Da 4:17 - Sơ̆p Hlabơar Nơ̆r 'Bok Kei-Dei

¹⁷ Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 4:17 Referans Kwoze

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

I Sam 2:8

Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

I Kor 1:28

păng 'Bok Kei-Dei rơih iŏk boih lu bơngai mă pă jing jat pă-tat tơdrong wă pơthuơ lu bơngai pơm tih pơm yŏng.

Da 11:21

Đei dơ̆ng minh 'nu bơngai trŏ kơ đe areh yua kơ sư ưh kơ trŏ kơ đe wă pôk sư pơm pơtao, mă-lei sư gô năm kơplah đei tơdrong hiôk-hian, yua nơ̆r pơma hơlĕnh pơdăr na tơgar iŏk dêh char noh.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Êsêkiên 25:17

Inh gô phak pơrăm hăm tơdrong hil mĭl tih, mưh Inh pơm mong blah lu sư, na lu sư gô băt Inh boih Kră Yang.”

Êsêkiên 7:24

Inh gô anhăk ba lu bơngai đơ̆ng dêh tơmoi pơm kơnê̆ tih hloh năm blah iŏk hnam lu sư; Inh gô pơrăm lê̆ tơdrong pơang lu bơngai kră păng pơm kơ anih rơgoh lu sư jing 'mê̆-'mach.

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

I Pot 21:25

Tơpă, ưh kơ đei bơngai bu thoi Ahap tĕch akâu sư pơm tơdrong yoch kơnê̆ 'bơ̆t anăp Kră Yang, kiơ̆ kơ Jêsebel akăn sư pơhlŭ.

Tơdrông Tơ'bôh 4:8

Rim kơ puăn anăn noh đei tơdrâu hlak pơnăr păng đei klong măt rŏng anăp jơ̆p-jang kơ akâu. Lu sư hơri ư-ang 'Bok Kei-Dei măng năr pă pơdơh 'bơ̆r. Tơdrong lu sư hơri ei thoi âu: “Ô 'lơ̆ng tơpă, ô kăl tơpă 'Bok Kei-Dei Kră Yang Tih Hloh. Pôm Ih đĕch 'lơ̆ng tơpăt. Ih đei đơ̆ng sơ̆ khơ̆ dang ei păng Ih gô jur ning-mônh.”

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

Êsai 6:8

Păng inh kơtơ̆ng nơ̆r Kră Yang khan: “Inh gô wơh bu năm? Bu gô năm kơ lu bơ̆n?” Inh tơl: “Đei inh tơ âu, apinh ih wơh inh năm.”

Horiso 12:8

Na lu bơngai kơnê̆ gô năm tơ jơ̆p puăn pah dêh. Dah tơdrong kơnê̆ gô pơyom hloh kơ lăm kon bơngai.

II Ho 28:22

Lăm kơplah đei tơdrong truh pơmat-tat, Ahas rai pơm yoch hăm Kră Yang

Rom 13:1

Đĭ-đăng kơ bơ̆n athei chu yom kơ bơngai mă pơgơ̆r bơ̆n. Tơ̆ng 'Bok Kei-Dei ưh kơ ăn, ưh kơ đei bu gơh pơgơ̆r. Đĭ-đăng lu bơngai pơgơ̆r đơ̆ng 'Bok Kei-Dei ăn ngăl.

Horiso 103:19

Kră Yang pơjing boih anih pơtao Sư tơ plĕnh. Dêh char Sư pơgơ̆r kơ đĭ-đăng tôm tơmam.

Da 4:2

Tơdrong hiôk inh na inh wă roi tơbăt ăn kơ lu iĕm, dôm tơdra hlĭch păng tơdrong chrơp mă Kră Yang 'Bok Kei-Dei Tih hloh đei pơm ăn kơ inh.

Da 7:25

Pơtao noh sư gô blah pơma kơnê̆ kơ Kră Yang 'Bok Kei-Dei Tih hloh, pơm kơ lu bơngai 'lơ̆ng rơgoh Kră Yang Tih Hloh rơdu rơmơ̆n păng sư pơkă wă tơplih khôi juăt, tơplih tơdrong pơgơ̆r, kơplah noh đe gô pơjao lu bơngai 'lơ̆ng rơgoh lăm ti sư minh sơnăm, 'bar sơnăm, minh puăt sơnăm.