teh đơ̆ng tơdrong mơsêh mơyang păng đơ̆ng ti pran kơtang Inh. Inh ăn teh âu kơ bu mơ̆ng kơ Inh lăp.

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Horiso 106:20

Lu sư tơplih Kră Yang Ư-Ang lu sư jing thoi rup rơmo sa 'nhĕt.

Horiso 75:7

Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.

Horiso 103:19

Kră Yang pơjing boih anih pơtao Sư tơ plĕnh. Dêh char Sư pơgơ̆r kơ đĭ-đăng tôm tơmam.

Da 2:37

Ơ pơtao, pơtao kơ lu pơtao, yua kơ Kră Yang 'Bok Kei-Dei kơpal plĕnh đei ăn boih teh đak, gơh kĕ pran kơtang păng tơdrong ư-ang kơ pơtao.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 4:2

Tơdrong hiôk inh na inh wă roi tơbăt ăn kơ lu iĕm, dôm tơdra hlĭch păng tơdrong chrơp mă Kră Yang 'Bok Kei-Dei Tih hloh đei pơm ăn kơ inh.

Da 4:16

Tơplih lê̆ bĕ jơhngơ̆m đon sư, gô ăn kơ sư jơhngơ̆m kon sem brem; păng dĭng truh tơpơh sơnăm.