Da 2:47 - Sơ̆p Hlabơar Nơ̆r 'Bok Kei-Dei

⁴⁷ Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Da 2:47 Referans Kwoze

Da 2:28

Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Am 3:7

Kŭm thoi noh Kră Yang ưh kơ đei pơm minh tơdrong kiơ, tơdah sư ưh tam mă tơbăt lê̆ adrol tơdrong hlơp kơ lu đĭch đam sư, lu bơngai khan lê̆ adrol.

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Both 10:17

Yua kơ Kră Yang 'Bok Kei-Dei lu iĕm jơ̆ Kră Yang 'Bok Kei-Dei kơ lu yang păng yŏng kơ đĭ-đăng lu yŏng, wă khan Kră Yang 'Bok Kei-Dei Tih Hloh, mơsêh mơyang păng trŏ kơ hli yom. Sư ưh kơ pơdê bơngai bu, kư̆m ưh kơ đei pơgâm sa bu.

Tơdrông Tơ'bôh 19:16

Đe chih tơ ao tai Sư mă 'bơ̆t jơ̆ng thoi âu: “Sư pơm 'Bok Pơtao, Sư tih hloh kơ đĭ-đăng lu pơtao nai. Sư pơm Yŏng, Sư tih hloh kơ đĭ-đăng lu yŏng nai.”

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

I Tim 6:15

Trŏ năr 'Bok Kei-Dei ăn Kon Sư Yêsu Krist jur tơ ala teh âu ning-mônh. 'Bok Kei-Dei boih hiôk-hian tơpă, pôm Sư boih pơgơ̆r tôm tơdrong. Sư pơm 'Bok Pơtao Sư tih hloh kơ đĭ-đăng lu pơtao nai, Sư pơm Yŏng Sư tih hloh kơ đĭ-đăng lu yŏng nai.

Da 2:37

Ơ pơtao, pơtao kơ lu pơtao, yua kơ Kră Yang 'Bok Kei-Dei kơpal plĕnh đei ăn boih teh đak, gơh kĕ pran kơtang păng tơdrong ư-ang kơ pơtao.

Horiso 136:2

Bơnê bĕ kơ Kră Yang 'Bok Kei-Dei, yang tih hloh kơ lu yang nai. Tơdrong 'mêm Sư oei oei ling-lang.

Horiso 82:1

Kră Yang 'Bok Kei-Dei oei lăm khŭl akŭm tơ plĕnh ti. Sư sek tơlang kơ lu yang.

Horiso 72:11

Đĭ-đăng pơtao gô drap kơkuh 'bơ̆t anăp sư; Rim teh đak gô bơ̆jang kơ sư.

Bl 41:39

Pharaôn pơma păng Jôsep khan: Yua kơ Kră Yang 'Bok Kei-Dei ăn boih kơ ih băt tơdrong âu, na pă đei bu hơgei hlôh wao thoi ih boih.

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 2:19

Thoi noh tơdrong hlơp noh tơ'bôh ăn kơ Đaniel 'bôh kơmăng; Đaniel bơnê kơ Kră Yang 'Bok Kei-Dei kơpal plĕnh.

Jop 12:19

Sư chông ba lu 'bok soi tơ nai, blơ̆ lê̆ lu bơngai pơm 'bok soi pơgơ̆r đunh.

Jôsuê 22:22

Kră Yang 'Bok Kei-Dei oei Tih Hloh, Kră Yang 'Bok Kei-Dei Tih Hloh mơsêh mơyang băt tơdrong noh păng Isơrael gô băt! Tơdah 'nâu minh tơdrong blah păng ưh kơ chu kiơ̆ nơ̆r Kră Yang noh lei dang ei apinh Kră Yang 'nĕ pă ăn lu nhôn arih.

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

I Kor 14:25

Păng dah lu sư băt kơdih bơngai yoch tih dang yơ, lu sư kư̆m sơtơ̆p kŭl-tăng kơkuh hli kơ 'Bok Kei-Dei mơ̆n păng lu sư kư̆m băt kơ iĕm bơngai 'Bok Kei-Dei tơgŭm.

Horiso 136:3

Bơnê bĕ kơ Kră Yang, Sư yŏng hloh kơ lu yŏng. Tơdrong 'mêm Sư oei oei ling-lang.

Êsêkiên 26:7

Kră Yang khan thoi âu: Âu, Inh gô chông Nebukatnessar, pơtao Babilôn đơ̆ng gah yă-nơ̆m, pơtao kơ lu pơtao, hăm lu linh, lu linh hao aseh hăm lu linh hao gre aseh lơ, năm blah pơlei Tirơ.

Da 2:29

Ơ pơtao kơplah ih 'bĭch kơpal giơng đei tơdrong ih tơchĕng ning-mônh gô đei tơdrong truh, thoi noh yang mă đei tơbăt tơdrong hlơp kơ pơtao 'bôh noh gô truh.

Da 2:30

Gah inh, tơdrong mă hlơp noh đei tơ'bôh boih kơ inh, ưh kơ sĭ kơ đơ̆ng inh gơh hơgei hloh kơ bơngai nai ôh lăm lu bơngai mă oei arih; mă-lei wă roi tơbăt ăn kơ pơtao 'bôh nhen păng ăn kơ pơtao băt mă lăm đon tơchĕng.

Da 3:15

Na dang ei, dah iĕm kơtơ̆ng jơwa keng, brŏ, 'lal păng đĭ lu tơmam reh, na iĕm athei drap bon tơ teh wă kơkuh kơ rup yang mă inh đei man, lei huay mă-lei dah iĕm ưh kơ drap bon kơkuh, jơ noh hloi boih đe gô klơ̆m lu iĕm tơ lăm ŭnh kơdơ̆r to. Na yang kiơ gơh pơklaih iĕm đơ̆ng ti inh?

Da 3:28

Pơtao Nebukatnessar pơma khan dơ̆ng thoi âu: Trŏ bơnê kơkuh tơpă kơ Kră Yang 'Bok Kei-Dei Sadrak, Mêsak, Abetnigo, Sư đei wơh boih Linh jang 'lơ̆ng Sư păng dŏng pơklaih lu đĭch đam Sư, mă gơnang kơ Sư lu sư ưh kơ pơm kiơ̆ kơ pơtao păng jao akâu jăn, wă huay kơ bơ̆jang dah kơkuh kơ yang nai 'nguaih kơ 'Bok Kei-Dei lu sư.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Da 5:11

Tơ lăm dêh char đei minh 'nu bơngai, đei Yang Bơhngol 'Lơ̆ng oei, lăm chăl 'bă ih đe đei 'bôh tơ lăm sư đei tơdrong hơdah, đei tơdrong hơgei, đei đon hlôh wao, tơdrong gơh hơgei nhen thoi Yang. Thoi noh pơtao Nebukatnessar, 'bă ih, kơdih akâu 'bă ih đei pôk boih sư noh pơm yŏng jing kơ̆l kơ đĭ-đăng lu bơngai hơgei păng lu bơngai pơjâu, lu bơngai hơgei gơh tơwir lăm adrĕch Kalđê.

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

Horiso 96:4

Yua kơ Kră Yang Tih Hloh, trŏ kơkuh bơnê; Sư noh trŏ kơ hli yom hloh kơ đĭ-đăng yang,