Da 3:29 - Sơ̆p Hlabơar Nơ̆r 'Bok Kei-Dei

²⁹ Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Da 3:29 Referans Kwoze

Da 2:5

Pơtao tơl lu bơngai noh thoi âu: Tơdrong noh lĕch hlôi đơ̆ng inh boih. Tơdah lu iĕm ưh kơ roi kơ inh băt tơdrong apo noh thoi yơ păng tơblang liơ, lei lu iĕm gô lôch sơ̆k akâu, hnam lu iĕm đe kư̆m gô pơrăm đĭ truh tơ hơnă.

Horiso 76:10

Tơpă tơdrong kon bơngai hil kư̆m jing hơri bơnê kơ Ih, Lu bơngai mă oei đei arih noh. Gô năm pơm giĕng ư-ang kơ Kră Yang.

Both 32:31

Tơmo tih lu sư ưh kơ dang thoi Tơmo Tih lu bơ̆n, lu bơngai ayăt kư̆m băt thoi noh mơ̆n.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?

Horiso 3:8

Tơdrong dŏng pơklaih đơ̆ng Kră Yang, Apinh Ih ăn tơdrong pŭn hiôk tih kơ kon pơlei pơla Ih. Sêla

Esơra 6:11

Inh đei nơ̆r tơtă thoi âu: Tơdah đe bu pơjah hăm nơ̆r inh đei chih tơjur âu, na athei hor iŏk minh pôm 'long hơpok đơ̆ng hnam bơngai noh păng chô̆ hơtol sư tơ noh, yua kơ tơdrong yoch noh, pơm kơ hnam sư jing anih đe tuh 'bruih 'brăm.

II Pot 10:27

Teh pơchah lê̆ rup man yang Baal, hăm yuih lê̆ hnam sư, pơm kơ anih noh jing anih chă bơyơ̆ng 'bâu ôm, truh tơ dang ei,

Da 1:7

Bơngai yŏng pơgơ̆r linh krĕo krao ming anăn lu sư; Đaniel sư krao Beltơsatsar, Hanania sư krao Sadrak; Mêsael sư krao Mêsak; păng Asaria krao sư Abetnigo.

Da 1:19

Pơtao pơma dơnuh păng lu sư păng lăm đĭ-đăng lu sư, đe bu gơh hơgei dang Đaniel, Hanania, Mêsael păng Asaria; Na lu sư gơh dơ̆ng bơ̆jang 'bơ̆t anăp pơtao.

Da 2:17

Đơ̆ng noh, Đaniel brŏk tơ hnam păng roi dôm tơdrong noh kơ buăl sư Hanania, Misael păng Asaria.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 2:49

Đaniel apinh pơtao, thoi noh pơtao kư̆m ăn kơ Sadrak, Mêsak păng Abetnigo jang pơm tih lăm char Babilôn, mă-lei Đaniel oei jang kơtă lăm hnam pơtao.

Da 3:12

Na tơ âu đei lu bơngai Juđa mă 'bok pơtao đei pôk ăn kơ lu sư pơm tih pơgơ̆r tơring Babilôn, noh jơ̆ Sadrak, Mêsak, Abetnigo; ơ pơtao lu đe noh ưh kơ hli yom kơ ih tŏ sĕt hloi. Lu sư ưh kơ wă kơkuh kơ yang ih ôh, lu sư kư̆m ưh kơ wă kơkuh kơ rup man hăm maih mă đơ̆ng ih man noh mơ̆n.

Da 6:28

Đaniel đei tơdrong pŭn hiôk đĭ chăl arih sư kơplah oei pơtao Đarius păng pơtao Sirus bơngai Pherơsơ pơm pơtao.