Da 2:28 - Sơ̆p Hlabơar Nơ̆r 'Bok Kei-Dei

²⁸ Mă-lei minh 'nu Kră Yang 'Bok Kei-Dei oei tơ kơpal plĕnh gô tơbăt ăn tơdrong hlơp; păng tơbăt hloi kơ pơtao Nebukatnessar băt tơdrong wă truh tơ anăp âu kơnh, lăm năr wă tôch thoi âu: Tơdrong ih apo păng đei 'bôh kơplah ih 'bĭch kơpal giơng noh.

Da 2:28 Referans Kwoze

Bl 40:8

Bre sư tơl: Nhi đei tep apo, mă ưh kơ băt wă khan kiơ. Roi bĕ tơdrong măr iĕm apo noh kơ inh mơ̆ng.

Am 4:13

Tơpă, sư boih pơjing lu kông păng pơjing kial. Păng roi ăn kơ kon bơngai băt tơdrong sư tơchĕng; sư pơm kơ hơdah jing măng mu păng yak năm lăm anih kơjung hloh kơpal teh. Anăn sư Kră Yang 'Bok Kei-Dei Tih hloh.

Da 10:14

Dang ei inh truh tơ âu wă tơbăt kơ ih hlôh kơ tơdrong wă truh kơ kon pơlei ih lăm năr tôch kơnh; yua kơ tơdrong tơ'bôh 'nâu gô truh oei đunh năr đơ̆ng rŏng kơnh.

Da 2:22

Đơ̆ng Sư boih mă tơbăt dôm tơdrong jrŭ ataih mă hlơp: Sư băt tôm tơdrong. Tơ lăm măng mu păng tơdrong hơdah oei lăm Sư.

Bl 49:1

Jakôp krao lu kon drŏ-nglo sư akŭm păng sư khan thoi âu: Akŭm tơ âu bĕ, inh gô roi ăn kơ iĕm tơdrong gô truh kơ lu iĕm ning-mônh.

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Bl 41:16

Jôsep drơ̆ng: Noh ưh kơ đơ̆ng inh, mă-lei đơ̆ng Kră Yang 'Bok Kei-Dei ăn tơdrong tơblang hiôk-hian kơ pơtao.

II Pet 3:3

Mă loi inh wă tơbăt kơ iĕm gah tơdrong âu: Năr wă jê̆ tôch kơnh đei lơ bơngai 'maih kiơ̆ tơdrong jơhngơ̆m wă kơdih, 'maih pơm lơ tơdrong kiơ̆ mă ưh kơ 'lơ̆ng. Lu sư pơma pơjăm pơma che bơle lu bơngai lui khan:

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Hôsia 3:5

Đơ̆ng rŏng kơ noh lu bơngai Isơrael gô wih chơchă Kră Yang 'Bok Kei-Dei lu sư păng Đawit pơm pơtao lu sư. Lu sư gô wih brŏk păng hli tơrơ yom kơ Kră Yang păng tơdrong 'lơ̆ng hiôk-hian lăm năr hơtuch kơnh.

Da 4:5

Inh đei apo 'bôh pơm kơ inh hli tơtăm; dôm tơdrong inh tơchĕng 'bơ̆t inh oei kơpal giơng păng dôm kơ̆l 'ngok inh 'bôh pơm kơ inh hơwơ̆l hơwang.

Da 2:18

Sư apinh buăl sư krao khan hơpơi kơ Kră Yang 'Bok Kei-Dei mơnat kơ lu sư tơ'bôh ăn tơdrong hlơp noh, wă kơ Đaniel hăm lu buăl sư huay kơ đe pơlôch, hơdai hăm lu bơngai hơgei đe Babilôn.

Horiso 115:3

Kră Yang 'Bok Kei-Dei lu bơ̆n tơ kơpal plĕnh ti, Sư pơm tơdrong kiơ mơ̆ng kơ Sư wă.

Hêbrơ 1:1

Chăl arih lu yă 'bok bơ̆n sơ̆, 'Bok Kei-Dei wơh lu 'bok khan lê̆ hơdrol năm pơtruh kơ lu yă 'bok bơ̆n gah tơdrong Sư lơ 'măng phara pha.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Je 30:24

Kră Yang hil ưh kơ ngach dĭng mă truh tơ Sư pơm keh dôm tơdrong mă Sư wă pơm. Lăm năr tôch kơnh, lu iĕm gô băt hlôh hơđăl tơdrong 'nâu.”

