Both 7:3 - Sơ̆p Hlabơar Nơ̆r 'Bok Kei-Dei

³ Lu iĕm kư̆m 'nĕ kơ pơm pô̆ 'băn hăm lu sư, kư̆m 'nĕ kơ ăn kon drŏ-kăn iĕm oei kơ kon drŏ-nglo lu sư, kư̆m 'nĕ kơ iŏk oei kon drŏ-kăn lu sư ăn kơ kon drŏ-nglo iĕm.

Both 7:3 Referans Kwoze

I Pot 11:2

Lu adrĕch adrung bơngai noh. Kră Yang khan bơih kơ lu bơngai Isơrael: Iĕm ưh kơ gơh iŏk klo dah iŏk akăn đơ̆ng adrĕch adrung bơngai 'noh; yua kơ lu sư gô pơhlŭ pơlung lu iĕm kiơ̆ kơkuh kơ rup yang lu sư. Mă-lei Sôlômôn oei hưch kơ drŏ-kăn bơngai 'noh.

Bl 24:3

Păng inh athei ih pơkă hăm Kră Yang, jơ̆ Kră Yang 'Bok Kei-Dei plĕnh teh, ih ưh kơ chă kơ kon inh akăn minh 'nu adruh lăm char Kanaan, wă khan kon pơlei mă bơ̆n oei dang ei,

Lu 14:3

Mĕ 'bă sư tơl: Liơ ưh kơ đei ôh hă minh 'nu adruh lăm kon pơlei pơla bơ̆n, lăm adrĕch adrung bơ̆n, na mă kon khan wă chă akăn đơ̆ng kon pơlei bơngai Philistin lu sư ưh kơ đei kăt tơdra akar ôh. Samsơn khan kơ 'bă sư: Apinh 'bă rôp ăn kơ inh bĕ adruh 'noh, yua kơ inh lăp hưch kơ sư boih.

Esơra 9:12

Kơlih kơ thoi noh, na 'nĕ ăn kon adruh lu iĕm iŏk kon tơdăm lu sư păng kư̆m 'nĕ ăn kon tơdăm lu iĕm iŏk kon adruh lu sư; 'nĕ kơ layơ chă tơdrong hiôk-hian lu sư păng wă kơ chă đei jing mơdrŏng đơ̆ng lu sư, wă kơ lu iĕm jing nuih pran, sŏng sa yua tơmam 'lơ̆ng đơ̆ng lăm dêh char păng 'măn lê̆ kơ kon lu iĕm dêh char âu jing tơmam lu sư yua ling-lang ling-lang hloi.

Esơra 10:3

Na dang ei, nhôn athei pơkăm pơkă hăm Kră Yang 'Bok Kei-Dei nhôn wă hrĕch achăng păng lê̆ đĭ lu drŏ-kăn noh păng đĭ-đăng lu kon hơ'lơ̆p lu sư, kiơ̆ ih păng lu bơngai băt hli yom pơm kiơ̆ khôi juăt Kră Yang 'Bok Kei-Dei bơtho khan; athei pơm kiơ̆ bĕ khôi juăt.

Ne 10:30

Lu nhôn pơkă ưh kơ ăn ôh kon drŏ-kăn lu nhôn iŏk klo đơ̆ng adrĕch char âu păng kư̆m ưh kơ gơh iŏk oei kon drŏ-kăn lu sư oei kơ kon drŏ-nglo lu nhôn.

I Pot 16:31

Sư lăng pơm yoch rok thoi Jêrôbôam kon drŏ-nglo Nêbat iĕ đĕch, sư iŏk Jêsebel kon drŏ-kăn Êtbaal pơtao đe Siđôn pơm akăn; sư bơ̆jang kơ yang Baal păng kơkuh kơ yang 'noh.