Both 32:20 - Sơ̆p Hlabơar Nơ̆r 'Bok Kei-Dei

²⁰ Kră Yang khan: Inh gô ôn muh măt Inh ưh pă lăng lu sư wă lăng lăng tuch-luch lu sư thoi yơ, lu sư minh adrĕch hơlĕnh kơnê̆ dêh, jơ̆ lu kon mă ưh kơ tơnăp.

Both 32:20 Referans Kwoze

Both 32:5

Mă-lei iĕm oei hư răm. Ưh pă rŏ trŏ jing kon drŏ-nglo Kră Yang dơ̆ng.

Luka 18:8

Inh khan kơ iĕm tơpă, 'Bok Kei-Dei gô tơdŏng hloi lu sư noh. Mă-lei lăp Inh Kon Bơngai jur dơ̆ng ning-mônh, Inh hăm oei 'bôh lu bơngai lui dơ̆ng ưh kơnh lah?”

Markôs 9:19

Na Yêsu khan kơ lu sư: “Ơ lu iĕm mă oei lui rơdu hơnơ̆ng, iĕm wă kơ Inh oei hơdai iĕm đunh dang yơ 'mơ̆i, na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Mathiơ 17:17

Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm”

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Je 18:17

Inh gô pơm kơ lu sư kơdâu tơklah tơklang 'bơ̆t anăp lu bơngai ayăt, thoi kial bah đơ̆ng hơlĕch; Inh gô tơwih rŏng, ưh pă tơwih muh măt, lăm năr lu sư tơ'bơ̆p pơmat-tat.”

Êsai 64:7

Ưh kơ đei bu krao chă anăn Ih, kư̆m ưh kơ đei bu 'blŏk wă rôp kơjăp kiơ̆ Ih, yua kơ Ih ôn bơih muh măt Ih kơ lu nhôn, lê̆ lu nhôn răm lăm tơdrong yoch lu nhôn kơdih.

Êsai 30:9

Adrĕch adrung âu jơ̆ adrĕch adrung blơ̆ blĕch, kon hơlĕnh, kon adrĕch ưh kơ wă mơ̆ng nơ̆r Kră Yang bơtho khan.

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Jop 13:24

Yua kơ kiơ Ih ôn muh măt đơ̆ng inh, Lăng inh thoi bơngai ayăt?

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.

II Tes 3:2

Păng iĕm krao khan apinh 'Bok Kei-Dei tơgŭm nhôn wă kơ lu bơngai kơnê̆ huay kơ pơm kơnê̆ kơ lu nhôn, kơlih kơ đei lơ bơngai ưh kơ wă lui kơ Kră Yang Yêsu Krist.

Both 9:23

Kơplah Kră Yang athei lu iĕm weh đơ̆ng Kades Barnêa, pơkă khan: Năm iŏk bĕ dêh mă Inh ăn kơ lu iĕm, mă-lei lu iĕm blah plơ̆ Kră Yang 'Bok Kei-Dei lu iĕm tơtă, ưh kơ lui kơ Sư păng ưh kơ chu mơ̆ng kiơ̆ nơ̆r Sư ôh.

Jôsuê 23:10

Minh 'nu lăm lu iĕm gơh pơpuh rơbâu 'nu ayăt; yua kơ Kră Yang 'Bok Kei-Dei lu iĕm tơblah ăn kơ lu iĕm, thoi Sư đei pơkă boih.

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

Je 5:31

Lu bơngai khan lê̆ adrol pơma hơlĕnh, lu 'bok soi pơgơ̆r kiơ̆ thoi lu sư gơh kơdih, lu kon pơlei Inh lăp dêh kơ tơdrong thoi noh. Mă-lei truh năr tôch kơnh lu iĕm gô pơm thoi yơ?”