Both 31:19

Thoi noh dang ei, chih bĕ nơ̆r hơri 'nâu păng bơtho ăn kơ kon pơlei bơngai Isơrael hơri, lu sư athei thuơk lăm đon kơ nơ̆r hơri 'nâu wă roi tơbăt ăn Inh kơ nơ̆r Inh chrih ayăt hăm lu sư.

Both 4:30

Kơplah lu iĕm đei tơdrong pơmat-tat păng đei dôm tơdrong truh kơ iĕm, lăm năr mă tuch-luch, lu iĕm gô wih brŏk tơ Kră Yang 'Bok Kei-Dei iĕm păng chu kiơ̆ nơ̆r Sư.

II Tim 3:1

Ih athei 'blŏk hơdơ̆r tơdrong âu mă tơpă: Năr jê̆ tôch ning-mônh đei lơ tơdrong pơmat-tat.

Êsêkiên 38:8

Đei loi kơ lơ năr đunh, đe gô krao ih; lăm lu sơnăm tuch-luch ih gô năm tơ minh pôm char mă đei hlôi klaih đơ̆ng đao, akŭm băl đơ̆ng lơ adrĕch adrung; gô truh tơ kông Isơrael, anih mă pơchah jing juơ sơ̆. Kon pơlei noh đei chông ba đơ̆ng lu kon pơlei nai păng đĭ-đăng oei arih hiôk-hian.

Je 48:47

Mă-lei truh năr hơtuch kơnh Inh gô pơdrâu iŏk lu bơngai bơnă char Môap brŏk,” Kră Yang khan thoi noh. Nơ̆r khan lê̆ adrol kơ bơngai Môap tôch đĭ 'bơ̆t dâu.

Jo 24:14

'Nâu, dang ei adrol kơ inh wih brŏk tơ kon pơlei inh kơdih. Năm tơ âu bĕ, inh gô roi ăn kơ ih băt lu kon pơlei âu gô pơm kiơ kơ lu kon pơlei ih ning-mônh.

Tơdrông Tơ'bôh 1:1

Tơdrong âu, tơdrong 'Bok Kei-Dei ăn kơ Yêsu Krist tơ'bôh kơ lu đĭch đam Sư, tơdrong mă tĕnh truh mă gô 'bôh tơpă. Sư wơh linh jang 'lơ̆ng Sư năm tơ'bôh kơ Yôhan bơngai mă đĭch đam Sư.

Bl 41:25

Jôsep tơl Pharaôn thoi âu: 'Bar tơdrong apo mă 'bok pơtao 'bôh wă tơbăt lăm minh tơdrong đĕch, Kră Yang 'Bok Kei-Dei tơbăt ăn kơ pơtao adrol kơ tơdrong wă jê̆ truh.

Je 10:7

Bu mă ưh kơ hli yom kơ Ih, ơ Pơtao kơ đĭ-đăng dêh char! Ih trŏ tơpă thoi noh, lăm đĭ-đăng lu bơngai hơgei rim adrĕch adrung kon bơngai, lăm jơ̆p-jang kơ dêh char, ưh kơ đei bu thoi Ih.

Êsêkiên 28:3

“Âu, ih hơgei hloh kơ Đaniel; ưh kơ đei tơdrong kiơ gơh ôn kơ ih!

Da 1:20

Na pơtao apinh lu sư tôm tơdrong gah tơdrong gơh hơgei, na 'bôh lu sư gơh hơgei hloh kơ bơngai păng bơngai tơwir lăm jơ̆p kơ dêh char sư mơjĭt wơ̆t 'mơ̆i.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Da 2:45

Kŭm thoi ih đei 'bôh tơmo tơphĕ đơ̆ng kông, ưh kơ đei ti bu klơ̆m, hơtŭt pơchah kơ bơsei, kong, teh lơ̆n, hu păng maih. Kră Yang 'Bok Kei-Dei đei ăn boih kơ ih đei 'bôh tơdrong gô truh tơ anăp âu kơnh. Tơdrong apo âu sĭt păng nơ̆r tơblang âu 'blep trŏ tơpă.