Da 10:6 - Sơ̆p Hlabơar Nơ̆r 'Bok Kei-Dei

⁶ Akâu sư thoi jơmŏng; muh măt sư kư̆m thoi kơmlat păng măt sư thoi pla ŭnh; jơ̆ng, ti sư rang thoi mam kong păng nơ̆r pơma sư thoi nơ̆r tơpôl bơngai lơ.

Da 10:6 Referans Kwoze

Tơdrông Tơ'bôh 19:12

Măt Sư thoi pla ŭnh, Sư yơ̆l môk pơtao lơlap. Păng đei chih anăn tơ akâu Sư, mă-lei ưh kơ đei bu băt kơ anăn Sư noh, pôm Sư kơdih đĕch băt.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Êsêkiên 10:9

Inh lăng, 'bôh đei puăn tŏ tang-wang gre dan cheng chêrubim, rim kơ minh pôm lăm lu tang-wang gre dan 'bơ̆t cheng rim kơ chêrubim; rup tang-wang gre noh hơbŏ rang thoi tơmo gĭt.

Êsêkiên 1:24

Mưh lu kon sem arih wă năm, inh kơtơ̆ng pơnăr lu sư re thoi jơwa đak chơkơi, thoi nơ̆r đơ̆ng Kră Yang Tih Hloh; re ơ-ôs thoi lu linh lơ yak, Mưh pơdơh, lu sư tơjruh pơnăr.

Êsêkiên 1:16

Rup păng hơbŏ lu tang-wang gre nhen thoi tơmo rang; đĭ-đăng puăn tŏ tang-wang gre lei-lăi, rup păng hơbŏ thoi minh pôm tang-wang gre oei tơ lăm minh tang-wang gre nai.

Êsêkiên 1:14

Lu kon sem arih noh năm wơ̆t wih rŏng anăp thoi kơmlat.

Tơdrông Tơ'bôh 21:20

tăl pơđăm tơmo sarđôni, tăl tơdrâu tơmo sađiô, tăl tơpơh tơmo krisôlit, tăl tơhngam tơmo berelô, tăl tơsĭn tơmo tôpassiô, tăl mơjĭt tơmo krisôprais, tăl mơjĭt-mônh tơmo hiasin, tăl mơjĭt-'bar tơmo amettih.

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Luka 9:29

Kơplah Yêsu oei krao khan, muh măt Sư tơwir hloi păng ao Sư rang hơdah mơnhal.

Êsêkiên 1:7

Jơ̆ng lu sư tơpăt, tơpang jơ̆ng thoi kơchôp kon rơmo, hơdah 'brŭng thoi kong rang rơgoh.

Le 28:20

Trong mă puăn tơmo gĭt Beril, tơmo gĭt Onit, tơmo gĭt jasper.

Mathiơ 28:3

Lăng sư nhen lĕ kơmlat, ao sư rang kok dêh.

Tơdrông Tơ'bôh 2:18

“Dang ei dơ̆ng Inh wă kơ ih chih kơthơ kơ kră hnam akŭm 'Bok Kei-Dei tơ Pơlei Thiatir thoi âu: Âu boih Kon 'Bok Kei-Dei, 'Bok mă măt Sư thoi pla ŭnh, jơ̆ng Sư hơdah 'brŭng dreng thoi mam ngơr đe 'buh tơ ŭnh, na Sư wă pơma kơ iĕm thoi âu:

Hơri Hiôk 5:14

Ti sư hơpôm thoi đing maih, hling hrâu hăm tơmo gĭt. Akâu sư tơlôih thoi bơla hrâu hăm tơmo rang.

Êsêkiên 40:3

Kră Yang chông ba inh năm tơ noh, inh 'bôh rup minh 'nu bơngai thoi kơthao kong. Bơngai noh chĕp minh dăng tơlei păng 'long pơtŏ dơ̆ng 'bơ̆t 'măng jang.

Êsêkiên 8:2

Inh lăng 'bôh nhen hơbŏ thoi bơngai, đơ̆ng kơiĕng tơ ala thoi ŭnh, păng đơ̆ng kơiĕng tơ kơpal hơdah rang mơnhal thoi kong đe pơiel.