Da 3:17 - Sơ̆p Hlabơar Nơ̆r 'Bok Kei-Dei

¹⁷ 'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Da 3:17 Referans Kwoze

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Luka 1:37

'Bok Kei-Dei gơh pơm tôm tơdrong.”

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Je 1:8

“'Nĕ hli kơ lu sư ôh, yua kơ Inh oei hơdai ih wă dŏng pơklaih ih.” Kră Yang khan.

Jang 21:13

Na Pôl khan: “Kơlih kơ kiơ iĕm nhơ̆m hmoi păng lung inh tŭk tơdrong jang inh? Mă lu sư tah inh lăm hnam phak, mă lu sư pơlôch inh, kư̆m bưh, akâu inh kơdih wă pơrơ̆ng năm yua kơ inh jang tơdrong Kră Yang Yêsu Krist.”

Jop 5:19

Ih đei tơ'bơ̆p tơdrong pơmat-tat tơdrâu tơpơh 'măng, Sư oei dŏng pơklaih ih.

Êsai 12:2

Ih bơih Kră Yang 'Bok Kei-Dei dŏng pơklaih inh, Inh gô gơnang kơ Ih păng ưh kơ hli tơrơ ôh. Kră Yang boih tơdrong inh hơri bơnê, Sư bơih dŏng pơklaih inh.”

Horiso 115:3

Kră Yang 'Bok Kei-Dei lu bơ̆n tơ kơpal plĕnh ti, Sư pơm tơdrong kiơ mơ̆ng kơ Sư wă.

Jang 20:24

Mă đe pơlôch inh kư̆m bưh, kư̆ mă inh gơh jang mă keh tơdrong Kră Yang Yêsu pơjao ăn kơ inh sơ̆. Tơdrong jang noh wă khan bơtho tơdrong 'lơ̆ng 'Bok Kei-Dei mơnat kơ bơ̆n, ăn kơ lu bơ̆n klaih đơ̆ng tơdrong yoch, đơ̆ng ti yang kơnê̆.

Da 6:27

Sư boih mă dŏng pơklaih păng yaih achăng, pơm lơ tơdrong hlĭch păng chrơp tơ kơpal plĕnh ala teh dŏng pơklaih boih Đaniel đơ̆ng tơdrong pran kơtang dăm-brang.

Da 4:35

Đĭ-đăng lu kon pơlei jing nhen hoh-hoy, Kră Yang 'Bok Kei-Dei pơm kơ lu khei sơnglŏng tơ plĕnh ti mơ̆ng kơ Sư wă păng pơm kơ kon pơlei oei kơpal teh, ưh kơ đei bu gơh găn ti Sư păng apinh thoi âu: Kră Yang 'Bok Kei-Dei pơm kiơ thoi noh?

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;

I Sam 17:37

Đawit khan dơ̆ng: Kră Yang pơklaih boih inh đơ̆ng dăm-brang păng đơ̆ng chơgơu, Sư kư̆m gô pơklaih inh mơ̆n đơ̆ng ti bơngai Philistin to noh, Sôl drơ̆ng: Năm bĕ, hơpơi Kră Yang oei hơdai hăm ih!

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Êsai 54:14

Tơdrong 'lơ̆ng tơpăt hơnơ̆ng gô pơm kơ ih kơjăp Tơdrong đe pơjuă pơđep gô weh ataih đơ̆ng ih yua kơ ưh kơ đei hli tơdrong kiơ ôh. Ih gô klaih đơ̆ng tơdrong hli tơrơ, yua kơ tơdrong noh ưh kơ đei layơ truh jê̆ ih.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Horiso 73:20

Ơ Kră Yang nhen thoi apo wă hơđơ̆r 'biao, wă Ih iung Ih hiơt kơ lu sư thoi noh mơ̆n

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

Horiso 37:40

Kră Yang tơgŭm pơklaih lu sư; Sư pơklaih lu sư dơ̆ng lu bơngai kơnê̆ păng tơgŭm dŏng lu sư, Yua kơ lu sư kơ'nơp boih lăm Kră Yang.

Je 15:20

Inh gô ăn kơ ih thoi dur pơgăn kon pơlei pơla âu. Dur kơjăp pơm păng kong; lu sư gô tơblah hăm ih, mă-lei ưh kơ kĕ jei lu sư ôh, Yua kơ Inh oei hơdai ih, wă kơ dŏng pơklaih ih, ăn kơ ih rơngei.” Noh Kră Yang khan.

Je 15:21

Inh gô dui iŏk ih đơ̆ng ti lu bơngai pơm kơnê̆, păng gô pơklaih ih rơngei đơ̆ng ti lu bơngai wă pơrăm ih

Da 3:26

Đơ̆ng noh pơtao Nebukatnessar năm nger tơ jê̆ 'măng ŭnh kơdơ̆r noh, krao: Ơ Sadrak, Mêsak, Abetnigo jơ̆ đĭch đam Kră Yang 'Bok Kei-Dei Tih hloh, lĕch păng năm tơ âu bĕ! Sadrak, Mêsak, Abetnigo lĕch đơ̆ng lăm ŭnh noh.

Da 6:16

Thoi noh pơtao athei krao Đaniel păng athei đe klơ̆m sư tơ lăm war dăm-brang. Pơtao khan kơ Đaniel thoi âu: Kră Yang 'Bok Kei-Dei mă ih oei bơ̆jang, gô pơklaih ih.

Da 6:23

Na, pơtao chhôk dêh păng athei đe hơtŏk Đaniel đơ̆ng lăm sơlŭng. Thoi ei na đe hơtŏk Đaniel tơ kông păng đĭ-đăng lu đe lăng Đaniel ưh kơ đei rơka kiơ tơ akâu sư; yua kơ sư gơnang kơ Kră Yang 'Bok Kei-Dei sư.

Mi 7:7

Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.

Horiso 37:39

Tơdrong dŏng tơgŭm lu bơngai tơpăt truh đơ̆ng Kră Yang gô; Sư jing anih kơjăp lăm năr anat anot.