Both 29:21 - Sơ̆p Hlabơar Nơ̆r 'Bok Kei-Dei

²¹ Kră Yang gô tơklah lê̆ sư lĕch đơ̆ng đĭ-đăng adrĕch bơngai Isơrael, wă kơ pŭ iŏk tơdrong pơmat-tat kiơ̆ thoi đơ̆ng tơdrong pơgơ̆p đei chih lăm sơ̆p hla bơar khôi juăt 'nâu.

Both 29:21 Referans Kwoze

Mathiơ 25:46

Đơ̆ng noh 'Bok Kei-Dei phak lu sư tơ dơnâu ŭnh ling-lang ưh kơ layơ păt. Gah lu bơngai lui kơ 'Bok Kei-Dei 'lơ̆ng tơpăt, lu sư tŏk oei hơdai hăm 'Bok Kei-Dei ling-lang kư̆m ưh kơ layơ tôch.”

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Mathiơ 25:32

Năr ei kơnh đĭ-đăng rim khŭl kon bơngai akŭm 'bơ̆t anăp Inh, na Inh gô klah asong lu sư jing 'bar khŭl, kư̆m thoi bơngai wei triu klah asong triu păng bơbe sư 'bar khŭl.

Mathiơ 24:51

Yŏng sư gô phak pơlôch sư, ăn kơ sư oei hơdai hăm dôm lu bơngai pơm ưh kơ tơpăt, lê̆ sư nhơ̆m hmoi tơkăp sơnĕnh tơ noh.

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Êsêkiên 13:9

Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.

Both 30:10

Tơdah lu iĕm chu pơm kiơ̆ Kră Yang 'Bok Kei-Dei iĕm wei răk nơ̆r tơtă tơdrong juăt mă sư đei chih lăm Sơ̆p hla bơar khôi juăt mă sư đei chih lăm Sơ̆p hla bơar khôi juăt 'nâu păng đĭ jơhngơ̆m đĭ bơhngol wih tơ Kră Yang 'Bok Kei-Dei iĕm.

Both 32:23

Inh gô tơpŭ ăn tơdrong răm pơmat-tat tơ kơpal lu sư. Iŏk hră Inh prah lu sư, dĭng đĭ 'brơ̆m.

Je 42:18

'Nâu Kră Yang Tih Hloh, 'Bok Kei-Dei Isơrael khan: “Thoi Inh tuh boih tơdrong Inh hil mĭl tơ lăm lu kon pơlei lăm Jêrusalem thoi yơ, Inh gô tuh tơdrong Inh hil mĭl tơ lu bơngai bu mă năm oei tơ dêh char Êyiptơ kư̆m thoi noh. Đe gô blei hiap, đe lăng 'brơ̆, đe hiĕk achơ̆; lu iĕm ưh pă đei layơ 'bôh anih âu dơ̆ng.

Both 28:59

na Kră Yang gô ăn đei tơdrong truh kơ iĕm păng tơ lu kon sâu iĕm pơmat-tat krưp đe tam lah 'bôh ôh, tơdrong pơmat tih păng đunh, đei tơdrong jĭ anat păng đunh, lu tơdrong jĭ krưp.

Both 28:61

Kră Yang kư̆m gô ăn kơ iĕm tôm tĕch tơdrong jĭ jăn păng tôm tĕch tơdrong pơmat-tat ưh kơ đei chih lăm Sơ̆p hla bơar Khôi Juăt 'nâu, dĭng truh tơ iĕm lôch răm đĭ.