Both 4:23 - Sơ̆p Hlabơar Nơ̆r 'Bok Kei-Dei

²³ Athei kơchăng bĕ kơdih akâu iĕm, 'nĕ kơ hiơt tơdrong pơgơ̆p đơ̆ng Kră Yang 'Bok Kei-Dei lu iĕm mă đei pơgơ̆p hăm lu iĕm păng 'nĕ kơ pơm rup yang, rup sem brem ayơ mă Kră Yang 'Bok Kei-Dei lu iĕm khă.

Both 4:23 Referans Kwoze

Both 4:9

Athei wei răk, pơ'lơ̆ng kơdih akâu iĕm, kơnh hli kơ iĕm hiơt dôm tơdrong mă măt lu iĕm 'bôh boih păng 'nĕ ăn lu tơdrong noh lĕch đơ̆ng lăm jơhngơ̆m iĕm păng athei bơtho bĕ kơ lu kon sâu se iĕm dơ̆ng.

Hêbrơ 3:12

Ơ 'nhŏng oh, iĕm athei kơchăng hli kơ iĕm đei jơhngơ̆m kơnê̆ jing kuă kơ lui, achăng lê̆ 'Bok Kei-Dei Kră Yang mă arih ling-lang.

Mathiơ 24:4

Yêsu khan kơ lu sư: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư.

Êsêkiên 16:59

'Nâu Kră Yang Tih Hloh khan thoi âu: Inh gô pơm kơ ih kiơ̆ thoi tơdrong ih đei pơm, yua kơ ih tŭk lê̆ nơ̆r pơkă hăm hŭt lê̆ tơdrong pơgơ̆p Inh,

Êsai 24:5

Teh đak âu jing kơnê̆ 'mê̆ mach, đơ̆ng kon pơlei pơm yoch. Ưh kơ kiơ̆ khôi juăt, pơm yoch hăm nơ̆r tơtă, pơm glăi hăm tơdrong pơgơ̆p ling-lang.

I Ho 16:15

Sư 'blŏk ling-lang tơdrong Sư pơgơ̆p, nơ̆r Sư pơkă truh tơ rơbâu jơhnơr,

Jôsuê 23:16

Tơdah lu iĕm sơngah kơ tơdrong pơgơ̆p Kră Yang 'Bok Kei-Dei lu iĕm, đei hlôi bơtho pơkă, na lu iĕm achăng lê̆ Kră Yang, chă bơ̆jang awih awăn păng drap kơkuh kơ lu yang nai, lei tơdrong Kră Yang hil mĭl tih gô truh tơ lu iĕm, na lu iĕm gô lôch hiong răm đĭ đơ̆ng char 'lơ̆ng rŏ mă Kră Yang đei ăn boih.

Both 31:20

Đơ̆ng rŏng Inh chông ba lu sư mơ̆t lăm dêh char Inh hlôi pơkă boih hăm 'bok lu sư; dêh 'bĕnh kơ đak toh đak sut; lu sư gô sa phĭ păng bek, wơ̆t bơ̆jang kơkuh lu yang nai, lu sư gô pơdê lê̆ Inh păng pơm glăi kơ tơdrong pơgơ̆p Inh.

Both 29:25

Nơ̆r đe tơl: Yua kơ kon pơlei âu sơngah kơ tơdrong pơgơ̆p Kră Yang 'Bok Kei-Dei lu 'bok lu sư, pơm boih hăm lu sư, kơplah Sư chông ba lĕch hlôi đơ̆ng dêh Êyiptơ;

Luka 21:8

Na Yêsu khan: “Iĕm athei kơchăng kơdih hli kơ đe wă pơhlŭ pơlung iĕm kiơ̆ sư. Ning-mônh gô đei lơ bơngai truh, na lu sư anăn măt Inh khan sư kơdih 'Bok Krist păng khan wă jê̆ truh năr tôch boih. 'Noh iĕm 'nĕ kiơ̆ kơ lu sư hŏ.

Luka 12:15

Yêsu pơma dơ̆ng kơ đĭ-đăng bơngai kiơ̆ ei: “Iĕm athei kơchăng kơdih 'nĕ kơ mah hăt kơ mŭk tơmam dêh. Arih chơt hiôk ưh kơ đơ̆ng mơdrŏng ôh.”

Je 31:22

Oei pă dang yơ dơ̆ng lu iĕm oei thông mang. Ơ kon adruh ưh kơ 'blep? Kră Yang đei pơjing boih minh tơdrong 'nao plơ̆ng lăm teh đak: Bơngai drŏ-kăn wei wêr bơngai drŏ-nglo.”

Jôsuê 23:11

Mă-lei athei kơchăng hơđơ̆ng iŏk đon băt 'mêm kơ Kră Yang 'Bok Kei-Dei lu iĕm.

Both 27:9

Môis păng lu 'bok soi adrĕch bơngai Lêwi khan kơ lu kon pơlei Isơrael: Ơ lu bơngai Isơrael, athei ngăn păng mơ̆ng bĕ! Năr 'nâu, lu iĕm jing kon pơlei Kră Yang 'Bok Kei-Dei iĕm boih.

Both 6:12

Lu iĕm kơchăng bĕ kơdih 'nĕ hiơt kơ Kră Yang tơ'ngla chông tơlĕch iĕm đơ̆ng dêh Êyiptơ, đơ̆ng pơm đĭch.

Le 23:13

Ih athei wei răk đĭ dôm nơ̆r inh pơkă kơ ih, 'nĕ kơ chă pơư anăn lu yang nai; 'nĕ kơ tơ'blŏk tơdrong noh đơ̆ng 'bơ̆r ih.

Jo 15:39

lu iĕm athei đei sĭt reng noh tơ hơbĕn dah ao, mưh iĕm lăng 'bôh reng noh lu iĕm gô 'blŏk kơ dôm khôi juăt nơ̆r Kră Yang tơtă păng pơm kiơ̆, ưh kơ kiơ̆ jơhngơ̆m lăp măt lăng, ngăl pơm kơ iĕm pơm yoch ngôi kư̆ kă.

Both 4:25

Mưh lu iĕm đei kon sâu păng oei tơ dêh noh đunh boih, tơdah lu iĕm pơm yoch kơnê̆ pơrăm akâu kơdih thoi pơm kơ rup yang dah rup sem brem kiơ, mă pơm tơdrong kơnê̆ kiơ 'bơ̆t anăp Kră Yang 'Bok Kei-Dei lu iĕm wă pơm kơ Sư blĕk.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

II Pot 17:38

Lu iĕm 'nĕ kơ hiơt ôh tơdrong pơgơ̆p pơkă mă Inh pơjing hăm lu iĕm 'nĕ kơkuh kơ yang nai.

Malachi 4:4

“Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Both 5:2

Kră Yang 'Bok Kei-Dei lu bơ̆n đei pơgơ̆p boih hăm lu bơ̆n tơ kông Hôrêp.

Both 16:22

Kŭm ưh kơ gơh pơdơ̆ng pơm minh pôm jrăng tơmo wă kơkuh Kră Yang 'Bok Kei-Dei iĕm areh kơ dôm lu tơmam noh.

Êsêkiên 8:10

Na inh mơ̆t lăng 'bôh tơ noh đei tôm kơ rup man kon sem krưp, kơep lep-ler, dôm rup yang man đơ̆ng adrĕch Isơrael đei chhơ̆ jum dăr kơ tơnăr dur.