Da 10:13 - Sơ̆p Hlabơar Nơ̆r 'Bok Kei-Dei

¹³ Mă-lei pơtao dêh char Pherơsơ găn inh lăm 'bar-jĭt mônh năr; mă-lei, 'nâu, Mikael mă minh lăm lu Linh jang Tih hloh, đei truh păng tơgŭm inh boih păng inh oei tơ noh hăm lu pơtao Pherơsơ.

Da 10:13 Referans Kwoze

Ju 1:9

'Bok Mikael, 'bok mă pơgơ̆r tơduă lu sư linh jang 'lơ̆ng, kơplah yŏng yang kơnê̆ wă pơjei iŏk atâu Môis, 'bok Mikael ưh kơ pơ̆n pơma jâu kơnê̆ kơ yang ei ôh. Sư pôm pơma thoi âu đĕch: “Inh gô mơ̆ng kơ 'Bok Kei-Dei đĕch khă e.”

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Tơdrông Tơ'bôh 12:7

Đơ̆ng noh na đei tơdrong tơblah tơ plĕnh ti. Mikael pơm kră wei-lăng lu linh jang 'lơ̆ng, sư krao đĭ-đăng lu linh sư tơblah păng linh yă-grai păng akâu yă-grai kơdih hai.

I Pet 3:22

Yêsu Krist iung arih tŏk tơ plĕnh oei gah 'ma kơ 'Bok Kei-Dei. Sư pơgơ̆r đĭ lu linh jang, lu yŏng pơgơ̆r lu linh jang, đĭ lu yang nai.

I Tes 2:18

Anăn inh Pôl lơ 'măng boih wă năm ră tơ iĕm, mă-lei yang Satan nŏng kơ pơgăn kuă ăn inh năm.

Kôlôsê 2:10

Na iĕm pôm đon hăm Yêsu Krist, Kră Yang 'Bok Kei-Dei kư̆m ăn kơ iĕm jing lei-lăi thoi Yêsu mơ̆n. Yêsu Krist Sư pơm Kră, Sư pơgơ̆r tôm kơ yŏng pơgơ̆r lu yang, tôm kơ yŏng pơgơ̆r lu linh jang.

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Esơra 4:24

Thoi noh, tơdrong jang pơjing hnam akŭm kơkuh kơ Kră Yang 'Bok Kei-Dei tơ pơlei Jêrusalem pơdơh dĭng truh tơ sơnăm mă 'bar chăl Đarius pơm pơtao pơgơ̆r dêh char Phersia.