Both 28:38 - Sơ̆p Hlabơar Nơ̆r 'Bok Kei-Dei

³⁸ Lu iĕm gô rei adrĕch lơ tơ lăm mir chŭn, mă-lei kĕch iŏk tŏ sĕt đĕch yua kơ gô đei lep 'ba sa đĭ.

Both 28:38 Referans Kwoze

Hagai 1:6

Lu iĕm rei lơ mă-lei kĕch iŏk tŏ sĕt; sŏng sa ră mă-lei ưh kơ phĭ; nhă ră mă-lei ưh kơ hrăp; hrŭk mă ưh kơ tơtŏ. Păng lu mơ'nah jang chă jên; mong jên sư kơdih noh lăm kơdŭng hlôh.’

Mi 6:15

Lu iĕm gô rei mă-lei ưh kơ đei kĕch yuă; iĕm hmĕt đak ôliwơ mă-lei ưh kơ đei tring mong ôh; lu iĕm gô hmĕt chơpĕt đak hơmu mă-lei ưh kơ đei huch đak hơmu noh.

Jôel 1:4

Lu kiơ lep tih sa mă oei lê̆, lep 'ba sa; kiơ mă lep 'ba sa oei đei, lep iĕ sa, kiơ mă lep iĕ sa oei đei, lep tung-nut sa pơđĭ.

Am 4:9

Inh yua boih kial tŏ păng hơdrông sa 'ba wă bơtho lu iĕm. Đei lơ mir pơgar 'nhot, pơgar hơmu, 'long hơra, 'long ôliwơ lu iĕm đĭ kơ lep sa pơgoh. Mă-lei lu iĕm kư̆m ưh kơ wă wih brŏk tơ Inh 'mơ̆i Kră Yang khan thoi noh.

Jôel 2:25

Inh gô mong ăn kơ lu iĕm đêl dôm sơnăm đĭ kơ lu lep sa, lu lep tih, lep 'ba, lep iĕ lep tung-nut khŭl linh Inh lơ mă Inh đei wơh truh tơ iĕm.

Jôel 2:3

Ŭnh sa tơ anăp lu sư, đei ŭnh sa tơ rŏng lu sư, đei pla ŭnh sa pơgoh. Adrol kơ sư teh đak âu thoi pơgar Êđen, truh đơ̆ng rŏng kơ sư weh teh đak noh jing juơ juŏ, păng ưh kơ đei kiơ gơh klĕnh đơ̆ng lu sư ôh.

Êsai 5:10

Mơjĭt Hekta mir hơmu hmĕt iŏk đak sư lăp minh ge đĕch, mơjĭt kơđŏng pŭng adrĕch, kĕch iŏk lăp minh kơdŏng pŭng đĕch.”

Le 10:4

Tơdah ih ưh kơ chu ăn kon pơlei inh năm, lei dơning inh gô ăn lep truh tơ jơ̆p-jang lăm char ih;

Both 28:42

Lep tung-nut gô kăp pơrăm đĭ lu tơm 'long 'ba hơ'bo.

I Pot 8:37

Mưh lăm dêh char âu đei tơdrong truh pơngot rơwĕt, phang-ang, đei lep kơnu, hơdrông, phơ̆k kơmot sa, lôch hơ'buh dah đei lu ayăt truh wang blah lăm pơlei dêh char anih lu sư, dah đei tơdrong gleh truh jĭ jăn.

Je 12:13

Lu sư rei boih 'ba mi mă-lei kĕch iŏk găr jơla; lu sư jang hrat mă-lei ưh kơ yua kiơ. Gô mơlâu kơ kĕch iŏk tŏ sĕt, Yua kơ Kră Yang hil kơtang tơpă.

Malachi 2:3

Tơpă, Inh gô chrih kơ adrĕch lu iĕm rei, kon sâu iĕm păng Inh gô săi 'mê̆ tơ muh măt lu iĕm, wă khan 'mê̆ đơ̆ng ĭch đơ̆ng sem dơrong lu iĕm pơyơ̆r; na Inh gô puh tơweh lu iĕm đơ̆ng anăp Inh.

Hagai 1:9

‘Lu iĕm pơtăm lơ mă-lei đei iŏk tŏ sĕt lu iĕm chĕp ba tơ hnam, na Inh dơhlu tŏk tơ kơpal.’ Kră Yang Tih Hloh khan: ‘Noh yua kơ kiơ? Noh yua kơ đơ̆ng hnam Inh jing juơ rơhiăng na lu iĕm băt kơ pơm hnam iĕm kơdih.