Da 3:25 - Sơ̆p Hlabơar Nơ̆r 'Bok Kei-Dei

²⁵ Pơtao khan dơ̆ng: 'Nâu inh 'bôh đei puăn 'nu bơngai ưh kơ đei chô̆, yak năm lăm ŭnh, mă-lei ŭnh ưh kơ sa; păng bơngai mă puăn noh hơbŏ thoi minh 'nu kon tơdăm yang.

Da 3:25 Referans Kwoze

Êsai 43:2

Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.

Jang 28:5

Na Pôl tơtreh 'bih ei tơ ŭnh. Mă-lei Pôl huay kơ jĭ ôh.

Markôs 16:18

dah sư rôp 'bơm 'bih mă 'bih choh sư păng dah sư sa et 'bơm tơmam bơnhŭl, lu sư ưh kơ đei jĭ ôh; păng sư gô pel akâu đe jĭ jăn, na akâu đe gô klaih.”

Jop 1:6

Lăm minh năr ei lu linh jang năm akŭm 'bơ̆t anăp Kră Yang păng Satanb kư̆m năm hăm lu sư mơ̆n.

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

I Pet 3:13

Dah bơ̆n pơm 'lơ̆ng ling-lang, ưh kơ đei bu pơm kơnê̆ kơ bơ̆n ôh.

Da 3:18

Mă ưh, ơ pơtao, apinh ih athei băt lu nhôn ưh kơ wă kơkuh dah bơ̆jang kơ yang ih păng kư̆m ưh kơkuh ôh kơ rup yang mă ih 'nao man hăm maih noh.

Jop 38:7

Kơplah sơnglŏng wŏng-tar hơri hơdai. Păng lu kon drŏ-nglo Kră Yang 'Bok Kei-Dei ôr jreo chơt hiôk.

Rom 1:4

Yang Bơhngol 'Lơ̆ng tơbăt ăn kơ bơ̆n Yêsu Yang, Kon 'Bok Kei-Dei. Sư tơbăt ăn kơ bơ̆n tơdrong Yêsu Kon 'Bok Kei-Dei, Sư tơ'bôh kơ bơ̆n 'bôh Sư mơsêh mơyang gơh iung arih đơ̆ng lôch. 'Noh bơ̆n băt kơ Yêsu Sư Yang tơpă.

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Tơdrông Pơđơk 30:4

Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Je 1:8

“'Nĕ hli kơ lu sư ôh, yua kơ Inh oei hơdai ih wă dŏng pơklaih ih.” Kră Yang khan.

Je 1:19

Lu sư gô tơblah hăm ih; mă-lei lu sư ưh kơ kĕ kơ ih ôh, yua kơ Inh oei hơdai ih, dŏng pơklaih ih, Kră Yang khan.a

Je 15:21

Inh gô dui iŏk ih đơ̆ng ti lu bơngai pơm kơnê̆, păng gô pơklaih ih rơngei đơ̆ng ti lu bơngai wă pơrăm ih

Da 3:24

Dang ei, pơtao Nebukatnessar 'bôh hlĭch tơpă, na iung hăt hot, pơma kơ yŏng wang pơđâu thoi âu: Dôm lu bơngai mă inh đei athei đe chô̆ păng klơ̆m tơ lăm ŭnh kơdơ̆r hăm trŏ kơ pêng 'nu đĕch? Lu sư tơl pơtao khan: Ơ pơtao trŏ boih.

Da 6:23

Na, pơtao chhôk dêh păng athei đe hơtŏk Đaniel đơ̆ng lăm sơlŭng. Thoi ei na đe hơtŏk Đaniel tơ kông păng đĭ-đăng lu đe lăng Đaniel ưh kơ đei rơka kiơ tơ akâu sư; yua kơ sư gơnang kơ Kră Yang 'Bok Kei-Dei sư.

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.