Da 2:30 - Sơ̆p Hlabơar Nơ̆r 'Bok Kei-Dei

³⁰ Gah inh, tơdrong mă hlơp noh đei tơ'bôh boih kơ inh, ưh kơ sĭ kơ đơ̆ng inh gơh hơgei hloh kơ bơngai nai ôh lăm lu bơngai mă oei arih; mă-lei wă roi tơbăt ăn kơ pơtao 'bôh nhen păng ăn kơ pơtao băt mă lăm đon tơchĕng.

Da 2:30 Referans Kwoze

Bl 41:16

Jôsep drơ̆ng: Noh ưh kơ đơ̆ng inh, mă-lei đơ̆ng Kră Yang 'Bok Kei-Dei ăn tơdrong tơblang hiôk-hian kơ pơtao.

Jang 3:12

Pêtrôs 'bôh lu sư năm na khan kơ lu sư: “Ơ khŭl Isơrael, iĕm ưh pơwao kiơ kơ đon, na iĕm lăng 'bloh kơ nhi tơdrong nhi pơklaih bơngai hơwen hơwo âu khan tơdrong mơsêh nhi pơm kơdih yua kơ nhi bơngai 'lơ̆ng? Ưh ôh.

II Kor 4:15

Dôm tơdrong nhôn adrin jang wă pơyua iĕm păng wă kơ tơdrong 'Bok Kei-Dei 'mêm mơnat kơ kon bơngai rai jơ̆p teh, wă kơ kon bơngai bơnê hăm pơang anăn Sư rai lơ.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

Markôs 13:20

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Mathiơ 24:22

Dah 'Bok Kei-Dei ưh kơ achơ̆t lê̆ tơdrong tơblah tih noh, ưh kơ đei bu arih ôh. Mă-lei 'Bok Kei-Dei achơ̆t lê̆, yua kơ Sư mơnat kơ lu bơngai mă Sư rơih boih.

Am 4:13

Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.

Da 2:49

Đaniel apinh pơtao, thoi noh pơtao kư̆m ăn kơ Sadrak, Mêsak păng Abetnigo jang pơm tih lăm char Babilôn, mă-lei Đaniel oei jang kơtă lăm hnam pơtao.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Êsai 45:4

Yua kơ Jakôp jơ̆ đĭch đam Inh păng Isơrael lu bơngai mă inh rơih iŏk. Na Inh krao ih hăm anăn ih păng ăn anăn ih đe gô pơyom, mă khan ih ưh kơ băt kơ Inh ră.

Horiso 139:2

Ih băt 'bơ̆t inh hơ-oei, kơplah inh iung. Mă đơ̆ng ataih Ih băt đĭ tơdrong inh tơchĕng.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.